Hebreos 5:1 - Chayahuita (Shahui)

¹ Iráca Yosëri aꞌnaya aꞌnaya corto huaꞌan chini chiníquën nanantërinsoꞌ acorin ina marëꞌ sacatacasoꞌ. Inantaꞌ piyapi niponahuëꞌ, aꞌnapita piyapiꞌsa marëꞌ Yosë nontërin. Co noyahuëꞌ nipachinara, chinotopiso pëiquë maꞌsha quëpapi. Inaquë corto huaꞌani tëparin oshanëna marëꞌ. Ama Yosëri anaꞌintacaso marëhuëꞌ inaporin.

Hebreos 5:1 ပူးပေါင်းရင်းမြစ်များ

Romanos 15:17

Quisocristo catahuarinco niꞌton, nóya aꞌchinahuë. Napoaton noya cancantërahuë.

1 Corintios 15:3

Yaꞌnan aꞌchintaponquëmaꞌ, Yosë anitotërincoso chachin shaꞌhuitëranquëmaꞌ: “Oshanënpoaꞌ inquitinpoaso marëꞌ Quisocristo chiminin,” itëranquëmaꞌ. Iráca Yosë quiricanën quëran ninorinso chachin chiminin.

Hebreos 10:11

Nani tahuëri corto huaꞌanoꞌsaꞌ sacatápi. Naquëranchin naquëranchin maꞌsharoꞌsaꞌ tëpapirinahuëꞌ, co oshanënaꞌ inquipihuëꞌ.

Hebreos 10:12

Quisocristoso nipirinhuëꞌ aꞌnaroíchin chiminin oshanënpoaꞌ inquitinpoaso marëꞌ. Ina quëran inápaquë panantarahuaton, Yosë inchinanën quëran huënsëarin.

Hebreos 11:4

Iráca Apiri Yosë natërin. “Yosë catahuarinco,” taꞌton, maꞌsha tëparahuaton, Yosë chinotërin. Inapotohuachina, noya niꞌnin. “Noya natërinco,” tënin. Cainoso nipirinhuëꞌ co ina pochin cancantërinhuëꞌ. Napoaton Apiri nani chiminpirinhuëꞌ, ipora huantaꞌ “Ma noya Apiri natëtërin,” tënëhuaꞌ.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.

Hebreos 7:27

Co inasoꞌ aꞌnapita corto huaꞌanoꞌsa pochinhuëꞌ. Inapitasoꞌ oshahuanatonaꞌ, inahuara oshanëna marëꞌton maꞌsha tëpapi. Ina quëran piyapiꞌsaꞌ oshanëna marëntaꞌ maꞌsha tëpaantapi. Nani tahuëri naporápi. Quisocristoso nipirinhuëꞌ co oshahuanatonhuëꞌ, co maꞌsha tëpacasoꞌ yaꞌhuërinhuëꞌ. Inaora nohuanton, canpoaꞌ yaꞌhuërënamënpoaꞌ chiminin. Aꞌnaroíchin chiminaton, nanitërin yaꞌipi oshanënpoaꞌ inquitinpoasoꞌ.

Hebreos 8:3

Iráca corto huaꞌanoꞌsaꞌ maꞌsha tëpapi piyapiꞌsaꞌ oshanëna marëꞌ. Quisocristoso nipirinhuëꞌ inaora nohuanton, chiminin oshanënpoaꞌ inquitinpoaso marëꞌ.

Hebreos 8:4

Ipora huantaꞌ isoroꞌpaquë yaꞌhuërin naporini, co corto huaꞌan yaꞌcointonhuëꞌ. Cotioroꞌsaꞌ iráca nanan imatonaꞌ, corto huaꞌanoꞌsaꞌ yaꞌhuëtapi maꞌsha tëpacaiso marëꞌ.

Hebreos 9:9

Iporahuantaꞌ ina yonquihuatëhuaꞌ, nitotarihuaꞌ. Iráca pënëntërinsoꞌ co natëhuachinahuëꞌ, maꞌsha tëpapi ama Yosëri anaꞌintacaso marëhuëꞌ. Nipirinhuëꞌ, co ina marëꞌ oshanën inquitërinhuëꞌ.