Hebreos 4:7 - Chayahuita (Shahui)

^7-8 Moisësë chiminpachina, Cosoiri israiroꞌsaꞌ huaꞌanëntantarin. Noyaroꞌpaquë quëpapirinhuëꞌ. “Yaꞌconpatoi, sano cancantarai huachi,” topirinahuëꞌ, co sano cancantopihuëꞌ. Iráca Yosëri shaꞌhuitërin. “Piyapiꞌsaꞌ asanocancantarahuë,” itopirinhuëꞌ, co cotioroꞌsaꞌ ina pochin cancantopihuëꞌ. Ina quëran naꞌa piꞌipi naꞌhuërin piquëran Tapi tapon: “Ipora tahuëri Yosë nontarinquëmaꞌ. Natanpatamaꞌ, noya natëtocoꞌ. Aꞌnaquën co natëtochináchinhuëꞌ cancantopi. Ama inapita pochin cancantocosohuëꞌ,” tënin. Cosoiri asanocancantërin naporini, co ina pochin Yosëri pënëintonhuëꞌ.

Hebreos 4:7 ပူးပေါင်းရင်းမြစ်များ

1 Reyes 6:1

Copirno yaꞌconin quëran huarëꞌ Saromonsoꞌ, nani catapini piꞌipitarin. Naporoꞌ Yosë chinotacaso pëiꞌ anitacaso caniaritarin. Pascoa yoqui quëran aꞌna yoqui niantarinquë caniaritarin. Naporoꞌ israiroꞌsa Iquipito quëran pipipisoꞌ, nani catapini pasa posa shonca piꞌipi nanirin.

Salmos 95:7

Inaíchin Yosënënpoaꞌ. Canpoasoꞌ ina piyapinënpitanpoa ninëhuaꞌ. Ohuicaroꞌsa huaꞌanëni pastoquë noya aꞌpairin. Inapochachin Sinioronta noya aꞌpairinpoaꞌ. Ipora tahuëri ina nontarinquëma niꞌton, noya natanatoma yonquicoꞌ:

Mateo 22:43

—Naporinchi paya. Inaso nipirinhuëꞌ, iráca Ispirito Santo nohuanton, Tapiri chachin Cristo ninoton, ninshitërin: “Yosëri Sinioronëhuë shaꞌhuitërin. ‘Inchinanëhuë quëran huënsëquëꞌ inimiconënpita cari minsëchinquën,’ itërin Yosëri,” tënin Tapi.

Marcos 12:36

Iráca Ispirito Santo nohuanton, Tapi chachin ninshitërin. Cristo ninoton, naporin: Yosëri Sinioronëhuë shaꞌhuitërin. “Inchinanëhuë quëran huënsëquëꞌ inimiconënpita cari minsëchinquën,” itërin Yosëri, tënin Tapi.

Lucas 20:42

iráca Ispirito Santo nohuanton, Tapiri chachin Cristo ninorin. Sarmoquë ninshitaton, naporin: Yosëri Sinioronëhuë shaꞌhuitërin: “Inchinanëhuë quëran huënsëquëꞌ

Hechos 2:29

Niꞌcochi iyaroꞌsaꞌ. Tata masho Tapi nani chiminin. Iráca nani paꞌpitopi. Paꞌpitopisoꞌ ipora huantaꞌ yaꞌhuërarin.

Hechos 2:31

Cristo nanpiantacasoꞌ ninorin. ‘Co chimipiroꞌsa yaꞌhuërinquë patarancohuëꞌ. Co nonëhuë chanatarinhuëꞌ,’ tënin iráca ninoton.

Hechos 28:25

Nisha nisha yonquiatonaꞌ, yapipipi. Yapipihuachinara, Paonori itaantarin: —Ma noꞌtëquën iyaroꞌsaꞌ Ispirito Santori nontërin shimashonënpoaꞌ pënënacaso marëꞌ. Ina nohuanton, Isaiasë ninshitaton, naporin:

Hebreos 3:15

Quiricanënquë naporin: “Ipora tahuëri Yosë nontarinquëmaꞌ. Natanpatamaꞌ, noya natëtocoꞌ. Iráca shimashonëmapita co natëtochináchinhuëꞌ cancantopi. Ama inapita pochin cancantocosohuëꞌ,” tënin.