Hebreos 3:9 - Chayahuita (Shahui)

⁹ Tënihuachinacontaꞌ, ahuantërahuë. Catapini shonca piꞌipi nani maꞌsha sacaiꞌ nininso nipirahuëꞌ, co yanatërinacohuëꞌ. ‘Co Yosë catahuarinpoahuëꞌ,’ taꞌtonaꞌ, aꞌnaquën aꞌporinaco.

Hebreos 3:9 ပူးပေါင်းရင်းမြစ်များ

Salmos 95:9

Inapitasoꞌ naꞌcon catahuato, catapini shonca piꞌipi nani maꞌsha quëtërahuë. Inapotopirahuëꞌ, co natëtonacohuëꞌ tënirinaco. Napoaton inapita noꞌhuito: ‘Isopitasoꞌ, camaitërahuësopita co yanatërinacohuëꞌ. Co yanohuitërinacohuëꞌ. Co cancanëhuë yamapihuëꞌ.

Éxodo 19:4

Nani niꞌnama iquipitoroꞌsa anaꞌintërahuësoꞌ. Canpitaso noya aꞌpaiatënquëma yaꞌhuërahuëquë huarëꞌ quënanquëmaꞌ. Panca onian anpiantënquë huaꞌhuin aꞌmitahuaton quëparin. Inapochachin carimantaꞌ, noya quënanquëmaꞌ.

Éxodo 20:22

Siniorori, Moisësë itapon: “Apira shaꞌhuitaranquënsoꞌ, israiroꞌsa shaꞌhuitëquëꞌ: ‘Nani inápa quëran nontëranquëmasoꞌ natanamaꞌ.

Amós 2:10

Canpitaso Iquipito quëran ocoirahuatënquëmaꞌ, catapini shonca piꞌipi inotëro parti ichiiratëranquëmaꞌ. Ina piquëran, inahua noꞌpanëna huaꞌanëntamaso marëꞌ quëtëranquëmaꞌ.

Números 14:33

Isëquë chachin huiꞌnamapitantaꞌ, ohuicanëna aꞌpaitona yaꞌhuaponaꞌ. Catapini shonca piꞌipi napoaponaꞌ. Canpita co natëramacohuëꞌ niꞌton, huiꞌnamapitanta ina pochin parisitapi. Yaꞌipi mashonquëma ninamasopita isëquë chachin taquiama huarëꞌ inapoaponaꞌ.

Lucas 7:22

—Niꞌcoꞌ iyaroꞌsaꞌ. Ca nohuanto, somaraya nininsopita niꞌtopi. Apiaroꞌsantaꞌ aꞌnaroáchin anoyatërahuë. Noya iratopi. Chana caniori maninsopitantaꞌ anoyatërahuë. Nëꞌhuëroꞌsantaꞌ nëꞌhuëpisoꞌ inquitërahuë. Chiminpisopita ananpitaantarahuë. Notohuaroꞌ piyapiꞌsaꞌ co Yosë nohuitatonaraihuëꞌ nosorotápirinahuëꞌ, noya nanan aꞌchintarahuë. Yaꞌipi nani niꞌnamaꞌ, nani natanamaꞌ. Paatomaꞌ, Coansha shaꞌhuitoncoꞌ noꞌtëquën nitochin.

Hechos 13:8

Pënotonso nipirinhuëꞌ co nohuantërinhuëꞌ. Inasoꞌ Crico nananquë Irimasë itopi. “Ama natëquësohuëꞌ,” toconin.

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

Deuteronomio 4:3

Nani niꞌnama Pioro motopiquë Sinioro anaꞌintërinpoasoꞌ. Yaꞌhuëhuanoꞌsa mamanshinëna Paaro itopisoꞌ, quëmopinënpoa moshatapatopi niꞌton, tiquirin.

Deuteronomio 4:9

Niꞌcona nani maꞌsha niꞌnamasopita naniantotamaꞌ. Aꞌchintëranquëmasopitanta yonquirácoꞌ. Ipora aꞌchintëranquëmasopita ama naniantatomarahuëꞌ, huiꞌnamapitanta aꞌchintocoꞌ. Shiparimapitanta inapotocoꞌ,” itërin.

Deuteronomio 8:2

Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.

Deuteronomio 8:4

Catapini shonca piꞌipi paꞌsápomarahuëꞌ, co aꞌmoramaso mocarinhuëꞌ. Co nantëma tëranta pomatërinhuëꞌ.

Josué 24:7

Napotahuachinara, shimashonëmapitasoꞌ catahuaꞌhuaso marëꞌ nontërinaco. Napoaton inapita catahuaꞌhuaso marëꞌ inapita pinëna quëran, paꞌpi tashiro acorahuë. Cato huëntonoꞌsari chachin ahuancanapirin. Ca nohuanton chachin marërinta imotohuachina, iquipitoroꞌsa taquiitopi. Aꞌnaquëma iquipitoroꞌsa napotërahuësoꞌ niꞌnamaꞌ. Ina piquëran canpitasoꞌ, huaꞌqui inotëro parti yaꞌhuëramaꞌ.