Hebreos 3:8 - Chayahuita (Shahui)

⁸ Ama naniantocosohuëꞌ. Iráca Moisësëri israiroꞌsaꞌ quëpahuachina, shimashonënpoaꞌ co natëtochináchinhuëꞌ cancantopi. Inotëro parti yaꞌhuasoiꞌ, naꞌcon catahuapirahuëꞌ, co natërinacohuëꞌ.

Hebreos 3:8 ပူးပေါင်းရင်းမြစ်များ

Nehemías 9:16

Napotopiranhuëꞌ, shimashonëhuëipitasoꞌ co natëtopihuëꞌ. Co natantochináchinhuëꞌ, cancantatonaꞌ, co natërinënhuëꞌ.

Salmos 95:8

“Iráca inotëro parti shimashonëmapita huëcasoiꞌ, Miripaquë, Masaquë, inaquëpita co natërinacohuëꞌ. Ama inapita napopiso pochin nicosohuëꞌ.

Éxodo 17:7

Moisësëri ina roꞌtë apoyatërin: “Miripa” itërin. Miripasoꞌ, noꞌhuitatona noncaropiquë tapon naporin. Inaquë israiroꞌsaꞌ, Moisësë noncarotopi niꞌton, ina pochin nohuitërin. Naporahuaton Masa itopi antaꞌ, Masasoꞌ, “co natëtopiquëhuëꞌ”, tapon naporin. “Co ipora Yosë aꞌpairinpoahuëꞌ,” topi niꞌton, ina pochin nohuitërin.

Éxodo 8:15

Napoaponahuëꞌ, Yosë naporinso chachin nani huarira inquitohuachina copirnosoꞌ, Moisësë, Aaron, inapita co natërinhuëꞌ. Co natantochináchinhuëꞌ cancantaton co israiroꞌsa yaaꞌparinhuëꞌ.

Jeremías 7:26

Pënënpirinquëmahuëꞌ, co natëramahuëꞌ. Shimashonëmapita co natërinacohuëꞌ. Canpitaso napoaponahuëꞌ, aquë aquëtë co natëtëramahuëꞌ,” itërin.

Daniel 5:20

Inapoaton, “caso noya noyaco. Co insonta ca pochin yaꞌhuërinhuëꞌ,” tënin. Ina pochin yonquiaton, piyapiꞌsa yaaparisitërin. Napohuachina, Yosëri copirno yaꞌconin quëran ocoirin.

Números 14:11

Naporoꞌ Siniorori, Moisësë itapon: —¡Maꞌchachinta niꞌtonaꞌ, isopita yánocaninaco! Inapita catahuaꞌhuaso marëꞌ nani maꞌsha sacai nininsopita nipirahuëꞌ, ¡co yanatërinacohuëꞌ!

Mateo 13:15

Isopitasoꞌ co natantochináchinhuëꞌ cancantopi. Nëꞌhuëya pochin cancantatonaꞌ, co yanatantopihuëꞌ. Tanshirinso pochin cancantatonaꞌ, co yaquënantopihuëꞌ. Noya niꞌpi naporini, quënanchitonahuëꞌ. Noya natanpi naporini, cancanëna quëran nataintonahuëꞌ. Co noyahuëꞌ yonquipisopita naniantatonaꞌ imarinaco naporini, anoyacancanchitohuëꞌ,’ tënin Yosë iráca. Ipora huantaꞌ naꞌa piyapiꞌsaꞌ ina pochin cancantopi.

Hechos 19:9

Aꞌnaquënso nipirinhuëꞌ co natantochináchinhuëꞌ cancantatonaꞌ, co yanatëpihuëꞌ. Piyapiꞌsaꞌ niyontonpachinara, noꞌhuitopi. Noꞌhuitatonaꞌ, —Co Quisoso nanamën imacasoꞌ yaꞌhuërinhuëꞌ, toconpi. Napoaton Paonori patërin. Quisoso imapisopita quëparahuaton, iscoira pëiquë paꞌnin. Tirano aꞌchininquë paaton, nani tahuëri aꞌchintárin.

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

1 Corintios 10:9

Naporahuatonaꞌ Sinioronta tënipi: “Co nimara anaꞌintarinpoahuëꞌ,” taꞌtonaꞌ, co noyahuëꞌ nipi. Ina marëꞌ yaꞌhuanatonaꞌ, naꞌa chiminpi.

Deuteronomio 6:16

Ama Yosë tënicosohuëꞌ. Ama ina camaicosohuëꞌ. Ina nohuantërinsoráchin yonquicaso yaꞌhuërin. Ama huachi catoro Masaquë naporamaso pochin niantacosohuëꞌ. Noꞌhuichinquëmaꞌ.

1 Samuel 6:6

Iráca iquipitoroꞌsa co natantochináchinhuëꞌ cancantopi. Copirnonënantaꞌ, ina pochachin cancantërin. Yosëri chiníquën aparisitaquë huarëꞌ israiroꞌsa aꞌpapi. Ama canpitaso inapita pochin cancantocosohuëꞌ.