Hebreos 3:2 - Chayahuita (Shahui)

² Yosëri acohuachina, noꞌtëquën natërin. Iráca Moisësëntaꞌ Yosë natëton, yaꞌipi piyapinënpita catahuarin.

Hebreos 3:2 ပူးပေါင်းရင်းမြစ်များ

Éxodo 40:16

Moisësë Yosë chinotacaso marëꞌ nëꞌmëtë pëi nipachina, Siniorori camairinso chachin yaꞌipi ninin.

Números 12:7

Piyapinëhuë Moisësëso nipirinhuëꞌ, co ina pochin anitotërahuë. Inasoꞌ, yaꞌipi piyapinëhuëpita quëran noꞌtë noꞌtëquën natërinco.

Juan 15:10

Tata Yosë noꞌtëquën natërahuë niꞌton, paꞌpi nosororinco. Inapochachin natëhuatamaco, carinquëmantaꞌ paꞌpi nosoroaranquëmaꞌ.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

Juan 7:18

Aꞌnaquënsoꞌ inahuara yonquinëna quëran aꞌchinpi. Piyapiꞌsari paꞌyatacaiso marëꞌ napopi. Casoꞌ nipirinhuëꞌ Yosëíchin yonquiato, noꞌtëquën aꞌchinahuë. Inaíchin paꞌyatacaisoꞌ yaꞌhuërin, tënahuë. Co nonpintëranquëmahuëꞌ.

Juan 8:29

Tatahuë aꞌpaimarinco niꞌton, caꞌtaninco. Ina nohuantërinsoráchin noꞌtëquën natërahuë niꞌton, co patarincohuëꞌ, itërin.

Efesios 2:22

Canpitantaꞌ Quisocristo imatomaꞌ, yaꞌconamaꞌ. Aꞌnaya aꞌnayanpoaꞌ naꞌpi pochin ninëhuaꞌ pëiꞌ nanicaso marëꞌ. Yaꞌipi imarëhuasopita Yosë pëinën pochin ninëhuaꞌ. Ispirito Santo yaꞌcoancantohuachinpoaꞌ, Yosë chachin canpoarëꞌ yaꞌhuërarin huachi.

Deuteronomio 4:5

Yaꞌipi Sinioronënpoa pënëntërinsoꞌ, camaitërinsoꞌ, inapita shaꞌhuitërincosoꞌ nani aꞌchintëranquëmaꞌ. Noꞌpaꞌ manamaquë yaꞌhuëhuatamaꞌ, yaꞌipi inapita natëcoꞌ.

1 Timoteo 1:12

Ina marëꞌ Sinioro Quisocristo achinicancaninco. “Noꞌtëquën natëarinco,” taꞌton, acorinco aꞌchinaꞌhuaso marëꞌ. Napoaton: “Yosparinquën Sinioro,” itërahuë.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.

1 Samuel 12:6

Ina quëran Samoirosoꞌ yaꞌipi israiroꞌsa itaantapon: —Moisësë, Aaron, inapitari Iquipito quëran shimashonënpoapita ocoipi. Sinioro nohuanton napopi.