Hebreos 3:16 - Chayahuita (Shahui)

¹⁶ ¿Inpitataꞌ natanaponaraihuëꞌ, co yanatëpihuëꞌ? Coꞌta cotioroꞌsa chachin napopi. Moisësëri Iquipito quëran ocoirahuaton, quëpapirinhuëꞌ, co yanatëpihuëꞌ.

Hebreos 3:16 ပူးပေါင်းရင်းမြစ်များ

Números 14:11

Naporoꞌ Siniorori, Moisësë itapon: —¡Maꞌchachinta niꞌtonaꞌ, isopita yánocaninaco! Inapita catahuaꞌhuaso marëꞌ nani maꞌsha sacai nininsopita nipirahuëꞌ, ¡co yanatërinacohuëꞌ!

Números 14:2

Naporahuatona, Moisësë, Aaron inapita pinopi. Inahua capinintaꞌ: “Iquipitoquëhuë nipon, iso inotëroquëhuë nipon chiminëhua naporini, noya noya niitërihuahuëꞌ.

Números 14:24

Piyapinëhuë Caripi itëramasoráchin nanitaparahuësoꞌ natëton, nishatërin. Napoaton ina tëhuëchinsoꞌ noꞌpaꞌ nohuitacaso marëꞌ paꞌninquë yaꞌconapon. Shinpitanta inaquë yaꞌhuëaponaꞌ.

Números 14:30

Caripi, Cosoi, inapitaráchin yaꞌconaponaꞌ. Inaquë poꞌmoanquëmaso marëꞌ noꞌtëquën shaꞌhuitopiranquëmahuëꞌ, co natëtëramahuëꞌ niꞌton, canpitaso co yaꞌconaramahuëꞌ.

Números 14:38

Cosoi, Caripi, inapitaso nipirinhuëꞌ, co chiminpihuëꞌ.

Números 14:4

Ina quëran inahua capini: “¡Huëco paꞌahua aꞌna huaꞌan acoatëhuaꞌ, Iquipitoquë chachin paꞌmantaꞌahua nipachin!” taantapi.

Judas 1:5

Nani nitotopiramahuëꞌ, naquëranchin shaꞌhuitantaranquëmaꞌ yonquicamaso marëꞌ. Iráca Yosë piyapinënpita Iquipito parti parisitopirinahuëꞌ, Yosëri nichaꞌërin. Yaꞌipiya noya pipiponaraihuëꞌ, ina quëran aꞌnaquën co yanatëhuachinahuëꞌ, Yosëri chiníquën anaꞌintaton, ataꞌhuantërin. Inapochachin iporantaꞌ imaponaraihuëꞌ nisha cancantohuachinaꞌ, chiníquën anaꞌintarin.