Hebreos 2:7 - Chayahuita (Shahui)

⁷ Quëma nohuanton, co anquëniroꞌsa pochin chiníquën nanantopiraihuëꞌ, co huaꞌquiya quëranhuëꞌ chiníquën nanan quëtarancoi. Noya noya acoarancoi.

Hebreos 2:7 ပူးပေါင်းရင်းမြစ်များ

Salmos 8:5

Ina nipirinhuëꞌ, anquëniroꞌsa pochin shininancoi. Noya nicatoi huaꞌanëntaꞌhuaiso marëꞌ acorancoi.

Salmos 8:6

Huaꞌan pochin nicaꞌhuaiso marëꞌ acorancoi. Yaꞌipi maꞌsha huaꞌanëntërai.

Romanos 2:10

Noya nipisopitaso nipirinhuëꞌ, noya niꞌsarin. Noya noya acorarin. Asanocancanarin. Cotioroꞌsaꞌ noꞌtëquën chachin napotarin. Nisha piyapiꞌsantaꞌ inapochachin nitarin. Yaꞌipinpoaꞌ noya nipatëhuaꞌ, nichaꞌësarinpoaꞌ.

Romanos 2:7

Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

Hebreos 2:9

Quisososo nipirinhuëꞌ yonquiaꞌahuaꞌ. Inasoꞌ isoroꞌpaquë oꞌmaton, piyapi chachin nasitimarin. Parisitaton, canpoa marëꞌ chiminin. Napoaton Yosëri chiníquën nanan quëtërin yaꞌipi huaꞌanëntacaso marëꞌ. Inaora nohuanton, Yosë nosoroatonpoaꞌ, huiꞌnin aꞌpatimarinpoaꞌ yaꞌhuërëtinpoaso marëꞌ. Yaꞌipi piyapinpoa marëꞌ chiminin.