Hebreos 2:12 - Chayahuita (Shahui)

¹² Quiricanënquë naporin: “Piyapiꞌsaꞌ iyahuëpita pochin niꞌnahuë. Quëma nanamën, Sinioro, aꞌchintarahuë. Niyontonpatëira, yonquiatëinquën, cantarai,” tënin.

Hebreos 2:12 ပူးပေါင်းရင်းမြစ်များ

Salmos 22:22

Inapotohuatanco, imarinquënsopita achinicancanarahuë. Niyontonaiquë chinotatënquën: “Yosparinquën,” itarainquën.

Salmos 22:25

Naporinso marëꞌ ina chinotato: “Notohuaroꞌ imarinënquënsopita niyontonpiquë, chinotaranquën. Noꞌtëquën nonaton catahuatëranso marëꞌ napotaranquën. Maꞌsona nicaꞌhuasoꞌ shaꞌhuitëranquënsopita, chinotërinënsopita niꞌtonënquë ananiarahuë,” itarahuë.

Salmos 40:10

Noyasáchin ninansoꞌ shaꞌhuitërahuë. Nichaꞌërancosoꞌ, co nisha nisha cancantëransohuëꞌ, inapitanta shaꞌhuitërahuë. Nosororancosoꞌ, noꞌtëquënáchin nonansoꞌ, inapitantaꞌ, notohuaroꞌ piyapinënpita niyontonpiquë noꞌtëquën shaꞌhuitërahuë.

Juan 18:20

—Casoꞌ aꞌninquëchin piyapiꞌsaꞌ aꞌchintërahuë. Niyontonpiso pëiquë, Yosë chinotopiso pëiquë, inaquëpita cotioroꞌsaꞌ niyontonpachinara, aꞌchintërahuë. Co poꞌoana quëran aꞌchinahuëꞌ.

Hebreos 12:23

Huëntonënquë chachin Yosë nani ayaꞌconinpoaꞌ. Inápaquë nininënpoaꞌ nani ninshitërinpoaꞌ huiꞌninpita pochin nicainpoaso marëꞌ. Inatohuaꞌ niyontonarihuaꞌ. Yosë chachin imarëhuaꞌ. Inasoꞌ yaꞌipiya huaꞌanëntaton, co imapisopitahuëꞌ noꞌtëquën anaꞌintarin. Aꞌnaquën imapisopita nani chiminpachinara, huaꞌyanënasoꞌ Yosëꞌpaꞌ yaꞌhuapi huachi. Yosë pochachin cancantopi. Inapitarëꞌquënpoa chachin niyontonarihuaꞌ