Hebreos 13:24 - Chayahuita (Shahui)

²⁴ Ansianoꞌsanquëmaꞌ saludos aꞌpataranquëmaꞌ. Yaꞌipi imaramasopitantaꞌ yonquiatënquëmaꞌ, saludos aꞌpataranquëmaꞌ. Itariaroꞌsantaꞌ saludos aꞌpatarinënquëmaꞌ.

Hebreos 13:24 ပူးပေါင်းရင်းမြစ်များ

Hechos 18:2

Inaquë aꞌna cotio quëmapi Aquiro itopisoꞌ quënanconin. Inasoꞌ Pontoquë nasitërin. Saꞌinsoꞌ Pirisira itopi. Iꞌhuamiáchin Itaria parti yaꞌhuëpi. Nomaquë chachin yaꞌhuëpirinahuëꞌ, copirno Craotiori camaitohuachina, yaꞌipi cotioroꞌsaꞌ pipipi. Aquirosoꞌ ina quëran pipirahuaton, Corintoquë huëꞌnin. Ina pëinënquë Paono paꞌnin niꞌtapon.

Hechos 27:1

Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 9:13

Ananiasëso nipirinhuëꞌ co yapaꞌninhuëꞌ. “Ina quëmapisoꞌ Sinioro, paꞌpi co noyahuëꞌ, topi natantërahuë. Quirosarinquë quëma imarinënquënsopita chiníquën aparisitërin.

1 Corintios 16:16

Inapitasoꞌ noya natëcoꞌ, tënahuë. Aꞌnapitantaꞌ chiníquën catahuarinquëmaꞌ noya imacamaso marëꞌ. Insosona ina pochin aꞌchintohuachinquëmaꞌ, noya niꞌcoꞌ.

2 Corintios 1:1

Ca Paonoco ninshitantaranquëmaꞌ. ¿Noya canpitantaꞌ yaꞌhuaramaꞌ? Noya cantaꞌ yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Iya Timotioroꞌco nanan aꞌpataranquëmaꞌ. Corintoquë yaꞌhuëramasopita ninshitaranquëmaꞌ. Yosë nohuanton, canpitantaꞌ huëntonënquë yaꞌconamaꞌ. Acaya parti nisha nisha ninanoroꞌsaquë imaramasopita yonquiatënquëmaꞌ, ninshitaranquëmaꞌ.

2 Corintios 13:13

Yaꞌipi imapisopita isëquë yaꞌhuëpisoꞌ, saludos aꞌpatarinënquëmaꞌ.

Filipenses 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Iya Timotioroꞌco nanan aꞌpatarainquëmaꞌ. Quisocristo huaꞌanëntërincoi. Inasáchin natërai. Yaꞌipi Quisocristo imaramasopita Piriposëquë yaꞌhuëramasoꞌ, ninshitaranquëmaꞌ. Ansianoꞌsanquëmaꞌ naꞌcon yonquiranquëmaꞌ. Tiaconoꞌsanquëmantaꞌ yonquiranquëmaꞌ.

Filipenses 4:22

Yaꞌipi Yosë imapisopita isëquë yaꞌhuëpisoꞌ saludos aꞌpatarinënquëmaꞌ. Copirno inpriatonënpitantaꞌ naꞌcon yonquiatënënquëmaꞌ, saludos aꞌpatarinënquëmaꞌ.

Colosenses 1:2

Yaꞌipi imaramasopita Corosasëquë yaꞌhuaramasoꞌ, ninshitaranquëmaꞌ. Canpitantaꞌ Quisocristo imamiataramaꞌ niꞌton, Yosë noya niꞌninquëmaꞌ. Ina imaramaꞌ niꞌton, iyahuëi pochin niꞌnainquëmaꞌ. Inaora nohuanton, Tata Yosë naꞌcon catahuainquëmaꞌ. Asanocancainquëmaꞌ.

Hebreos 13:17

Ansianoꞌsaꞌ pënënpachinënquëmaꞌ, noya natëcoꞌ. Noya noya imacamaso marëꞌ Yosëri acorin. Aꞌna tahuëri inapitantaꞌ yaꞌipi napopisopita Yosë shaꞌhuitapi. Nani tahuëri pënënarinënquëmaꞌ. Noya natëhuatamaꞌ, noya cancantatonaꞌ, aꞌchintarinënquëmaꞌ. Co yanatëhuatamahuëꞌ, sëtapi. Naporahuaton, canpitantaꞌ co noya noya cancantapomahuëꞌ.

Hebreos 13:7

Yaꞌnan aꞌchintërinënquëmasopita yonquicoꞌ. Yosë quiricanën noya aꞌchintërinënquëmaꞌ. Chiminaquë huarëꞌ noya nicatonaꞌ, aꞌnapita catahuapi. Napoaton inapita nonanatomaꞌ, noya natëcoꞌ.