Hebreos 13:16 - Chayahuita (Shahui)

¹⁶ Noyasáchin niahuaꞌ. Nicatahuacasoꞌ ama naniantahuasohuëꞌ. Aꞌnapita maꞌsha pahuantohuachinaꞌ, ama apiratocosohuëꞌ. Inapohuatëhuaꞌ, Yosë noya chinotarëhuaꞌ niꞌton, noya niꞌsarinpoaꞌ.

Hebreos 13:16 ပူးပေါင်းရင်းမြစ်များ

Salmos 37:3

Canpitaso noya nicatoma Sinioro natëcoꞌ. Inasáchin cancantatoma isoroꞌpaquë yaꞌhuëcoꞌ.

Salmos 51:19

Naporoꞌ tëhuënchinsoꞌ, quëma marëꞌ maꞌsha nininsoꞌ tëpaarai. Aꞌnaquën yaꞌipi ahuiquitarai. Aꞌnaquëontaꞌ, piꞌpian ahuiquitarai. Naporoꞌ, artaronënquë toroaꞌhuaroꞌsa ahuiquitatoi chinotarainquën.

Lucas 18:22

Ina natanahuaton, Quisosori itantarin: —Isontaꞌ Yosë nohuantërin. Paaton, yaꞌipi maꞌshanënpita paꞌanconquëꞌ. Coriqui canaransoꞌ saꞌahuaroꞌsaꞌ quëtonquëꞌ. Ina quëran imaquico. Inapotohuatan, Yosëꞌpaꞌ naꞌcon canamiataran, itërin.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

Romanos 12:13

Imapisopita pahuantohuachinaꞌ, maꞌsha quëtocoꞌ. Niꞌtoroꞌsaꞌ yaꞌnotohuachinënquëmaꞌ, noya nontatomaꞌ, aꞌcacoꞌ.

Gálatas 6:10

Napoaton yaꞌipi piyapiꞌsaꞌ nosoroaꞌhuaꞌ. Nanitohuatëhuaꞌ, catahuahuaꞌ. Quisocristo imarëhuasopita capini naꞌcon naꞌcon nicatahuahuaꞌ.

Gálatas 6:6

Aꞌnaquën paatonaꞌ, nani tahuëri Yosë nanamën aꞌchinápi. Aꞌchintohuachinquëmaꞌ, maꞌsha quëtocoꞌ ama pahuanchinasohuëꞌ.

Efesios 4:28

Aꞌnaquëmaꞌ iráca ihuatëramaꞌ. Ama huachi ihuatocosohuëꞌ. Ama chirotomarahuëꞌ, noya sacatocoꞌ. Ina quëran nanitëramaꞌ pahuantërinsopita quëtacamasoꞌ.

Filipenses 4:14

Inaso nipirinhuëꞌ, ma noyanquëmaꞌ canpitasoꞌ niꞌton, catahuaramaco. Isëquë yaꞌhuato parisitopirahuëꞌ, noya catahuaramaco.

Filipenses 4:18

Iporasoꞌ nóya iꞌhuërëtëramaco huachi. Napoaton noya yaꞌhuarahuë. Co mantaꞌ pahuantërincohuëꞌ. Iꞌhua Ipapërotito huëꞌpachina, coriqui aꞌpatëramaco niꞌton, maꞌsha yaꞌhuëtërinco. Ina marëꞌ “Yosparinquëmaꞌ,” itëranquëmaꞌ. Yosë nosoroatomaꞌ, aꞌpatiramaco. Yosë chinotacaiso marëꞌ pimóchin nininsoꞌ aꞌpëhuachinara, Yosëri noya niꞌnin. Inapochachin canpitantaꞌ coriqui aꞌpatëramaco niꞌton, Yosë noya niꞌninquëmaꞌ.

1 Tesalonicenses 5:15

Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

2 Tesalonicenses 3:13

Naꞌaquëmaꞌ iyaroꞌsaꞌ noya nisaramaꞌ. Ama amiatomaꞌ, nisha cancantocosohuëꞌ. Nani tahuëri noya nicoꞌ.

1 Timoteo 6:18

Naꞌa coriqui yaꞌhuëtohuachinquëmaꞌ, aꞌnapita nosoroatomaꞌ, catahuacoꞌ. Maꞌsha pahuantohuachina, quëtocoꞌ. Ama mantaꞌ apiracosohuëꞌ. Noya nicoꞌ.

Filemón 1:6

Quisocristo imaton, aꞌnapitantaꞌ catahuaran imacaiso marëꞌ. Napoaton ina yonquiato, Yosë nontërahuë: “Catahuaquëꞌ Sinioro Quisocristo imaton, noya noya yonquiꞌin. Yaꞌipi ina yonquirincoisoꞌ nitochin,” itërahuë.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.