Hebreos 12:9 - Chayahuita (Shahui)

⁹ Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.

Hebreos 12:9 ပူးပေါင်းရင်းမြစ်များ

Éxodo 20:12

Tatama noya nicatoma natëcoꞌ. Mamamanta natëcoꞌ. Natëhuatamaꞌ, naꞌcon catahuaranquëmaꞌ. Canaan noꞌpaꞌ quëtohuatënquëmaꞌ, huaꞌqui inaquë noya yaꞌhuaramaꞌ.

Eclesiastés 12:7

Amocan quëran Yosë nininquën niꞌton, chiminpatan nonënsoꞌ, noꞌpaꞌ niantapon. Ispiritonëntaꞌ, Yosëꞌpaꞌ paantapon. Ina quëtërinquën niꞌton, ina chachin mataantarinquën.

Isaías 42:5

Siniorosoꞌ Yosë niꞌton, piꞌiroꞌtë acorin. Ina acoaton nëꞌmëtë pëi ótënëso pochin nitërin. Isoroꞌpantaꞌ, nani maꞌsha yaꞌhuërinsopitarë chachin acorin. Ina nohuanton piyapiꞌsa inaquë nanpipi. Inari chachin niinta acotërin.

Isaías 45:10

Inapochachin huaꞌhuaroꞌsantaꞌ, co paꞌpina noꞌhuicaiso yaꞌhuërinhuëꞌ: ‘¿Maꞌmarëta huiꞌnaranco niꞌton, isoroꞌpaquë poꞌsarahuë?’ co taꞌcaiso yaꞌhuërinhuëꞌ.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Lucas 18:2

“Aꞌna ninanoquë aꞌna coisë yaꞌhuërin. Co mantaꞌ Yosë tëꞌhuatërinhuëꞌ. Piyapiꞌsantaꞌ co nosororinhuëꞌ.

Lucas 18:4

Huaꞌquiꞌ coisëri co natëpirinhuëꞌ, napoin quëran ami ami natanin. ‘Coꞌ mini Yosë tëꞌhuatërahuëꞌ. Piyapiꞌsantaꞌ co nosororahuë.

Juan 3:6

Piyapi quëran nasitohuatamara, piyapi pochin cancantëramaꞌ. Ispirito Santo quëransoꞌ nasitaantahuatamaꞌ, Yosë pochin cancantaramaꞌ.

Hechos 2:30

Coꞌhuara chimiyantërasohuëꞌ, Yosëri itërin: ‘Aꞌna tahuëri quëma shiparinquën acoarahuë huaꞌanëntacaso marëꞌ. Quëma yaꞌhuërënamën huaꞌanëntarin. Casoꞌ Yosëco niꞌto, co nonpintaranquënhuëꞌ,’ itërin. Napoaton shiaꞌhuain ninoton, ninshitërin.

Romanos 1:3

“Huiꞌnahuë aꞌpaimarahuë,” tënin Yosë. Napoaton Quisocristo isoroꞌpaquë oꞌmarahuaton, piyapi chachin nasitimarin. Tapi shiin inasoꞌ.

Romanos 9:3

Inapitasoꞌ quëmopinëhuëpita. Co Quisocristo imapihuëꞌ niꞌton, anaꞌintacasoꞌ yaꞌhuërin. Nanitërahuë naporini, inapita yaꞌhuërënamën parisitopiquë paꞌitohuëꞌ. Chaꞌëcaiso marëꞌ inaquë parisichitohuëꞌ.

Romanos 9:5

Shimashonënpitasoꞌ Yosëri chachin huayonin. Ina quëran Cristo isoroꞌpaquë oꞌmahuachina, Israiro sanapi quëran nasitërin. Inasoꞌ Yosë chachin. Yaꞌipiya huaꞌanëntërinpoaꞌ. ¡Ma noyacha inaso paya! tënëhuaꞌ. Amen.

Santiago 4:10

Yaꞌipinquëmaꞌ, aꞌnaya aꞌnayanquëmaꞌ, Yosë chachin niꞌsárinquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” topatamaꞌ, anoyacancantarinquëmaꞌ. Ina pochin cancantohuatëhuaꞌ, noya noya acoarinpoaꞌ.

Santiago 4:7

Napoaton Yosëíchin natëcoꞌ. Ama piꞌpian tërantaꞌ sopai nohuantocosohuëꞌ. Chiníquën cancantocoꞌ. Yosë nontatomaꞌ, sopai aꞌpacoꞌ paꞌin. Co ina natëhuatamahuëꞌ, patarinquëmaꞌ.

1 Pedro 5:6

Parisitapomarahuëꞌ, ama Yosë noꞌhuicosohuëꞌ. Chiníquën nanantaton, niꞌsárinquëma niꞌton, natëcoꞌ. Ina noya yonquihuatamaꞌ, tahuëri nanihuachin, noya noya acoarinquëmaꞌ.

Apocalipsis 22:6

Ina quëran anquëni shaꞌhuitërinco: “Iráca quëra huarëꞌ Yosë nohuanton, aꞌnaquën ninopi. Iporasoꞌ anquëninënco aꞌpaimarinco ninocaꞌhuaso marëꞌ. Aꞌnotëranquën niꞌton, ninshitëran Yosë piyapinënpita nitotacaiso marëꞌ. Noꞌtën nanan nani shaꞌhuitëranquën. Yaꞌipiya natëtacaisoꞌ yaꞌhuërin. Co huaꞌqui quëranhuëꞌ maꞌsha onpoarin,” itërinco.