Hebreos 12:7 - Chayahuita (Shahui)

⁷ Huiꞌninpita pochin niꞌninpoaꞌ niꞌton, ahuantacasoꞌ yaꞌhuërin. Niꞌcoꞌ. Huiꞌnanpoꞌ noꞌtëquën pënënëꞌ noya noya yonquicaso marëꞌ.

Hebreos 12:7 ပူးပေါင်းရင်းမြစ်များ

2 Samuel 7:14

Inasoꞌ, huiꞌnahuë pochachin niꞌsarahuë. Inantaꞌ, paꞌpin pochachin niꞌsarinco. Inasoꞌ tëhuëpachin, anaꞌintatë huihuirëso pochin nitarahuë. Quëmapiꞌsa huiꞌnina nosoroatona pënënpiso pochin nitarahuë. Ina quëran pipipisopitanta copirno yaꞌconpachinaꞌ, ina pochachin nitarahuë.

1 Reyes 1:6

Inaso huaꞌhuatapon quëran huarëꞌ co paꞌpini pënëninhuëꞌ niꞌton, co noyahuëꞌ cancantërin. Maꞌsona tëranta nisahuachina, co onporo tëranta paꞌpini: “Maꞌmarëta ina pochin nisaran,” co itërinhuëꞌ. Apësaronco piquëran inasoꞌ huaꞌhuatërin. Naporahuaton inantaꞌ, noyapin noyapin niꞌtërin.

Hechos 14:22

Cara ninanoquë chachin Quisoso imapisopita pënënaꞌpiapi. “Ama iyaroꞌsaꞌ Quisoso aꞌpocosohuëꞌ. Imamiatocoꞌ. Aꞌnapita aparisitarinënpoaꞌ. Parisitacasoꞌ yaꞌhuërin. Parisitatëhuaꞌ, Yosë huaꞌanëntërinquë yaꞌconarëhuaꞌ. Napoaton noya ahuantocoꞌ,” itopi. Pënënpachinara, achinicancanpi.

1 Corintios 11:32

Aꞌna tahuëri oshahuanoꞌsaꞌ anaꞌintomiatarin. Imarëhuasopitaso nipirinhuëꞌ, ipora chachin piꞌpian anaꞌintarinpoaꞌ noya noya yonquicaso marëꞌ. Ina quëran ayaroꞌ tahuëri co anaꞌintomiatarinpoahuëꞌ.

Deuteronomio 8:5

Napoaton: ‘Siniorosoꞌ nóya niꞌton, huiꞌnanpo nosorohuatëra, pënënëso pochin, pënëninpoaꞌ,’ tocoꞌ.

1 Samuel 2:29

Nani camairanquëma maꞌsha chinotiinacoso marëꞌ quëpiso tëpatomaꞌ, ca marëꞌ ahuiquitamasoꞌ. Maꞌpitasona quëshirinacosontaꞌ, aꞌnotamacoso marëꞌ nani camairanquëmaꞌ. ¡Canpitaso co ina nocanamaso yaꞌhuërinhuëꞌ! ¡Ca naꞌcon naꞌcon paꞌyataancoso nipirinhuëꞌ, quëmasoꞌ huiꞌnanpita naꞌcon naꞌcon paꞌyatëran! Israiroꞌsa maꞌpitaso quëshihuachinacora, noya noya nininsoꞌ quëshirinaco. ¡Co ina naꞌcon naꞌcon maꞌpatatomaꞌ, canpitaso amomiatamaso yaꞌhuërinhuëꞌ!

1 Samuel 2:34

Huiꞌnanpita Opini, Pinisë, inapita naporo tahuërirachin chiminaponaꞌ. Napotëranquënsoꞌ nanicaso marëꞌ napoaponaꞌ. Ina quëran aꞌna corto huaꞌan co quëmá quëran pipirinsohuëꞌ acoarahuë. Ina tëhuënchinsoꞌ natëarinco. Yaꞌipi camairahuësoꞌ, inaso nicapon. Ina acohuato, carinta noya aꞌpaiarahuë. Ina quëran pipipisopitanta inapotarahuë. Insosona copirno huayonpato, ina marëꞌ sacataponaꞌ.

1 Samuel 3:13

Ina quëran pipipisopita anaꞌintomiataꞌhuaso yaꞌhuërinsontaꞌ, nani shaꞌhuitërahuë. Huiꞌninpita paꞌpi co noyahuëꞌ nipiso marëꞌ napotarahuë. Nani ina nitotërin. Huiꞌninpita nocaninaco nipirinhuëꞌ, co inari pënëninhuëꞌ.