Hebreos 12:5 - Chayahuita (Shahui)

⁵ Huiꞌninpita pochin nicatonpoaꞌ, Yosë pënëninpoaꞌ chiníquën cancantacaso marëꞌ. Nani nitotopiramahuëꞌ, ¿naniantëramaꞌ ti? Quiricanën quëran napotërinpoaꞌ: “Yonquiquëꞌ conpa. Aꞌna tahuëri Yosë nohuanton, parisitaran noya noya imacamaso marëꞌ. Aꞌna tahuëri piꞌpian anaꞌintopirinquënhuëꞌ, ama sëtëquësohuëꞌ. Ama yaaꞌpoquësohuëꞌ. Ahuantacasoꞌ yaꞌhuërin.

Hebreos 12:5 ပူးပေါင်းရင်းမြစ်များ

Salmos 118:18

Sinioro chiníquën anaꞌintopirincohuëꞌ, co chimirinquë aꞌparincohuëꞌ.

Salmos 119:109

Tëpachináchin nitárinaco. Napoaporahuëꞌ, co quëma aꞌchinansopita naniantërahuëꞌ.

Proverbios 3:1

(-)

Jeremías 31:18

Iprain huënton israiroꞌsantaꞌ, co napion ancantatona naꞌnëtarinaco: ‘Tëhuënchachin quiyasoꞌ, tanan toro pochin niconai. Napopiraihuëꞌ, quëma Sinioro anocantatë pochin nitërancoi. Catahuacoi quëmasáchin tahuërëtaantaꞌinquën. Quëmaso Sinioronëhuëinquën. Yosënëhuëinquën.

Lucas 24:6

Co huachi isëquë yaꞌhuërinhuëꞌ. Nani nanpiantarin. Caririaquë shaꞌhuitërinquëmasoꞌ, ¿co yonquiramahuëꞌ ti?

Lucas 24:8

Itohuachina, yonquipi.

1 Corintios 11:32

Aꞌna tahuëri oshahuanoꞌsaꞌ anaꞌintomiatarin. Imarëhuasopitaso nipirinhuëꞌ, ipora chachin piꞌpian anaꞌintarinpoaꞌ noya noya yonquicaso marëꞌ. Ina quëran ayaroꞌ tahuëri co anaꞌintomiatarinpoahuëꞌ.

Gálatas 6:9

Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

1 Timoteo 1:20

Aꞌnasoꞌ Iminio itopi. Aꞌnantaꞌ Aricantëro itopi. Iꞌhua niyontonpatëira, inapita chiníquën pënënahuë. “Quisocristo nanan quëtërinco niꞌton, ama huachi Tata Yosë aꞌpaiinquëmasohuëꞌ. Satanasë natëramaꞌ niꞌton, parisitamasoꞌ yaꞌhuërin,” itërahuë. Ama huachi Yosë pinocaisoꞌ marëhuëꞌ chiníquën pënënahuë. “Oshaquëran co noyahuëꞌ yonquipisopita naniantatonaꞌ, Yosë pochin cancantantaponaꞌ nimara,” taꞌto napotërahuë.

Hebreos 12:7

Huiꞌninpita pochin niꞌninpoaꞌ niꞌton, ahuantacasoꞌ yaꞌhuërin. Niꞌcoꞌ. Huiꞌnanpoꞌ noꞌtëquën pënënëꞌ noya noya yonquicaso marëꞌ.

Hebreos 13:22

Nani piꞌpian ninshitëranquëmaꞌ. Noya cancantatomaꞌ iyaroꞌsaꞌ natancoꞌ, tënahuë. Achinicancainquëmaꞌ, taꞌto ninshitërahuë.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.