Hebreos 12:25 - Chayahuita (Shahui)

²⁵ Napoaton Quisocristo nanamën noya natancoꞌ. Ama piꞌpian tërantaꞌ aꞌpocosohuëꞌ. Pënëntërinso nanan shaꞌhuitohuachinara, aꞌnaquën co yanatëtopihuëꞌ niꞌton, aꞌnaroáchin anaꞌintërin. Quisocristo nanamënsoꞌ noya noya niꞌton, ina naniantohuatëhuaꞌ, aquë aquëtëꞌ anaꞌintinpoasoꞌ yaꞌhuërin. Inasoꞌ inápa quëran pënëninpoaꞌ.

Hebreos 12:25 ပူးပေါင်းရင်းမြစ်များ

1 Reyes 12:16

Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.

Éxodo 16:29

Nani acotëranquëma aꞌna tahuëriraꞌ chinotamasoꞌ. Napoaton pancasomaria tahuëri nanihuachin, cato tahuëri marëꞌ cosharo quëtëranquëmaꞌ. Ina niꞌton, sahuato nanihuachin, ama yaꞌhuërama quëran pipicosohuëꞌ, itërin.

Éxodo 20:22

Siniorori, Moisësë itapon: “Apira shaꞌhuitaranquënsoꞌ, israiroꞌsa shaꞌhuitëquëꞌ: ‘Nani inápa quëran nontëranquëmasoꞌ natanamaꞌ.

Proverbios 1:24

Nani carima pënënanquëmaꞌ. Canpitaso nipirinhuëꞌ, co yanatëramacohuëꞌ. Yacatahuatënquëmaꞌ, imira ihuëtërëso pochin nitopiranquëmahuëꞌ, co tahuërëtëramacohuëꞌ.

Proverbios 1:32

Co nitotoroꞌsahuëꞌ pëshonpisoꞌ, nonanapatëramaꞌ. Inaporamasoꞌ, canpitanta tëpaponquëmaꞌ. Co yonquinahuanoꞌsahuëꞌ maꞌhuaninsontaꞌ, noyapatëramaꞌ. Inaporamaso canpitantaꞌ, tapiponquëmaꞌ.

Proverbios 13:18

Pënënpisoꞌ nocanpachinaꞌ, popriyataponaꞌ. Naporahuatona co noya nicaponahuëꞌ. Natëhuachinaso nipirinhuëꞌ, aꞌnapitari naꞌcon noya nicaponaꞌ.

Proverbios 8:33

Noya yonquicaso marëꞌ aꞌchintohuachinënquëmaꞌ, noya natancoꞌ.

Isaías 64:9

Sinioro ama huachi aquëtë noꞌhuitëquësohuëꞌ. Paꞌpi co noyahuëꞌ ninaisoꞌ, ama yonquiráquësohuëꞌ. ¡Piyapinënpitacoi niꞌton, ama naniantocoisohuëꞌ!

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Mateo 8:4

—Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Hechos 7:35

Napoaton Moisësë inatohua chachin paantarin. Iráca israiroꞌsaꞌ yacatahuapirinhuëꞌ, co yanatëpihuëꞌ. “¿Intaꞌ huaꞌan acorinquën? Co coisë pochin shaꞌhuitancoisoꞌ yaꞌhuërinhuëꞌ,” itopi. Yosëso nipirinhuëꞌ Moisësë chachin huaꞌan acorin. Naraꞌhuaya quëran anquëniri yaꞌnotasoꞌ, Yosëri shaꞌhuitërin inapita nichaꞌëcaso marëꞌ.

Deuteronomio 18:19

Inasoꞌ yaꞌhuërënamëhuë shaꞌhuiarin niꞌton, insosona co natëhuachinhuëꞌ, anaꞌintomiataꞌhuaso yaꞌhuërin.

Deuteronomio 30:17

Napoaponahuëꞌ, yaꞌipi iso shaꞌhuitëranquëmasopita, co natëtatomarahuë nisha nisha mamanshiroꞌsa moshahuatamaꞌ, ipora oraquë chachin shaꞌhuitaranquëmaꞌ: Tëhuënchachin co noyataramahuëꞌ, itëranquëmaꞌ. Cortaniiꞌ pëntontatoma noꞌpaꞌ mapomarahuëꞌ, co huaꞌquiya quëranhuëꞌ inimicoroꞌsa huëꞌsahuatonaꞌ, tiquiarinënquëmaꞌ.

1 Tesalonicenses 5:15

Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

2 Timoteo 4:4

Yosë noꞌtëquën noninsoꞌ aꞌporahuatonaꞌ, piyapi yonquirinsoꞌ natëapi.

Hebreos 1:1

Iráca quëran huarëꞌ Yosësoꞌ nanamën anitotërinpoaꞌ. Shimashonënpoapita, pënëntonaꞌpiroꞌsa quëran naꞌaro anitotërin. Naporahuaton nisha nisha quëran anitotërin. Co aꞌnaromaráchin yaꞌipi anitotërinhuëꞌ.

Hebreos 11:7

Iráca Nointaꞌ yaꞌhuëpirinhuëꞌ, aꞌna tahuëri Yosëri itapon: “Co huaꞌqui quëranhuëꞌ maꞌsha onpoaramaꞌ. Co niꞌchinamasohuëꞌ niꞌsaramaꞌ. Naporoꞌ yaꞌipi oshahuanoꞌsaꞌ iiꞌ quëran ataꞌhuantarahuë,” itërin. Coꞌhuara oꞌnayantërasohuëꞌ napotopirinhuëꞌ: “Yosë noꞌtëquën nontërinco,” taꞌton, Noi natëtërin. Shaꞌhuitohuachina, natëton, panca nancha ninin. Ina quëran saꞌin, huiꞌninpitarë chachin chaꞌëpi. Aꞌnapitasoꞌ natanaponaraihuëꞌ, co yanatëpihuëꞌ. Napoaton naꞌinpi. Noiso nipirinhuëꞌ, yaꞌipi cancanën quëran natëtërin. “Noꞌtëquën nontërinco,” topachina, Yosëri noya niꞌnin.

Hebreos 12:19

Tronpita chiníquën pihuirinsoꞌ natanpi. Naporoꞌ Yosëri chiníquën itërin: “Iso motopiquë pënënaranquëmaꞌ niꞌton, ama yaꞌcaricosohuëꞌ. Maꞌsharoꞌsa tërantaꞌ inaquë paꞌpachinaꞌ, chimiinaꞌ. Naꞌpiquë tëꞌyaratomaꞌ, tëpacoꞌ,” itërin. Ina natanahuatonaꞌ: “Sacaiꞌ ina nanan natëcasoꞌ,” taꞌtonaꞌ, paꞌyanpi. “Ama huachi chiníquën nonchincoisohuëꞌ,” itopi.

Hebreos 3:12

Canpitantaꞌ iyaroꞌsaꞌ aꞌnayanquëma tërantaꞌ co cancanëma quëran huarëꞌ natëhuatamahuëꞌ, co noya cancantaramahuëꞌ. Niꞌcona Yosë chachin aꞌpotamaꞌ. Inasoꞌ, iporahuantaꞌ nanpiton niꞌsárinpoaꞌ.

Hebreos 3:17

¿Insopitataꞌ catapini shonca piꞌipi Yosëri co noyahuëꞌ niꞌnin? Coꞌtana inapita chachin oshahuanpi niꞌton, noꞌhuiton, anaꞌintërin. Inotëro parti chachin yaꞌipiya chiminpi.

Hebreos 8:5

Corto huaꞌanoꞌsaso chinotopiso pëiquë Yosë marëꞌ sacatopi. Inasoꞌ, inápaquë yaꞌhuërinso chachin nonanpisoꞌ. Iráca chinotopiso pëiꞌ yanipachinara, Yosëri Moisësë itërin: “Chinotamacoso marëꞌ nëꞌmëtë pëiꞌ nicoꞌ. Motopiquë aꞌnotëranquënso chachin niquëꞌ,” itërin.

1 Pedro 1:22

Yosë nanamënsoꞌ noꞌtën nanan. Ina natëhuatamaꞌ, yaꞌipi co noyahuëꞌ yonquiramasopita naniantaramaꞌ. Noyápiachin cancantaramaꞌ. Yosë anoyacancantërinquëmaꞌ ninosorocamaso marëꞌ. Napoaton imaramasopita capini noya ninosorocoꞌ. Tëhuënchachin cancanëma quëran huarëꞌ ninosorocoꞌ.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.

Apocalipsis 22:9

Yachinotopirahuëꞌ, shaꞌhuitërinco. “Ama chinotocosohuëꞌ. Casoꞌ anquënico. Canpita pochachin cantaꞌ Yosë natërahuë. Iráca quëran huarëꞌ aꞌnaquën Yosë nanamën pënëntërin. Quëmantaꞌ pënëntëran. Aꞌnapita iso quirica natanahuatonaꞌ, natëapi. Yaꞌipinpoaꞌ Yosë natërëhuaꞌ. Napoaton inasáchin chinotëquëꞌ,” itërinco.