Hebreos 12:19 - Chayahuita (Shahui)

^19-20 Tronpita chiníquën pihuirinsoꞌ natanpi. Naporoꞌ Yosëri chiníquën itërin: “Iso motopiquë pënënaranquëmaꞌ niꞌton, ama yaꞌcaricosohuëꞌ. Maꞌsharoꞌsa tërantaꞌ inaquë paꞌpachinaꞌ, chimiinaꞌ. Naꞌpiquë tëꞌyaratomaꞌ, tëpacoꞌ,” itërin. Ina natanahuatonaꞌ: “Sacaiꞌ ina nanan natëcasoꞌ,” taꞌtonaꞌ, paꞌyanpi. “Ama huachi chiníquën nonchincoisohuëꞌ,” itopi.

Hebreos 12:19 ပူးပေါင်းရင်းမြစ်များ

Éxodo 20:22

Siniorori, Moisësë itapon: “Apira shaꞌhuitaranquënsoꞌ, israiroꞌsa shaꞌhuitëquëꞌ: ‘Nani inápa quëran nontëranquëmasoꞌ natanamaꞌ.

Mateo 24:31

Oꞌmantarahuato, naꞌa anquëniroꞌsaꞌ aꞌpararahuë. Panca tronpita pihuitonaꞌ, yaꞌipi parti paꞌsapi huayonahuësopita ayontonacaiso marëꞌ.

1 Corintios 15:52

Aꞌnanaya nisha nonënpoaꞌ yaꞌhuëtarinpoaꞌ. Oꞌmantacasoꞌ tahuëri nanihuachin, tronpita pihuirarin. Pihuihuachin, chiminpisopita nanpiantarapi. Quisocristo imapi niꞌton, ananpitaantarin huachi. Naporoꞌ yaꞌipi imarëhuasopita nisha nonënpoaꞌ yaꞌhuëtarinpoaꞌ. Co huachi chiminarihuahuëꞌ.

Deuteronomio 18:16

Ina mini canpitaso yaꞌipinquëmaꞌ, Sinai motopiquë Sinioro shaꞌhuitëramaꞌ: ‘Sinioronënpoasoꞌ Yosë niꞌton, ama huachi iso pochin nontaantaꞌincoisohuëꞌ. Co huachi naquëranchin pën niꞌcaꞌhuaiso nohuantëraihuëꞌ. Ama chiminaꞌhuaiso marëhuëꞌ naporai,’ tënamaꞌ.

Deuteronomio 4:11

Canpitaso naporoꞌ, motopi nanimarinquë yaꞌcaritëramaꞌ. Ina motopi quëransoꞌ, panca pën inápaquë huarëꞌ pipirarin niꞌnamaꞌ. Ina pën quëran chachin yaráton chitoro pochin yaꞌnorin.

Deuteronomio 4:12

Naporoꞌ Siniorosoꞌ, pën huáncana quëran nontërinpoaꞌ. Noninsoꞌ mini natanapomarahuëꞌ, co manta quënanamahuëꞌ.

1 Tesalonicenses 4:16

Chiníquën nanantaton, oꞌmantararin. Anquëni huaꞌaontaꞌ chiníquën shaꞌhuirarin. Yosë nohuanton, tronpita pihuirarin. Naporoꞌ Quisocristo imatonaꞌ chiminpisopitaꞌton nanpiantarapi.

Hebreos 12:25

Napoaton Quisocristo nanamën noya natancoꞌ. Ama piꞌpian tërantaꞌ aꞌpocosohuëꞌ. Pënëntërinso nanan shaꞌhuitohuachinara, aꞌnaquën co yanatëtopihuëꞌ niꞌton, aꞌnaroáchin anaꞌintërin. Quisocristo nanamënsoꞌ noya noya niꞌton, ina naniantohuatëhuaꞌ, aquë aquëtëꞌ anaꞌintinpoasoꞌ yaꞌhuërin. Inasoꞌ inápa quëran pënëninpoaꞌ.