Hebreos 12:14 - Chayahuita (Shahui)

¹⁴ Ama piꞌpian tërantaꞌ ninoꞌhuicosohuëꞌ. Naporahuaton, noya nicoꞌ. Co noya nipatamahuëꞌ, co mantaꞌ Yosë nohuitaramahuëꞌ.

Hebreos 12:14 ပူးပေါင်းရင်းမြစ်များ

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Salmos 34:14

Co noyahuëꞌ ninansopita aꞌporahuaton, noyasáchin niquë huachi. Naporahuaton sano yaꞌhuëcamaso cancantëquëꞌ. Sano yaꞌhuëaton ina pochin yaꞌhuëquëꞌ.

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Marcos 9:50

Yamora noya acashicasoꞌ niponahuëꞌ, chiminpachina co huachi noyatërinhuëꞌ. Canpitaso nipirinhuëꞌ, yamora cosharoꞌ noya acashirinso pochin nicoꞌ. Noya niniꞌtomaꞌ, yaꞌhuëcoꞌ,” itërin.

Lucas 1:75

Ina pochin cancantatëhuaꞌ, inasáchin chinotarihuaꞌ. Chiminaquë huarëꞌ nóya nisarihuaꞌ.

Romanos 12:18

Ama piyapiꞌsaꞌ noꞌhuicosohuëꞌ. Noꞌhuihuachinënquëmaꞌ, ama canpitarisoꞌ noꞌhuicosohuëꞌ. Onpopiontaꞌ nanan anoyatocoꞌ.

Romanos 14:19

Napoaton noya ninicatëhuaꞌ, yaꞌhuaꞌahuaꞌ. Nicatahuahuaꞌ noya noya imacaso marëꞌ.

Romanos 6:22

Iporaso nipirinhuëꞌ co huachi oshanëma huaꞌanëntërinquëmahuëꞌ. Yosë nichaꞌërinquëmaꞌ ama huachi oshahuanacamaso marëhuëꞌ. Ina chachin huaꞌanëntërinquëmaꞌ. Napoaton noyápiachin cancantaramaꞌ. Aꞌna tahuëri Yosëꞌpaꞌ nanpimiataramaꞌ.

1 Corintios 1:10

Apira iyaroꞌsaꞌ Sinioro Quisocristo nanan quëtërinco niꞌton, pënënaranquëmaꞌ. Ina imaramaꞌ niꞌquëhuarëꞌ, noya ninontocoꞌ. Ama nisha nisha yonquiatomaꞌ, aꞌnaꞌ aꞌnaꞌ imacosohuëꞌ. Napopináchin yonquiatomaꞌ, noya niniꞌtomaꞌ yaꞌhuëcoꞌ.

1 Corintios 13:12

Huaꞌna huënaratërinquë sacóshin huaꞌyanënpoꞌ quënanëꞌ. Inapochachin iporasoꞌ piꞌpisha Yosë nohuitërëhuaꞌ. Yosëꞌpaso nipirinhuëꞌ aꞌninquëchin Yosë nohuitarihuaꞌ. Iporasoꞌ co Yosë pochin yaꞌipi nitotarihuahuëꞌ. Inatohuaso nipirinhuëꞌ yaꞌipiya nitotarihuaꞌ. Yosë noyá nohuitërinpoaꞌ. Aꞌna tahuëri canpoantaꞌ inapochachin ina noya nohuitontarihuaꞌ.

2 Corintios 6:17

Ina quëran Siniorori itantarin: “Aꞌnaquën co noyahuëꞌ cancantohuachinaꞌ, ama inapitarëꞌquëmaꞌ nipayacosohuëꞌ. Co noyahuëꞌ yonquipisoꞌ tananpitocoꞌ. Inapotohuatamaꞌ, noya niꞌsaranquëmaꞌ.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Gálatas 3:21

Ina pochin niꞌquëhuarëꞌ Moisësë pënëntërin niꞌton, ¿Yosëri Apraan shaꞌhuitërinsoꞌ tapirin ti? Co naporinhuëꞌ. Pënëntërinsoꞌ noya noya nicaton, anoyacancantërinpoaꞌ naporini, ina natërëhuaso marëꞌ Yosë noya niꞌitonpoahuëꞌ.

Efesios 5:5

Monshihuanpatamaꞌ, co Quisocristo huëntonënquë yaꞌconamahuëꞌ. Taparoꞌ nininsoꞌ nipatamaꞌ, co imaramahuëꞌ. Maꞌsharáchin yonquihuatamaꞌ, co tëhuënchachin Yosë yonquiaramahuëꞌ. Nani maꞌsha nohuantohuatamaꞌ, mamanshi moshapiso pochin niconamaꞌ. Ina nitotatomaꞌ iyaroꞌsaꞌ yonquicoꞌ.

Filipenses 3:12

Co yaꞌipi cancanëhuë quëran noya noya cancanchatërarahuëꞌ. Ipora huantaꞌ piꞌpian piꞌpian co noyahuëꞌ yonquirahuë. Co Yosë pochachin cancantopirahuëꞌ, Quisocristo nani acorinco ina pochin cancantaꞌhuaso marëꞌ. Napoaton nani tahuëri yonquiárahuë noya noya nicaꞌhuaso marëꞌ.

1 Tesalonicenses 3:13

Noya ninosorohuatamaꞌ, Quisocristo achinicancanarinquëmaꞌ noyasáchin nicacamaso marëꞌ. Catahuahuachinquëmaꞌ, noyápiachin cancantaramaꞌ. Ina quëran Quisocristo oꞌmantahuachin, Yosë noya niꞌsarinquëmaꞌ. Aꞌna tahuëri yaꞌipi piyapinënpitarë chachin oꞌmantararin.

1 Tesalonicenses 4:7

Co Yosë nohuantërinhuëꞌ oshahuanacasoꞌ. Acorinpoaꞌ noyasáchin nicacaso marëꞌ.

1 Tesalonicenses 5:15

Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

1 Timoteo 6:11

Quëmaso nipirinhuëꞌ api Yosë imaran niꞌton, ama coriquiráchin yonquiquësohuëꞌ. Noya nicacasoáchin yonquiquëꞌ. Cancanën quëran huarëꞌ Yosë chinotëquëꞌ. “Inasoꞌ nosoroatonco, catahuarinco,” taꞌton, noya natëquëꞌ. Naporahuaton, yaꞌipi piyapi nosoroquëꞌ. Maꞌsha onpoaponahuëꞌ, chiníquën cancantëquëꞌ. Sano piyapi niquëꞌ.

2 Timoteo 2:22

Aꞌnaquën huiꞌnapiꞌsasoꞌ nisha nisha yonquiatonaꞌ, paꞌsápi. Ama ina pochin yonquiquësohuëꞌ. Noyasáchin nicacasoꞌ yonquiquëꞌ. Yaꞌipi cancanën quëran Quisocristo natëquëꞌ. Yaꞌipi piyapi nosoroquëꞌ. Yaꞌipi imarëhuaso capininpoaꞌ noya niniꞌtëhuaꞌ, yaꞌhuaꞌahuaꞌ. Noyápiachin cancantatëhuaꞌ, Sinioro nontërëhuaꞌ catahuainpoaso marëꞌ.

Hebreos 12:10

Huaꞌhuatarihuaꞌ, co huaꞌqui isoroꞌpaquë yaꞌhuëcasohuëꞌ nipirinhuëꞌ, tatanpoaꞌ pënëninpoaꞌ. Inaora yonquiaton, piꞌpian anaꞌintërinpoaꞌ natëcaso marëꞌ. Yosëso nipirinhuëꞌ, noya noya yonquiatonpoaꞌ, noꞌtëquën catahuarinpoaꞌ. Naꞌcon nosoropirinpoahuëꞌ, aꞌna tahuëri ina nohuanton parisitërëhuaꞌ ina pochin cancantacaso marëꞌ.

Hebreos 9:28

Quisocristontaꞌ aꞌnaroíchin chiminin oshanënpoaꞌ inquitinpoaso marëꞌ. Ina quëran inápaquë panantarin. Nani oshanënpoaꞌ inquitohuachinpoaꞌ, aꞌna tahuëri oꞌmantararin. “¡Ma noyacha Quisocristosoꞌ niꞌton, nichaꞌërinpoa paya!” taꞌtëhuaꞌ, ina ninarëhuaꞌ. Oꞌmantahuachin, imarëhuasopita maquimarinpoa huachi.

1 Pedro 3:11

Yaꞌipi co noyahuëꞌ yonquiramasopita naniantatomaꞌ, nóya nicoꞌ. Sano piyapi nicatomaꞌ, ama insontaꞌ noꞌhuicosohuëꞌ. Aꞌnapitantaꞌ catahuacoꞌ noya niniꞌtonaꞌ yaꞌhuëꞌinaꞌ.

1 Pedro 3:13

¡Noyasáchin nipatamaꞌ, co aꞌnapita yaiꞌhuërëtarinquëmahuëꞌ!

2 Pedro 3:11

Co mantaꞌ yaꞌhuëmiatarinhuëꞌ. Yaꞌipi taꞌhuantarin niꞌton, ¡Yosë pochin cancantatëhuaꞌ, noyasáchin niahuaꞌ!

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.