Hebreos 12:13 - Chayahuita (Shahui)

¹³ Yosë iranën noꞌtëquën imapatamaꞌ, co pëshonaramahuëꞌ. Yosë catahuarinquëmaꞌ noya noya yonquicamaso marëꞌ. Aꞌnapitantaꞌ nicatënquëmaꞌ, chiníquën cancantapi. Co huachi sonpacha pochin cancantapihuëꞌ.

Hebreos 12:13 ပူးပေါင်းရင်းမြစ်များ

Isaías 35:3

Sanpatërëso pochin cancantopisopita, achinicancancoꞌ. Canotërëso pochin cancantopisopitantaꞌ, catahuaco chiníquën cancanchinaꞌ.

Isaías 42:16

Somarayaroꞌsanta ira co nohuitopisohuëꞌ, quëpatarahuë. Inapita marëꞌ tashinantërinsoꞌ, tahuëriya pochin atarantarahuë. Naꞌpiro iraroꞌsantaꞌ, siminto ira pochin atarantarahuë. Onpopionta inapochin acotarahuë.

Isaías 58:12

Canpitaso pëiroꞌsa ohuatopisoꞌ, pairaroꞌsa ohuatopisoꞌ, inapita anoyataantapomaꞌ. Iráca simintonën acopisontaꞌ, noya noya acoantapomaꞌ. Napoaton nohuitatënëmaꞌ: “Paira ohuatopisoꞌ anoyatonaꞌpiroꞌsaꞌ.” “Pëiroꞌsa ohuatopisoꞌ anoyatonaꞌpiroꞌsaꞌ,” itaponëmaꞌ,’ itëquëꞌ,” itërinco.

Jeremías 18:15

Piyapinëhuëpitaso nipirinhuëꞌ, naniantërinaco. Nisha nisha mamanshiroꞌsa moshacaiso marëꞌ yonarin pochin nininsoꞌ aꞌpëpi. Iráca pënëntërahuësopita aꞌpopi niꞌton, chihuëatona nisha ira paꞌtopiso pochin nipi.

Lucas 3:5

Iconantëroꞌsaꞌ amëntarotarin. Panënoꞌsaꞌ taparoarin. Coꞌshoninsopita otëarin. Tomashin acoarin. Ira noya tapahuachina, huaꞌan paꞌnin huachi. Inapochachin iporasoꞌ co noyahuëꞌ yonquiramasopita naniantatomaꞌ, cancanëmaꞌ anoyatocoꞌ Sinioro oꞌmain.

Gálatas 2:14

Ina niꞌsahuato, yaꞌipi piyapi niꞌtërantapaiquë Pitro chiníquën pënënahuë. “Cotio piyapinquën niponahuëꞌ, Quisocristo imaton, iráca pënëntërinsoꞌ naniantëran. Nisha piyapiꞌsarëꞌquën coshataponahuëꞌ, iporasoꞌ naquëranchin maꞌsha aꞌpoantaran. Ina pochin nicaton, piyapiꞌsaꞌ anishayonquiaran. ‘Co Quisocristoíchin nichaꞌërinpoahuëꞌ nimara. Iráca pënëntërinsontaꞌ natëcasoꞌ yaꞌhuërin,’ taꞌtonaꞌ, nonanarinënquën. ¿Nisha piyapiꞌsantaꞌ cotioroꞌsa pochin yaatarantëran ti?

Gálatas 6:1

Ispirito Santo natëtomaꞌ noya cancantohuatamaꞌ, aꞌnapitantaꞌ catahuacoꞌ ina pochin cancanchinaꞌ. Aꞌnasoꞌ co noyahuëꞌ nipachin, ama noꞌhuicosohuëꞌ. Sanoanan quëran pënënatomaꞌ, catahuacoꞌ co noyahuëꞌ yonquirinsopita nanianchin. Niꞌcona canpitantaꞌ sopai minsëchinquëmaꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

1 Pedro 2:24

Quisocristo isoroꞌpaquë oꞌmaton, piyapi chachin nasitimarin. Oshanënpoa marëꞌ corosëquë chiminin. Inaora yaꞌhuërëtërinpoaꞌ. Yaꞌipi co noyahuëꞌ yonquirëhuasopita naniantatëhuaꞌ noya nicacaso marëꞌ chiminin. Corosëquë parisitaton, anoyacancantërinpoaꞌ.