Hebreos 12:11 - Chayahuita (Shahui)

¹¹ Aꞌna tahuëri Yosë nohuanton, maꞌsha onporëhuaꞌ. Naporahuaton, aꞌnapita maꞌsha onpotërinënpoaꞌ. Naporo chachinsoꞌ sëtërëhuaꞌ. Parisitacasoꞌ co nohuantopirëhuahuëꞌ, noya ahuantohuatëhuaꞌ, Yosë naꞌcon catahuarinpoaꞌ. Nirótëatëhuaꞌ, noya nisarëhuaꞌ. Inapoatëhua sano cancantarihuaꞌ.

Hebreos 12:11 ပူးပေါင်းရင်းမြစ်များ

Génesis 21:11

Ina natanaton, Apraan panca sëtërin. Huiꞌnin niꞌton, sëtëyarin.

Salmos 118:18

Sinioro chiníquën anaꞌintopirincohuëꞌ, co chimirinquë aꞌparincohuëꞌ.

Proverbios 15:10

(-)

Isaías 32:17

Noyasáchin nicatonaꞌ, sano yaꞌhuëaponaꞌ. “Sinioro catahuarincoi,” tëcatonaꞌ, noya yaꞌhuëmiataponaꞌ.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

2 Corintios 4:17

Tëhuënchachin iporasoꞌ piꞌpian parisitapirëhuahuëꞌ, co huaꞌquiꞌ isoroꞌpaquë yaꞌhuarihuahuëꞌ. Yosëꞌpaꞌ paꞌpatëhuaꞌ, co onporontaꞌ pipiarëhuahuëꞌ. Imarëhuaso marëꞌ parisitapirëhuahuëꞌ, inapaquësoꞌ noya noya cancantarihuaꞌ. Yosë pochachin cancantarihuaꞌ.

2 Timoteo 4:8

Napoaton Yosëꞌpaꞌ acanaarinco. Quisocristo oꞌmantahuachin, coisë pochin nicaton, noꞌtëquën shaꞌhuitarinpoaꞌ. Naporoꞌ noya ninahuëso marëꞌ acanaarinco. Co casáchin acanaarincohuëꞌ. Aꞌnapitantaꞌ Quisocristo nosoroatonaꞌ, “Manóton oꞌmantaꞌin,” topisopitantaꞌ Yosëꞌpaꞌ canaapi.

Hebreos 12:10

Huaꞌhuatarihuaꞌ, co huaꞌqui isoroꞌpaquë yaꞌhuëcasohuëꞌ nipirinhuëꞌ, tatanpoaꞌ pënëninpoaꞌ. Inaora yonquiaton, piꞌpian anaꞌintërinpoaꞌ natëcaso marëꞌ. Yosëso nipirinhuëꞌ, noya noya yonquiatonpoaꞌ, noꞌtëquën catahuarinpoaꞌ. Naꞌcon nosoropirinpoahuëꞌ, aꞌna tahuëri ina nohuanton parisitërëhuaꞌ ina pochin cancantacaso marëꞌ.

Hebreos 5:14

Chinotonoꞌsaso nipirinhuëꞌ, cosharomia caꞌpi. Inapochachin noya noya imapisopitasoꞌ noꞌtëquën yonquiapi. Noya nicacasoꞌ noꞌquitonaꞌ, co noyahuëꞌ nininsoꞌ aꞌnaroáchin aꞌporapi.

1 Pedro 1:6

Ina yonquiatomaꞌ, capa cancantaramaꞌ. Aꞌna tahuëri Yosë nohuanton, piꞌpian maꞌsha onporamaꞌ. Ipora chachin maꞌsha onpotopirinënquëmahuëꞌ, co huaꞌquiꞌ parisitaramahuëꞌ. Parisitapomarahuëꞌ, oꞌmantacasoꞌ tahuëri yonquiatomaꞌ, noya cancantocoꞌ.

2 Pedro 2:14

Sanapi quënanpachinara, monshitacaisoráchin yonquipi. Co nanitopihuëꞌ naniantacaisoꞌ. Co chiníquën cancantopisopitahuëꞌ nonpintatonaꞌ, anishacancantapi. Huënsonquë maꞌsha manëso pochin nonpintapi. Maꞌsharáchin yonquiatonaꞌ, noyapatopi. Napoaton Yosëri anaꞌintarin.