Hebreos 11:6 - Chayahuita (Shahui)

⁶ Yosë yonquihuatëhuaꞌ, natëtacasoꞌ yaꞌhuërin. “Yosë yaꞌhuárin. Noꞌtëquën nontërinpoaꞌ. Ina nontohuatëhuaꞌ, natanatonpoaꞌ catahuarinpoaꞌ,” topatëhuaꞌ, noya niꞌsarinpoaꞌ. Co ina pochin cancantohuatëhuahuëꞌ, co onporontaꞌ noya niꞌsarinpoahuëꞌ.

Hebreos 11:6 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Salmos 73:28

Caso nipirinhuëꞌ, nohuitaꞌhuanquënsoráchin cancantarahuë. Ina pochin cancantohuato, noya noya nisarahuë. Quëma huaꞌanëntatonco paꞌpoyaranco. Napoaton yaꞌipi naporansopita shaꞌhuirápo.

Proverbios 8:17

Nosororinacosopita, carinta nosororahuë. Inpitaso cancantohuachinaco, quënanarinaco.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Jeremías 2:31

Canpitanta ipora yaꞌhuëramasopita, Sinioro shaꞌhuitërinpoasoꞌ noya natancoꞌ. Israiroꞌsanquëmaꞌ: Inotëroquësoꞌ, paꞌpi chiníquën piꞌi piꞌcatërin. ¡Co carimasoꞌ, inapochin aparisitëranquëmahuëꞌ! Noꞌpaꞌ nanin acopontaꞌ, huëhuëpiro tashinantërin. ¡Co carimaso ina pochin aꞌpayananquëmahuëꞌ! Canpitaso piyapinëhuëpitanquëma nipomarahuë napotëramaco: ‘Nani huachi quëmá quëran chaꞌërai. Co huachi onporo tërantaꞌ, tahuërëtarainquënhuëꞌ,’ itëramaco.

Números 14:11

Naporoꞌ Siniorori, Moisësë itapon: —¡Maꞌchachinta niꞌtonaꞌ, isopita yánocaninaco! Inapita catahuaꞌhuaso marëꞌ nani maꞌsha sacai nininsopita nipirahuëꞌ, ¡co yanatërinacohuëꞌ!

Números 20:12

Moisësë, Aaron, inapitaso napoaponahuëꞌ, Yosëri itapon: —Canpitaso co natëtapomarahuëꞌ naporamaꞌ. Ina niꞌton, israiroꞌsa co chinotërinacohuëꞌ. Yaꞌipi cancanëma quëran natëtoma naporama naporini, israiroꞌsa chinochitonacohuëꞌ. Chinotatonaco: “¡Ma noyacha inaso paya!” ichitonacohuëꞌ. Napoaton canpitantaꞌ, noꞌpaꞌ quëtaranquëmaquë co yaꞌconaramahuëꞌ, itërin.

Mateo 11:26

Quëmaora nohuanton Tata naporan,” itërin.

Mateo 5:12

Iracantaꞌ Yosë piyapinënpita pënëntohuachinara, aꞌnaquëni inapochachin noꞌhuipi. Napoaton aꞌnapita noꞌhuihuachinënquëmaꞌ, noya cancantocoꞌ. Parisitëramaso marëꞌ Yosëꞌpaꞌ naꞌcon acanaarinquëmaꞌ. Ina yonquiatomaꞌ, capa cancantocoꞌ,” itërin Quisosori.

Mateo 6:16

Ina quëran itaantarin: “Ama nonpinaꞌpiroꞌsa pochin nicosohuëꞌ. Aꞌnaquën Yosë nontacaso marëꞌ yaꞌipi tahuëri co mantaꞌ coshatërinhuëꞌ. Naporahuaton, co nitapamantarinhuëꞌ. Sëtërëso pochin yaꞌnorin aꞌnapita nitotacaiso marëꞌ. Co cancanën quëran chinotaponahuëꞌ, aꞌnapitari nicacaiso marëꞌ naporin. Niꞌpachinara: ‘Ma noya Yosë chinotërin,’ topi. Piyapiꞌsari noya niꞌpirinahuëꞌ, co huachi Yosëri acanaarinhuëꞌ.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

Mateo 6:5

Ina quëran itaantarin: “Yosë nontohuatamaꞌ, ama nonpinaꞌpiroꞌsa pochin nicosohuëꞌ. Inapitasoꞌ niyontonpiso pëiquë huanirahuatonaꞌ, naꞌcon Yosë nontopirinahuëꞌ, co cancanëna quëran huarëꞌ nontopihuëꞌ. Cachiquëntaꞌ aꞌninquëchin Yosë nontopirinahuëꞌ, piyapiꞌsari noya nicacaiso marëꞌ napopi. Co tëhuënchachin Yosë yonquipihuëꞌ. Piyapiꞌsari noya niꞌpirinahuëꞌ, Yosërisoꞌ co acanaarinhuëꞌ.

Marcos 16:17

Natëhuatamaꞌ, nani maꞌsha nisaramaꞌ piyapiꞌsaꞌ nitotacaiso marëꞌ. Chiníquën nanan quëchinquëmaꞌ sopairoꞌsaꞌ aꞌpacamaso marëꞌ. Nisha nisha nananquë nonsaramaꞌ.

Lucas 12:31

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Ina pochin cancantohuatamaꞌ, Yosë catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ,” itërin.

Lucas 6:35

Canpitaso nipirinhuëꞌ inimiconëmantaꞌ nosorocoꞌ. Inapitantaꞌ catahuacoꞌ. Piyapiꞌsaꞌ pahuantohuachinaꞌ, coriqui aꞌnancoꞌ. ‘Co iꞌhuërëtaponcohuëꞌ nimara,’ tapomarahuëntaꞌ, aꞌnancoꞌ. Ina pochin nipatamaꞌ, Yosëꞌpaꞌ naꞌcon canaaramaꞌ. Yosë pochachin cancantaramaꞌ. Inasoꞌ yaꞌipi piyapiꞌsaꞌ nosoroaton, catahuarin. Oshahuanoꞌsantaꞌ nosororin. Co ‘Yosparinquën,’ itopirinahuëꞌ, catahuarin.

Juan 14:6

—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.

Juan 8:24

Napoaton napotëranquëmaꞌ. Caso iráca quëran huarëꞌ yaꞌhuato, yaꞌhuëmiatarahuë. Co natëhuatamacohuëꞌ, oshanëmarëꞌquëma chachin chiminaramaꞌ, itërin.

Romanos 10:14

Napoaponahuëꞌ, co aꞌchintohuatëhuahuëꞌ, co nitotapihuëꞌ. Co nitotohuachinahuëꞌ, co nanitapihuëꞌ natëtacaisoꞌ. Co natëtohuachinahuëꞌ, co nanitapihuëꞌ Yosë nontacaisoꞌ. Napoaton aꞌchintacasoꞌ yaꞌhuërin.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

Hebreos 11:26

Copirno huiꞌnin pochin niꞌton, nohuantërin naporini, Iquipito parti naꞌcon canaitonhuëꞌ, co ina nohuantërinhuëꞌ. Yosë naꞌcon naꞌcon yonquirin. “Aꞌna tahuëri Cristo oꞌmaton, nichaꞌësarinpoaꞌ. Iporasoꞌ ina marëꞌ aparisitopirinacohuëꞌ, Yosëꞌpaꞌ noya noya acanarinco,” taꞌton, noya ahuantërin.

Hebreos 3:12

Canpitantaꞌ iyaroꞌsaꞌ aꞌnayanquëma tërantaꞌ co cancanëma quëran huarëꞌ natëhuatamahuëꞌ, co noya cancantaramahuëꞌ. Niꞌcona Yosë chachin aꞌpotamaꞌ. Inasoꞌ, iporahuantaꞌ nanpiton niꞌsárinpoaꞌ.

Hebreos 4:6

Cotioroꞌsaꞌton noya nanan natanaponaraihuëꞌ, co natëpihuëꞌ niꞌton, co yaꞌconpihuëꞌ. Napoaton ipora huantaꞌ Yosë yonquiarin piyapiꞌsaꞌ asanocancantacasoꞌ. Iráca quëran huarëꞌ yonquirinpoaꞌ asanocancainpoasoꞌ.

Hebreos 7:19

Moisësë pënëntërinsoꞌ nanan co mantaꞌ anoyatërinhuëꞌ. Quisocristoso nipirinhuëꞌ anoyacancantërinpoaꞌ. Anoyacancantohuachinpoaꞌ, nanitërëhuaꞌ Yosë nohuitacasoꞌ. Huëntonënquë chachin ayaꞌconinpoaꞌ. Inasoꞌ noya noya, tënëhuaꞌ.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.

2 Pedro 1:10

Napoaton iyaroꞌsaꞌ, naꞌcon yonquicoꞌ yaꞌipi cancanëma quëran huarëꞌ imacamaso marëꞌ. Yosë huayonatënquëmaꞌ, nontërinquëmaꞌ niꞌton, noyá matërëso pochin imamiatocoꞌ. Inapohuatamaꞌ, co nisha cancantatomaꞌ, aꞌpoaramahuëꞌ.

2 Pedro 1:5

Napoaton Quisocristo imapatamaꞌ, naꞌcon yonquicoꞌ noya nicacamaso marëꞌ. Noya nicatomaꞌ, Yosë yonquirinso chachin nitotocoꞌ.

2 Pedro 3:14

Napoaton iyaroꞌsaꞌ, ina ninatomaꞌ naꞌcon yonquicoꞌ noyasáchin nicacamaso marëꞌ. “Quisocristo nanan anoyatërinpoaꞌ,” taꞌtomaꞌ, noya niniꞌtomaꞌ, yaꞌhuëcoꞌ. Yaꞌipi co noyahuëꞌ yonquiramasopita naniantatomaꞌ, noyápiachin cancantocoꞌ. Ina quëran oꞌmantahuachin, noya niꞌsarinquëmaꞌ.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

Rota naporinso' 2:12

Inapohuatana, quëmaso Yosë chachin yoniton naporan. Inaso Sinioro, israiroꞌsacoi chinotërai. Ina paꞌpoyainquënso marëꞌ inaporan. Inasoꞌ, atari huaꞌhuinpita toꞌcohuëtërinso pochin paꞌpoyarinpoaꞌ. ¡Napoaton inari chachin naporanso marëꞌ acanainquën taꞌto, ina nontërahuë! itërin.