Hebreos 11:5 - Chayahuita (Shahui)

⁵ Iráca Inoco noya natërin niꞌton, Yosëri inápaquë quëpantarin. Napoaton co chimininhuëꞌ. Piyapiꞌsari yonisápirinahuëꞌ, co quënanpihuëꞌ. Coꞌhuara inápaquë quëpantayátërasohuëꞌ, “Inoco nóya niꞌnahuë,” tënin Yosë quiricanënquë.

Hebreos 11:5 ပူးပေါင်းရင်းမြစ်များ

2 Reyes 2:1

Panca ihuanquë Siniorori Iniasë quëpacasoꞌ yonquirin. Yaquëpahuachina, Iniasëso Irisiorë chachin Quiricaro quëran pipirapi.

2 Reyes 2:11

Ninapotatona cato chachin paꞌsapi. Papona pochin ninontërapi. Naporoꞌ aꞌnanaya pën pochin toronan yaꞌnorin. Cahuarionënpitantaꞌ, inapochachin yaꞌnorin. Inari yaꞌcon yaꞌcontahuaton Iniasë chiꞌhuincarin. Inapoaton, inaso panca ihuanquë inápaquë quëpantarin.

Salmos 89:48

Co inso tëranta yaꞌhuëráponhuëꞌ. Co insonta chimirin quëran chaꞌësarinhuëꞌ.

Jeremías 36:26

Naporahuaton, Parocoroꞌco chachin macainacoiso marëꞌ camaitërin. Quëmopinën Quiramiiro itopisoꞌ ina marëꞌ camairin. Asirisi huiꞌnin Siraiasë, Apitiiri huiꞌnin Sirimiasë, inapitanta ina chachin camairin. Napotohuachina, inapitaso yonisápirinacoihuëꞌ, co quënaninacoihuëꞌ. Sinioro poꞌorincoi niꞌton, co quënaninacoihuëꞌ.

Lucas 2:26

Ina nohuanton, Simion nani ninorin. “Siniorori aꞌpaimarinsoꞌ nohuitapo. Coꞌhuara chimiyantërapohuëꞌ, Cristo oꞌmararin, niꞌsarahuë,” tënin yonquiaton.

Lucas 3:37

Namico paꞌpinsoꞌ Matosarino itopi. Ina paꞌpintaꞌ Inoco itopi. Inoco paꞌpinsoꞌ Carito itopi. Ina paꞌpintaꞌ Marariro itopi. Ina paꞌpinsoꞌ Cainano itopi.

1 Tesalonicenses 2:4

Yosë chachin acorincoi nanamën aꞌchinaꞌhuaiso marëꞌ. “Noꞌtëquën aꞌchinaponaꞌ,” taꞌton, aꞌparincoi. Napoaton co piyapiꞌsaꞌ noya nicainacoiso marëꞌ aꞌchinaihuëꞌ. Yosë noya nicaincoiso marëꞌ aꞌchinárai. Yaꞌipi yonquirëhuasopita nitotërin. Maꞌmarësona sacatërëhuasontaꞌ nitotërin.

Hebreos 11:6

Yosë yonquihuatëhuaꞌ, natëtacasoꞌ yaꞌhuërin. “Yosë yaꞌhuárin. Noꞌtëquën nontërinpoaꞌ. Ina nontohuatëhuaꞌ, natanatonpoaꞌ catahuarinpoaꞌ,” topatëhuaꞌ, noya niꞌsarinpoaꞌ. Co ina pochin cancantohuatëhuahuëꞌ, co onporontaꞌ noya niꞌsarinpoahuëꞌ.

Hebreos 2:9

Quisososo nipirinhuëꞌ yonquiaꞌahuaꞌ. Inasoꞌ isoroꞌpaquë oꞌmaton, piyapi chachin nasitimarin. Parisitaton, canpoa marëꞌ chiminin. Napoaton Yosëri chiníquën nanan quëtërin yaꞌipi huaꞌanëntacaso marëꞌ. Inaora nohuanton, Yosë nosoroatonpoaꞌ, huiꞌnin aꞌpatimarinpoaꞌ yaꞌhuërëtinpoaso marëꞌ. Yaꞌipi piyapinpoa marëꞌ chiminin.

1 Juan 3:22

Yosë pënëninpoasoꞌ natëhuatëhuaꞌ, noya natanarinpoaꞌ. Ina nohuantërinsoáchin yonquihuatëhuaꞌ, catahuarinpoaꞌ. Ina pochin cancantohuatëhuaꞌ, maꞌpitaso nipatëhuaꞌ, quëtarinpoaꞌ.

Judas 1:14

Iráca Inocori chachin inapita ninorin. Atan shiin inasoꞌ. Atan quëran saota shinpita yaꞌhuërin piquëran Inoco yaꞌhuërin. Ninoton, naporin: “Sinioro chachin oꞌmararin huachi. Huaꞌhuayatërahuëꞌ anquëniroꞌsarë chachin oꞌmararin.