Hebreos 11:34 - Chayahuita (Shahui)

³⁴ Aꞌnaquën pën chiníquën nënë nënëtapaquë tëꞌyatopirinahuëꞌ, co piꞌpian tërantaꞌ huëyapihuëꞌ. Noya chaꞌëpi. Aꞌnaquëontaꞌ Yosë nohuanton, sahuëni quëran chaꞌëpi. Yatëpapirinahuëꞌ, co chiminpihuëꞌ. Aꞌnaquëontaꞌ co chinipirinahuëꞌ, Yosëri catahuarin chiníquën cancantacaiso marëꞌ. Naꞌa inimicoroꞌsaꞌ minsërahuatonaꞌ, aꞌpapi.

Hebreos 11:34 ပူးပေါင်းရင်းမြစ်များ

1 Reyes 19:1

Acaposo yaꞌhuërinꞌpaꞌ canconahuaton, yaꞌipi Iniasë naporinso Quisapira shaꞌhuitërin. Paaro marëꞌ pënëntopisopitanta atëpatërinsoꞌ, shaꞌhuitërin.

1 Reyes 19:3

Ina natanaton, Iniasëso paꞌyanin: “Coꞌsoꞌ taꞌahuatohuëꞌ, tëpaponaco,” taꞌton Piirsipa ninanoquë piyapinënë chachin taꞌarin. Inaso ninanoꞌ, Cota huënton noꞌpanën paꞌmarinꞌpaꞌ yaꞌhuërin. Inaquë canconahuaton, piyapinën patërin.

2 Reyes 6:1

Aꞌna tahuëri pënëntonaꞌpiroꞌsari Irisio itaponaꞌ: —Canpoasoꞌ, naꞌaquënpoa yaꞌhuërëhuaꞌ. Napoaton pëi yaꞌhuëtërëhuasoꞌ, co nanirëhuahuëꞌ.

2 Reyes 6:32

Irisiosoꞌ, pëinënquë yaꞌhuëarin. Israiro ansianoꞌsarë chachin huënsëatonaꞌ, ninontapi. Napoasoi copirnori tëpacaso marëꞌ aꞌpairinso quëmapi, nani yaꞌcaritëriarin. Coꞌhuara canquiyátërasohuëꞌ, inaso ansianoꞌsa itapon: —Copirnosoꞌ tëpatonaꞌpi huiꞌnin nichinapon chachin nani aꞌpairin comision nishitëconotiincoso marëꞌ. Napoaton ina canquihuachin, yaꞌcoana oncotahuatoma patëëtocoꞌ. Ina piquëran copirno chachinta canquiarin, itërin.

Copo naporinso' 42:10

Amiconënpita marëꞌ Copo Yosë nontohuachina, inaora chachinta noyatahuaton, noya noya yaꞌhuëantarin. Iꞌhua yaꞌhuëtërin quëran naꞌcon naꞌcon yaꞌhuëtaantarin.

Copo naporinso' 5:20

Tanaro tahuëriꞌsa nipachin, co chiminaponhuëꞌ. Quira tahuëriꞌsantaꞌ, co tëpaponënhuëꞌ.

Salmos 124:7

Huënson acohuatëra, anpiantëhuanoꞌsa manëꞌ. Ohuëtëhuachinaso nipirinhuëꞌ, chaꞌërin. Inapochachin inimicoroꞌsa maꞌsha yaonpotopirinënpoahuëꞌ, chaꞌërëhuaꞌ.

Salmos 66:12

Tananpitërancoi niꞌton, apinapicharoꞌsanta toꞌpi toꞌpitatë pochin nitërinacoi. Pancaiꞌ apëntontërëso pochin nitatoncoi, aparisitërancoi. Naporahuaton pënquë poꞌmorëso pochin maꞌsha onpotërancoi. Napoaponahuëꞌ, napoin quëran noya noya acoantarancoi.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Jeremías 26:24

Caso napoaporahuëꞌ, aꞌnara huaꞌan catahuarinco niꞌton, co yaꞌhuëhuanoꞌsaquë tëpainacoso marëꞌ yoꞌninacohuëꞌ. Inaso huaꞌan Sahuano huiꞌnin Aicamo itopi.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

1 Pedro 4:12

Naꞌcon iyaroꞌsaꞌ, imoyaroꞌsaꞌ, nosororanquëmaꞌ. Iporasoꞌ chiníquën parisitohuatamaꞌ, ama paꞌyancosohuëꞌ. Co topinan quëran maꞌsha onporamahuëꞌ. Imaramaꞌ niꞌton, ina pochin parisitacasoꞌ yaꞌhuërin. Yosë nohuanton, napoaramaꞌ noya noya imacamaso marëꞌ.

Jueces 15:8

Napotaton huiristinoꞌsa ahuëmiatërin. Inapotaton notohuaroꞌ tiquirin. Ina piquëran Itan natëtëana itopiquë paꞌsahuaton yaꞌhuëconin.

1 Samuel 18:11

Aꞌnanaya Saonosoꞌ nansanën ihuësahuaton Tapi ohuanpirinhuëꞌ, pashicharinsoꞌ pacoitërin. Naquëranchin napotaantapirinhuëꞌ, pacoitaantarin: “Pairaquë Tapi payon payontaꞌi,” taꞌton napopirinhuëꞌ, co nanitërinhuëꞌ.

1 Samuel 20:1

Tapi Nayoto quëran taꞌarahuaton, Conatan yaꞌhuërinquë paꞌnin. Quënanconahuaton itapon: —¡Co caso manta tëhuërahuëꞌ! ¡Co maꞌmarë tëranta anaꞌintiinacoso yaꞌhuërinhuëꞌ! Tataparin co manta onpotërahuëꞌ niꞌton: ¡Co tëpaincoso yaꞌhuërinhuëꞌ, tënahuë! itërin.