Hebreos 11:32 - Chayahuita (Shahui)

³² Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Hebreos 11:32 ပူးပေါင်းရင်းမြစ်များ

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Mateo 5:12

Iracantaꞌ Yosë piyapinënpita pënëntohuachinara, aꞌnaquëni inapochachin noꞌhuipi. Napoaton aꞌnapita noꞌhuihuachinënquëmaꞌ, noya cancantocoꞌ. Parisitëramaso marëꞌ Yosëꞌpaꞌ naꞌcon acanaarinquëmaꞌ. Ina yonquiatomaꞌ, capa cancantocoꞌ,” itërin Quisosori.

Lucas 13:28

Parisitopiquë paꞌsahuatomaꞌ, naꞌnëaramaꞌ, chiníquën parisitaramaꞌ. Apraan, Isaco, Cacopo, pënëntonaꞌpiroꞌsaꞌ, inapita Yosë huaꞌanëntërinquë yaꞌhuërapi, niꞌsaramaꞌ. Canpitaso nipirinhuëꞌ co yaꞌconamahuëꞌ niꞌton, sëtaramaꞌ.

Lucas 16:31

‘Co Yosë quiricanën natëhuachinahuëꞌ, chimininsontaꞌ nanpiantapirinhuëꞌ, co onporontaꞌ natëapihuëꞌ,’ itërin Apraani,” tënin Quisoso.

Juan 21:25

Naꞌcon Quisoso aꞌchinin. Nani maꞌsha ninin. Co insontaꞌ nanitaparinhuëꞌ yaꞌipiya ninshitacasoꞌ. Ina nápoꞌ quirica ninshitërai naporini, co isoroꞌpaquë tërantaꞌ naniitonhuëꞌ, topirahuëꞌ. Nani huachi.

Hechos 10:43

Iráca quëran huarëꞌ pënëntonaꞌpiroꞌsaꞌ Quisoso ninotonaꞌ, shaꞌhuitërinënpoaꞌ ina natëcaso marëꞌ. Cancanënpoa quëran huarëꞌ ina natëcasoꞌ yaꞌhuërin. Oshanënpoa marëꞌ chiminin niꞌton, imapatëhuaꞌ, yaꞌipi oshanënpoaꞌ inquitarinpoaꞌ. “Ca oshanëhuë marëꞌ mini Quisocristo chiminin,” topatëhuaꞌ, inquitarinpoaꞌ, itërin Pitrori.

Hechos 13:20

Yaꞌipi quëran catapini pasa aꞌnatërápo shonca piꞌipi ninin. Ina piquëran Yosë nohuanton, huaꞌanoꞌsaꞌ yaꞌconaꞌpiapi catahuacaiso marëꞌ. Samoiro yaꞌconaquë huarëꞌ inapopi.

Hechos 3:24

Yaꞌipi pënëntonaꞌpiroꞌsaꞌ iso tahuëriꞌsaꞌ ninopi. Samoiro quëran huarëꞌ napopi.

Romanos 3:5

Aꞌnaquën poꞌpin yonquipi: “Canpoa co noyahuë ninëhua niꞌton, Yosë noyasáchin nininsoꞌ aꞌninquëchin anitotërinpoaꞌ. Napoaton anaꞌintohuachinpoaꞌ, co noꞌtëquën anaꞌintërinpoahuëꞌ,” toconpi.

Romanos 4:1

Apraan naporinsoꞌ shaꞌhuichinquëmaꞌ. Inasoꞌ shimashonënpoaꞌ. ¿Onporahuatontaꞌ Yosëri noya niꞌnin?

Romanos 6:1

Yosë inaora nohuanton nosororinpoa niꞌton, manta tërantaꞌ niahuaꞌ inaora nohuanton, oshanënpoaꞌ inquitiinpoaso marëꞌ ¿tëcarihua ti?

Romanos 7:7

Napoahuarëꞌ, “Moisësë pënëntërinsoꞌ aoshahuaninpoaꞌ niꞌton, co noyahuëꞌ,” ¿tëcarihuaꞌ ti? ¡Co naporinhuëꞌ! Napoaponahuëꞌ, pënëntërin quëran oshahuanëhuasoꞌ nitotërëhuaꞌ. Iso pochin yonquiaꞌahuaꞌ. “Ama aꞌna piyapi maꞌshanënaꞌ noyapatocosohuëꞌ,” tënin iráca pënëntaton. Casoꞌ ina natanato, “Tëhuënchachin aꞌnapita maꞌshanën noyapatato, co noyahuëꞌ yonquirahuë. Ina marëꞌ oshahuanahuë,” tënahuë.

Santiago 5:10

Niꞌcoꞌ iyaroꞌsaꞌ. Iráca pënëntonaꞌpiroꞌsaꞌ Sinioro nanamën aꞌchinpirinahuëꞌ. Pënëntohuachinara, aꞌnaquëni noꞌhuitonaꞌ, aparisitopi. Parisitaponaraihuëꞌ, ahuantopi. Co noꞌhuipihuëꞌ.

2 Pedro 1:21

Iráca co inahuara nohuanton, ninshitopihuëꞌ. Yosëri acorin nanamën anitotinpoaso marëꞌ. Ispirito Santo nohuanton, Yosë yonquirinso chachin ninshitopi.

2 Pedro 3:2

Iráca noya pënëntonaꞌpiroꞌsaꞌ yaꞌhuëpi. Ninotonaꞌ, Yosë quiricanënquë ninshitopi, nani nontëramaꞌ. Naporahuaton, quiyantaꞌ Quisocristo pënënincoisoꞌ aꞌchintërainquëmaꞌ. Inasoꞌ nichaꞌësarinpoaꞌ. Caꞌtanoꞌsanënpitacoi chachin aꞌparincoi. Ama naniantacamaso marëhuëꞌ ninshitaranquëmaꞌ.

Jueces 13:24

Tahuëri nanihuachina sanapisoꞌ quëmapiaꞌhuaya huairin. Ina nohuitaton: Sanson itërin. Huaꞌhuasha noya soꞌsorarin. Naporahuaton Siniororinta catahuararin.

Jueces 15:20

Sansonsoꞌ, cato shonca piꞌipi israiroꞌsa huaꞌanëntërin. Huiristinoꞌsari ina parti huaꞌanëntasoiꞌ, naporin.

Jueces 4:1

Ioto chimininso piquëran, israiroꞌsaso co noyahuëꞌ niantapi. Siniorori chachin niꞌsápirinhuëꞌ, napoantapi.

Jueces 6:1

Israiroꞌsasoꞌ, co noyahuëꞌ niantapi. Siniorori chachin niꞌsápirinhuëꞌ, napoantapi. Napopiso marëꞌ Siniorori matianoꞌsa catahuarin niꞌton, israiroꞌsa minsëipi. Minsërahuatona canchisë piꞌipi huaꞌanëntopi.

Jueces 6:11

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

Jueces 6:14

Napotohuachina Siniorori niꞌsarin quëran itapon: —Matianoꞌsa aparisitarinquëmaꞌ. Napoaponahuëꞌ, quëmari inapita quëran quëmopinënpita nichaꞌëquëꞌ. Chiníquënquën niꞌton, nanitapapon. Carinquën chachin camaiaranquën, itërin.

1 Samuel 1:20

Ina nohuanton cayorin huachi. Tahuëri nanihuachina quëmapiaꞌhuaya huairin. Nininën nohuitaton Samoiro itërin. Sinioro natanaton huaꞌhuaninso marëꞌ ina pochin nohuitërin.

1 Samuel 12:11

Ina niꞌton, Siniorori Quiropaaro, Quipiti, inapitaꞌton nichaꞌëinquëmaso marëꞌ acorin. Ina piquëran cantaꞌ, ina marë chachin acorinco. Inapotërainquëma niꞌton, canpitaso naꞌa piꞌipi noya yaꞌhuëramaꞌ.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 17:45

—Quëmasoꞌ, sahuëni, nansa, nansaꞌhua, inapita tëpaancoso marëꞌ quëshiantaranco. Caso nipirinhuëꞌ, Sinioro nanan quëtërinco niꞌton, huëcapayaranquën. Inasoꞌ Yosë, yaꞌipi nanitaparinsoꞌ. Israiro sontaroꞌsacoi huaꞌanëntërincoi. Ina huaꞌanëntopirincoihuëꞌ, quëmasoꞌ noꞌhuirancoi.

1 Samuel 2:11

Ina quëran Iricanasoꞌ, saꞌinpita, huiꞌninpita, inapitarë chachin Nama ninanoquë paantarin. Huaꞌhuashaso nipirinhuëꞌ, inaranchin quëparitërin. Iri corto huaꞌani maꞌsona camairinso nicaton, Sinioro marëꞌ sacatarin.

1 Samuel 2:18

Inapoasoiꞌ, Samoirosoꞌ huiꞌnapiraꞌhuatarin. Rino piꞌshi quëran nipinan ipoto aꞌmosahuaton, Sinioro marëꞌ sacatarin. Corto huaꞌanoꞌsa inanpi aꞌmopi niꞌton, inanta inanpi aꞌmorin.

1 Samuel 2:4

Ahuëtonoꞌsa nipirinahuëꞌ, ina topachin sanpatapi. Sanpacharoꞌsanta nipirinahuëꞌ, ina topachin ahuëtapi.