Hebreos 11:19 - Chayahuita (Shahui)

¹⁹ “Yosë co nonpintërincohuëꞌ. Ananpitaantacasontaꞌ nanitërin,” taꞌton, Apraan natëtërin. Paaton, Isaco yatëparahuachina, Yosëri itaantarin: “Tananpitëquëꞌ. Ama tëpaquësohuëꞌ,” itërin. Napoaton huiꞌnin chiminin quëran, nanpiantarinso pochin niꞌnin.

Hebreos 11:19 ပူးပေါင်းရင်းမြစ်များ

Génesis 22:13

Naporoꞌ Apraan tahuërërahuaton niꞌpirinhuëꞌ, aꞌnara carniro quënanin. Yosë nohuanton pomonën quëran, naraꞌhuaya sëꞌpaquënquë aꞌtënin. Ina masahuaton huiꞌnin yaꞌhuërënamën tëparin. Inapotaton, Yosë chinotacaso marëꞌ yaꞌipi ahuiquitërin.

Mateo 12:36

Noya cancantohuatamaꞌ, noya nonsaramaꞌ. Ayaroꞌ tahuëri Yosë noya niꞌsarinquëmaꞌ. Co noyahuëꞌ cancantohuatamaꞌ, co noyahuëꞌ nonsaramaꞌ. Ina marëꞌ ayaroꞌ tahuëri anaꞌintarinquëmaꞌ. Ayaroꞌ tahuëri nanihuachin, Yosë nontarinquëmaꞌ. Yaꞌipi nonamasopitantaꞌ aipitarinquëmaꞌ. Aꞌnaquëmaꞌ co noyahuëꞌ nonpatamaꞌ, ‘Co yonquiatohuëꞌ, naporahuë,’ itopiramahuëꞌ, ina marëntaꞌ anaꞌintarinquëmaꞌ, tënahuë. Co noyahuëꞌ cancantohuatamaꞌ, noꞌtëquën anaꞌintarinquëma huachi,” itërin Quisosori.

Mateo 9:28

Pëiquë canconahuatonaꞌ, Quisoso yaꞌconin. Somarayaroꞌsantaꞌ yaꞌconpachinara, Quisosori itërin: —Cari nanitato anoyatërahuësoꞌ ¿natëramaꞌ ipora ti? itërin. —Natërainquën mini Sinioro. Yaꞌipiya nanitaparan tënai, itopi.

Romanos 5:14

Nipirinhuëꞌ, Atan quëran huarëꞌ yaꞌipi piyapiꞌsaꞌ chiminpi. Moisësë yaꞌhuëaquë huarëntaꞌ chiminaꞌpiapi. Yaꞌnan isoroꞌpaꞌ nipon, Yosëri pënënpirinhuëꞌ, Atan co natëtonhuëꞌ, oshahuanin. Ina quëran yaꞌipi piyapiꞌsantaꞌ co noyahuëꞌ nicatonaꞌ, oshahuanpi. Co Yosëri chachin pënënpirinhuëꞌ, inahuantaꞌ oshahuanpi. Atan pochin cancantatonaꞌ yaꞌipi piyapiꞌsaꞌ oshahuanpi. Quisocristoso nipirinhuëꞌ nanan anoyatinpoaso marëꞌ oꞌmarin.

Efesios 3:20

Tata Yosësoꞌ chini chiníquën nanantaton, yaꞌipi nanitaparin. Huaꞌyanën chachin nani yaꞌcoancantërinpoaꞌ niꞌton, noya catahuarinpoaꞌ. Nani tahuëri achinicancaninpoaꞌ niꞌton, cancanënpoa quëran huarëꞌ Yosë yonquiaꞌahuaꞌ. Ina nontohuatëhuaꞌ, “Catahuaco,” itohuatëhuaꞌ, naꞌcon catahuarinpoaꞌ. Naꞌcon nohuantopirëhuahuëꞌ, naꞌcon naꞌcon inasoꞌ nanitaparin nicacasoꞌ. Co nitotërëhuasohuëntaꞌ nanitaparin.

Hebreos 9:24

Iráca chinotopiso pëiꞌ, piyapiꞌsari ninin. Quisocristosoꞌ, co inaquë yaꞌconinhuëꞌ. Yosë yaꞌhuërinquë chachin pantarahuaton, canpoa marëꞌ Yosë nontárin. “Oshanënaꞌ inquitaꞌhuaso marëꞌ nani chiminahuë,” taꞌton, nontárin.

Hebreos 9:9

Iporahuantaꞌ ina yonquihuatëhuaꞌ, nitotarihuaꞌ. Iráca pënëntërinsoꞌ co natëhuachinahuëꞌ, maꞌsha tëpapi ama Yosëri anaꞌintacaso marëhuëꞌ. Nipirinhuëꞌ, co ina marëꞌ oshanën inquitërinhuëꞌ.