Hebreos 11:14 - Chayahuita (Shahui)

¹⁴ “Co isoroꞌpaquë yaꞌhuëmiatarihuahuëꞌ. Yosëꞌpaꞌ tëhuënchinsoꞌ yaꞌhuëmiatarihuaꞌ,” taꞌtonaꞌ, napopi.

Hebreos 11:14 ပူးပေါင်းရင်းမြစ်များ

Éxodo 2:22

Sihuira huaꞌhuanpachina, Moisësëri aninihuanin: Cohuirison itërin. Cohuirisonsoꞌ: “Nishaco nipirahuëꞌ isëquë yacapatërahuë,” tapon naporin.

2 Corintios 4:18

Isoroꞌpaquë yaꞌhuërinsopita co naꞌcon naꞌcon yonquirëhuahuëꞌ. Iporasoꞌ parisitarihuarahuëꞌ, co ina marëꞌ sëtarihuahuëꞌ. Yosë naꞌcon naꞌcon yonquiarëhuaꞌ. Ina nohuitacasoáchin cancantarihuaꞌ. Isoroꞌpaquë yaꞌhuërinsopita quënanpirëhuahuëꞌ, co yaꞌhuëmiatarinhuëꞌ. Taꞌhuantarin. Yosë noya yonquirinpoasosoꞌ co quënanpirëhuahuëꞌ, yaꞌhuëmiatarin.

Filipenses 1:23

¿Maꞌcha noya noya nicaya? tënahuë yonquiato. Co casoꞌ nitotërahuëꞌ. Aꞌna cancan nohuantërin chiminaꞌhuasoꞌ. Chiminpato, Quisocristoroꞌco yaꞌhuëcontarahuë. Inasoꞌ noya noya.

Hebreos 11:13

Apraan, Isaco, Cacopo, inapita chiminaquë huarëꞌ Yosë natëpi. “Nani Yosë shaꞌhuitërinpoaꞌ. Co nonpintarinpoahuëꞌ. Pahuanarin nipirinhuëꞌ, aꞌna tahuëri Yosë nohuanton, yaꞌhuapon,” taꞌtonaꞌ, nóya cancantopi. “Co huaꞌqui isoroꞌpaquë yaꞌhuarihuahuëꞌ. Isëquësoꞌ topinan yacapatërëhuaso pochin ninëhuaꞌ,” topi.

Hebreos 11:15

Yaꞌhuëpi quëran nani pipimiatopi. Ina naꞌcon yonquipi naporini, inaquë ayamantaꞌitonahuëꞌ.

Hebreos 11:16

Nipirinhuëꞌ, co isoroꞌpaꞌ naꞌcon yonquipihuëꞌ. Yosë naꞌcon naꞌcon nohuantopi. Ina yaꞌhuërinquë chachin yaꞌhuëcaisoꞌ nohuantopi. Napoaton Yosë tapon: “Nóya yonquirinaco niꞌton, huiꞌnahuëpita pochin niꞌsarahuë. Aꞌna tahuëri inápaquë quëpantarahuë. Nani tapatërahuë yaꞌhuëcaisoꞌ,” tënin.

Hebreos 13:14

Co isoroꞌpaquë yaꞌhuëmiatarihuahuëꞌ. Yosë yaꞌhuërinꞌpaꞌ pantacasoꞌ ninarëhuaꞌ. Inatohuaꞌ yaꞌhuëmiatarihuaꞌ.