Hebreos 10:38 - Chayahuita (Shahui)

³⁸ Cancanëma quëran huarëꞌ natëhuatamaco, noya niꞌsaranquëmaꞌ niꞌton, noya nanpimiataramaꞌ. Nipirinhuëꞌ aꞌpohuatamaco, paꞌpi co noyahuëꞌ niꞌsaranquëmaꞌ,” tënin.

Hebreos 10:38 ပူးပေါင်းရင်းမြစ်များ

2 Samuel 22:22

Quëma camaitëransopita noꞌtëquën natërahuë. Pënëntëransopita noꞌtëquënáchin natërahuë.

Isaías 42:1

Sinioro naporin: “Natanco shaꞌhuichinquëmaꞌ. Piyapinëhuë nohuitocoꞌ. Cari chachin ina achiniapo. Huayonahuëso niꞌton, nóya niꞌnahuë. Ispiritonëhuë nani ayaꞌcoancantërahuë. Noya coisë pochin nicaton, yaꞌipi nacionoꞌsa noꞌtëquën shaꞌhuitapon.

Ezequiel 18:24

Noya ninaꞌpinta noya nisarinso aꞌporahuaton, co noyahuëꞌ nininsoꞌ, noꞌhuípiro nininsoꞌ, inapita niantahuachin: ‘Onpopionta inasoꞌ, Siniorori nanpicasoꞌ quëtapon nimara,’ ¡ama tocosohuëꞌ! Noya nininsopita co huachi yonquiarahuëꞌ. Co casáchin cancantatoncohuëꞌ, oshahuaninso marëꞌ chiminapon.

Ezequiel 3:20

Aꞌna tahuëriso nipirinhuëꞌ, aꞌnaquën noya nicacaso noꞌquiponahuëꞌ, amirahuaton co noyahuëꞌ nisarin. Tënihuato cá quëran aꞌpotochináchin cancantarin. Inapoasoꞌ co quëmari shaꞌhuitohuatanhuëꞌ, chiminapon. Huaꞌqui noya nipirinhuë tërantaꞌ, co ina marëꞌ nichaꞌësarahuëꞌ. Oshanën marëꞌ chiminacaso yaꞌhuërin. Quëmaso napoaponahuëꞌ co shaꞌhuitëranhuë niꞌton, ina chimininsoꞌ, naꞌintarinquën.

Ezequiel 33:13

Aꞌna piyapi noya nininsoꞌ: ‘Quëmasoꞌ noya ninanso marëꞌ nanpipon,’ itërahuë. Inaso napoaponahuëꞌ, napotërahuësoꞌ yonquiaton: ‘Co anaꞌintaponcohuëꞌ,’ tosarin. Ina tëcaton co noyahuëꞌ niantarin. Napohuachin, iꞌhua noya nininsopita co huachi yonquiarahuëꞌ. Co noyahuëꞌ nininso marëꞌ chiminacaso yaꞌhuërin.

Habacuc 2:4

Iso nanan inaquë ninshitëquëꞌ: ‘Papironiaroꞌsasoꞌ paꞌpi nocantopi. Canpitaso nipirinhuëꞌ sano piyapinquëma niꞌtomaꞌ: “Caora co nanitërahuëꞌ. Sinioroíchin catahuarinco chaꞌëcaꞌhuasoꞌ,” tënamaso marëꞌ nichaꞌësaranquëma nanpiaramaꞌ,’ tëquë ninshitaton.

Malaquías 1:10

Inquëma tërantaꞌ, chinotëramacoso pëi yaꞌcoananën oncoatoma noyá patanantërama naporini, noya niitonhuëꞌ. Co huachi insonta yaꞌconaton, artaronëhuëquë topinan quëran aꞌpëchitonhuëꞌ. Co noyahuëꞌ ninama niꞌton, carimanta co noya niꞌnanquëmahuëꞌ. Maꞌsha quëshiramacosopitantaꞌ, co huachi maꞌpaponquëmahuëꞌ.

Mateo 12:18

“Iso quëmapi nani acorahuë nisha nisha piyapiꞌsaꞌ nichaꞌëcaso marëꞌ. Noya natëarinco. Naꞌcon nosoroato, nóya niꞌnahuë. Ispiritonëhuë chachin ayaꞌcoancantarahuë. Nisha piyapiroꞌsantaꞌ noꞌtëquën aꞌchintahuaton, anoyacancantarin.

Mateo 13:21

co cancanëna quëran huarëꞌ natëpihuëꞌ. Co chiníquën cancantatonaraihuëꞌ, co natëmiatopihuëꞌ. Maꞌsha onpohuachinara, aꞌnaroáchin yaaꞌpopi. Imapiso marëꞌ aparisitohuachinara, aꞌpopi huachi.

Romanos 1:17

“Yosëíchin anoyacancantërinpoaꞌ,” topatëhuaꞌ, Yosë noya niꞌsarinpoaꞌ. Oshanënpoaꞌ inquitatonpoaꞌ, co huachi inapita yonquiarinhuëꞌ. Quiricanën quëran ina anitotërinpoaꞌ. “Cancanënpoa quëran huarëꞌ Yosë natëhuatëhuaꞌ, noya niꞌsarinpoaꞌ niꞌton, noya nanpimiatarihuaꞌ,” tënin Yosë quiricanënquë. Co canpoara nanitërëhuahuëꞌ noya cancantacasoꞌ.

Gálatas 3:11

“Pënëntërinsoꞌ natëto chaꞌësarahuë,” co taꞌcasoꞌ yaꞌhuërinhuëꞌ. Ina pochin cancantohuatëhuaꞌ, co Yosë noya niꞌsarinpoahuëꞌ. Quiricanën quëran noꞌtëquën shaꞌhuitërinpoaꞌ: “Cancanënpoa quëran huarëꞌ natëtohuatëhuaꞌ, Yosë noya niꞌsarinpoa niꞌton, noya nanpimiatarihuaꞌ,” tënin quiricanënquë.

1 Tesalonicenses 2:15

Iráca cotioroꞌsari pënëntonaꞌpiroꞌsaꞌ noꞌhuitonaꞌ, tëpapi. Ina quëran Sinioro Quisocristo chachin oꞌmahuachina, inantaꞌ tëpaantapi. Quiyantaꞌ aparisitatonacoi, aꞌparinacoi. Napopiso marëꞌ Yosëri co noyahuëꞌ niꞌnin. Tëhuënchachin co yaꞌipi piyapiꞌsaꞌ nosoropihuëꞌ.

Hebreos 10:39

Insosona aꞌpohuachinaꞌ, parisitopiquë paꞌsapi. Canpoaso nipirinhuëꞌ, co aꞌpoarihuahuëꞌ. Natërëhuaꞌ niꞌton, nichaꞌësarinpoa huachi.

Santiago 5:6

Paꞌpi co noyahuëꞌ cancantatomaꞌ, noya piyapiꞌsaꞌ nonpinapiramaꞌ. Chiníquën aparisitopiramahuëꞌ, inapitasoꞌ co nanitopihuëꞌ iꞌhuërëtinënquëmasoꞌ. Napoaton, Yosë chiníquën anaꞌintarinquëmaꞌ.

1 Juan 2:19

“Quiyantaꞌ imarai,” topirinahuëꞌ, nani pipipi. Co tëhuënchachin Yosë huëntonënquë yaꞌconpihuëꞌ. Yaꞌconpi naporini, co pipiitonahuëꞌ. Pipipi quëran nitotërëhuaꞌ. “Co onporontaꞌ cancanëna quëran huarëꞌ imapihuëꞌ,” tënëhuaꞌ.