Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hebreos 10:20 - Chayahuita (Shahui)

20 nasha ira pochin nininsoꞌ acorin Yosë nohuitacaso marëꞌ. Noya noya ananpirinpoaꞌ. Iráca noya noya patoanaquë Yosë yaꞌnopirinhuëꞌ. Nëꞌmëtëri yaꞌcopitërin niꞌton, co piyapiꞌsari nohuitopihuëꞌ. Iporasoꞌ Quisocristo oꞌmaton, piyapi chachin nasitimarin. Chiminin niꞌton, nanitërëhuaꞌ Yosë nohuitacasoꞌ.

အခန်းကိုကြည့်ပါ။ ကော်ပီ




Hebreos 10:20
20 ပူးပေါင်းရင်းမြစ်များ  

Nani inapotohuachin, chipo israiroꞌsa oshanëna marëꞌ, nininsoꞌ tëpaꞌin. Tëpahuachin, huënainën sënanquë main. Ina huënaiꞌ masahuaton, noya noya patoanaquë quëpapon. Inaquë caposonëhuë aꞌtanamën aipi taꞌsatapon. Ina quëran caposonëhuë aꞌtanamën notënan quërantaꞌ, taꞌsatapon. Toroaꞌhua huënainën quëran napotërinso chachin nitarin.


Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin. Naporahuaton, panca ocohua paꞌnin. Naꞌpiroꞌsaꞌ inaora nopaatërin.


Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin.


Co huachi piꞌi aꞌpininhuëꞌ. Naporoꞌ Yosë chinotopiso pëiꞌ tanontën nëꞌmëtëquë patonpisoꞌ inaora noshatërin.


Napoaton itaantarin: —Tëhuënchachin casoꞌ yaꞌcoana pochin ninahuë. Ohuica pairapipiquë yayaꞌconpatëra, yaꞌcoana quëran yaꞌconëꞌ.


Casáchin yaꞌcoana pochin ninahuë. Ca quëran yaꞌconpatamaꞌ, chaꞌësaramaꞌ. Ohuicaroꞌsaꞌ pipirahuatonaꞌ, noya coshatopi. Ina quëran yaꞌcoantapi. Inapochachin imarinacosopita noya paꞌsapi.


—Ca ira pochinco. Yaꞌipiya noꞌtëquën aꞌchintëranquëmaꞌ. Casáchin nanpicasoꞌ quëtëranquëmaꞌ. Imaramacosopitarachin Yosëꞌpaꞌ cancontaramaꞌ.


Quisocristo nasha nanan quëtërinpoaꞌ. Co huachi iráca pënëntërinsoꞌ yonquicasoꞌ yaꞌhuërinhuëꞌ. Yaꞌipinpoaꞌ Quisocristo imapatëhuaꞌ, nasha huëntonquë ayaꞌconinpoaꞌ. Quisocristo huëntonënquë yaꞌconatëhuaꞌ, co huachi nisha chinotërëhuahuëꞌ. Nisha nisha piyapinpoaꞌ nirihuarahuëꞌ, noya niniꞌtëhuaꞌ yaꞌhuërëhuaꞌ.


Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.


Niꞌcoꞌ. Nanchaquë paꞌpachinara, aꞌna tahuëri panca ihuan nacapipi. Chiníquën coꞌsacaitërin. Naporoꞌ huaꞌna quëquën nininsoꞌ aꞌsonahuatonaꞌ, tëꞌyaitopi. Acopoiꞌ noꞌpaquë niꞌtoromahuachina, sano yanponin. Co coꞌsacairi tërantaꞌ chiꞌhuincarinhuëꞌ. Inapochachin canpoantaꞌ aꞌna tahuëri maꞌsha onporëhuaꞌ, parisitërëhuaꞌ, sëtërëhuaꞌ, naporëhuaꞌ. Inapohuatëhuaꞌ, Yosë yonquiaꞌahuaꞌ. “Inasoꞌ noꞌtëquën nontërinpoaꞌ. Nichaꞌësarinpoaꞌ. Co onporontaꞌ naniantarinpoahuëꞌ,” topatëhuaꞌ, sano cancantarihuaꞌ. Yosësoꞌ co quënanarihuarahuëꞌ, inápaquë yaꞌhuárin. Ina yonquiatëhuaꞌ, ninarëhuaꞌ.


Nëmëtëquë patonpisoꞌ aquëtëꞌ, aꞌna patoanantaꞌ yaꞌhuërin, noya noya patoana itopisoꞌ.


Aꞌnapita piyapiꞌsasoꞌ co onporontaꞌ inaquë yaꞌconpihuëꞌ. Ina yonquihuatëhuaꞌ, Ispirito Santo anitotërinpoaꞌ. Iráca anoyatërinsoꞌ imapachinaꞌ, piyapiꞌsaꞌ co nanitopihuëꞌ Yosë nohuitacaisoꞌ, tënëhuaꞌ.


Quisocristontaꞌ nóya niponahuëꞌ, oshahuanëhuaso marëꞌ parisitërin. Oshanënpoaꞌ inquitinpoaso marëꞌ chiminin. Aꞌnaromarëáchin chiminin. Noya niponahuëꞌ, oshahuanoꞌsa marëꞌ chiminin. Canpoantaꞌ Yosë nohuitacaso marëꞌ chiminin. Piyapi niꞌton tëhuënchachin tëpapi. Chiminaponahuëꞌ, nanpiantarin niꞌton, noya noya yaꞌhuantarin.


Ispirito Santo noꞌtëquën anitotërinpoaꞌ. “Quisocristo Yosë huiꞌnin niponahuëꞌ, isoroꞌpaquë oꞌmaton, piyapi chachin nasitimarin. Nonën chachin yaꞌhuëtërin,” itërinpoaꞌ. Ina nanan aꞌchintohuachinënquëmaꞌ, noꞌtëquën aꞌchinapi. Ispirito Santori ayonquirin niꞌton, noya nonsapi.


Aꞌnaquënso nipirinhuëꞌ piyapiꞌsaꞌ yanonpintatonaꞌ, nisha aꞌchinapi. Yaꞌipi parti paꞌsápi nonpin nanan shaꞌhuicaiso marëꞌ. “Quisocristosoꞌ Yosë huiꞌnin niponahuëꞌ, co piyapi chachin nininhuëꞌ. Co canpoa pochin nonën yaꞌhuëtërinhuëꞌ,” topi. Co noꞌtëquën aꞌchinpihuëꞌ. Insosona ina pochin aꞌchinpachina, nonpinarin. Inasoꞌ Quisocristo inimiconën, tënahuë.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ