Hebreos 1:14 - Chayahuita (Shahui)

¹⁴ Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Hebreos 1:14 ပူးပေါင်းရင်းမြစ်များ

Génesis 32:24

Cacoposoꞌ inaora quëparitohuachina, aꞌnara quëmapi yaꞌnorin. Inarë tahuërianpitaquë huarëꞌ nohuantasoꞌ nipanipi.

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

Copo naporinso' 1:6

Aꞌna tahuëri Yosësoꞌ, anquëninënpita ayontonin. Inapitarë chachin shaꞌhuirapirinpoasoꞌ anquëni itopisontaꞌ, paꞌnin.

Salmos 104:4

Ihuanoꞌsanta comisionoꞌsa pochin acoran. Oꞌcoriroꞌsanta piyapinënpita pochin natërinën.

Salmos 34:7

Sinioro noya nicatë natëhuatëra, anquëninën tahuirapitatonpoa paꞌpoyararinpoaꞌ.

Daniel 3:28

Naporoꞌ copirnosoꞌ: “¡Ma noyacha Yosëso paya! Inasoꞌ, Satraco, Misaco, Api-nico, inapitari chinotërin. Inapita nichaꞌëcaso marëꞌ anquëninën aꞌpaimarin. Inapitasoꞌ Yosëíchin cancantopi niꞌton, co nohuantopihuëꞌ aꞌna yosë isonahuatona moshacaisoꞌ. Napoaton co chimirin tëranta tëꞌhuatatonaraihuëꞌ, ¡ca copirnoco nisapirahuëꞌ, co natërinacohuëꞌ!

Daniel 7:10

Ina notënan quëraontaꞌ, pancaiꞌ pochin pipirarin. Iꞌsha niponahuëꞌ, pën pochin yaꞌnorin. Notohuaroꞌ huaranca anquëniroꞌsari chinotopi. Notohuaroꞌ michon piyapiroꞌsantaꞌ, ina notënanquë huaniápopi. Coisëroꞌsa caniaritapi huachi piyapiꞌsa natanacaisoꞌ. Quiricaroꞌsanta oniriraꞌpiapi.

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Mateo 13:41

Anquëniroꞌsaꞌ aꞌpahuato, yaꞌipi co noyahuëꞌ nipisopita ayontonapi huachi. Anishacancantonaꞌpiroꞌsantaꞌ masapi.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Mateo 2:13

Tayora nitotonaꞌpiroꞌsaꞌ paꞌpachinara, Yosë anquëninëni huëꞌënquë Cosi yaꞌnotahuaton itapon: —Copirno nani chinotërin huaꞌhuasha tëpacaso marëꞌ. Apira sontaroꞌsaꞌ aꞌpararin ina yonicaiso marëꞌ. Napoaton aꞌnaroáchin ichitaꞌaquëꞌ. Aꞌshinë chachin Iquipitoꞌpaꞌ quëpaquëꞌ. Inaquë yacapatëquëꞌ. Noya huënantacasoꞌ nipachin, shaꞌhuitantaranquën, itërin anquëniri.

Mateo 24:31

Oꞌmantarahuato, naꞌa anquëniroꞌsaꞌ aꞌpararahuë. Panca tronpita pihuitonaꞌ, yaꞌipi parti paꞌsapi huayonahuësopita ayontonacaiso marëꞌ.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Mateo 4:11

Napotohuachina, sopairi patërin. Patohuachina, anquëniroꞌsari huëcapaimarahuatonaꞌ, nocomaimapi.

Marcos 10:17

Ina quëran Quisoso yapaantarapirinhuëꞌ. Aꞌnara quëmapi taꞌaquirahuaton, isonquirin. —Quëmasoꞌ Maistro noyanquën. ¿Maꞌtaꞌ casoꞌ onpoꞌi nanpimiataꞌhuaso marëꞌ? Shaꞌhuitoco cantaꞌ noya nii, itiirin.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Lucas 1:23

Nani Yosë chinotopiso pëiquë sirihuitohuachina, Sacariasësoꞌ yaꞌhuërinꞌpaꞌ paantarin.

Lucas 16:22

Napoin quëran Nasaro chiminin huachi. Chiminpachina, Yosëꞌpaꞌ anquëniroꞌsari quëparin. Apraan pantarinquë chachin pantarin. Ina quëran maꞌhuaontaꞌ chimininpachina, paꞌpitopi.

Lucas 2:13

Ina quëran aꞌnaroáchin naꞌa anquëniroꞌsari yaꞌnotantapi. Yosë chinotatonaꞌ, itaponaꞌ:

Lucas 2:9

Inaquë niꞌsoiꞌ, aꞌnanaya Sinioro anquëninëni yaꞌnotimarin. Huënaráchin huënaráchin aꞌpintimarin. Yosë pochin aꞌpinin. Anquëni quënanahuatonaꞌ, quëmapiꞌsaꞌ paꞌyanpi.

Hechos 11:22

Quirosarinquë nahuinin. Quisoso imapisopita natantahuatonaꞌ, Pirnapi aꞌpapi Antioquiaquë yaꞌhuëpisopita nicacaso marëꞌ.

Hechos 12:23

Topinan piyapi niponahuëꞌ natanahuaton huaꞌan nipaꞌyatërin. Yosëíchin chinotacaso nipirinhuëꞌ naporinso marëꞌ, aꞌnaroáchin Sinioro anquëninëni acaniorin. Chiníquën canioton, shonari pëꞌyarin. Parisitërarin quëran chiminin.

Hechos 12:7

Aꞌnanaya Sinioro anquëninën inaquë yaꞌnotimarin. Huënaráchin aꞌpinin. Pitro pichianahuaton, ochinanin. “Manóton huënsëquëꞌ paꞌa,” itërin. Napotohuachina, tanpain quëran catina inaora niiꞌquiritërin. Cato quëran chachin niiꞌquiritërin.

Hechos 13:2

Aꞌna tahuëri co coshatatonaraihuëꞌ, Sinioro chinotopi. Napohuachinara, Ispirito Santori shaꞌhuitërin: “Pirnapi, Saono inapita nohuantërahuë paatonaꞌ, piyapiꞌsaꞌ aꞌchintacaiso marëꞌ. Ina marëꞌ inapita acorahuatomaꞌ, aꞌpacoꞌ paꞌinaꞌ,” itërin.

Hechos 16:26

Aꞌnanaya panca ocohua paꞌnin. Tashinan pëiꞌ achinicaso marë acotopiquë huarëꞌ, nacon nacontarin. Naporoꞌ Yosë nohuanton, yaꞌcoanaroꞌsaꞌ niiꞌsoatëraꞌpiapi. Yaꞌipi apiroꞌsaꞌ catinanënaꞌ niiꞌquiritopi.

Hechos 27:23

Casoꞌ Yosë natërahuë. Inasáchin imarahuë. Ina nohuanton, achin tashiꞌ anquëninën yaꞌnotimarinco.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

Romanos 11:14

Naꞌaquëmaꞌ imapatamaꞌ, aꞌnaquën israiroꞌsantaꞌ nohuantapi imacaisoꞌ nimara. Inapitantaꞌ Yosëri anoyacancantarin.

Romanos 13:6

Ina nohuanton, huaꞌanoꞌsaꞌ yaꞌhuërin noya nicacaiso marëꞌ. Ina marëꞌ nani tahuëri sacatapi. Napoaton pahuërëtacasoꞌ camaitërinsoꞌ pahuërëtaramaꞌ.

Romanos 15:16

Quisocristo chachin aꞌparinco nisha nisha piyapiꞌsaꞌ aꞌchintaꞌhuaso marëꞌ. Nanamën aꞌchintarahuë inapitantaꞌ imacaiso marëꞌ. Aꞌchinato, Yosë marëꞌ sacatarahuë. Nisha piyapiꞌsantaꞌ imapachinaꞌ, Ispirito Santori yaꞌcoancantarin. Noyápiachin cancan quëtarin. Ina marëꞌ Yosëri noya niꞌsarin.

Romanos 15:27

Inahuantaꞌ Quisocristo imapi niꞌton, catahuatacaisoꞌ paꞌyatopi. “Cotioroꞌsaꞌ imapisopita Yosë nanamën nitotatonaꞌ, aꞌchintërinënpoaꞌ niꞌquëhuarëꞌ, canpoarintaꞌ maꞌsha quëtacasoꞌ yaꞌhuërin. Nisha piyapinpoaꞌ nipirëhuahuëꞌ, Yosë nohuitacaso marëꞌ catahuarinënpoaꞌ niꞌton, canpoarintaꞌ catahuahuaꞌ ama maꞌsha pahuanchinasohuëꞌ,” nitopi.

Romanos 8:17

Huiꞌninpoaꞌ niꞌton, naꞌcon naꞌcon catahuarinpoaꞌ. Aꞌna tahuëri yaꞌhuërinꞌpaꞌ noya acoarinpoaꞌ. Quisocristo noya acorinso pochin acoarinpoaꞌ canpoantaꞌ. Ina imarëhuaso marëꞌ aparisitopirinënpoahuëꞌ, inapochachin inarëꞌquënpoaꞌ noya noya yaꞌhuëcontarihuaꞌ.

1 Corintios 1:21

Ina nohuanton, piyapi inahuara yonquinëna quëran co nanitopihuëꞌ Yosë nohuitacaisoꞌ. Quisocristo chimininsoꞌ aꞌchinárai. Aꞌnaquënsoꞌ ina natanpachinara, tëhuapi. Canpoaso nipirinhuëꞌ natëhuatëhuaꞌ, anoyacancantërinpoaꞌ. Ina Yosë nohuantërin.

2 Corintios 9:12

Imapisopita catahuahuatamaꞌ, co huachi pahuantapihuëꞌ. Naporahuaton, naꞌcon naꞌcon Yosë yonquiapi. “Yosparinquën, Sinioro,” itapi.

Gálatas 3:29

Quisocristo imapatëhuaꞌ, Apraan shinpitanpoaꞌ ninëhuaꞌ canpoantaꞌ. Apraan shaꞌhuitërinso pochachin naꞌcon catahuarinpoaꞌ.

Gálatas 3:7

Iporasoꞌ canpoantaꞌ: “Yosë noꞌtëquën nontërinpoaꞌ niꞌton, imasarahuë,” topatëhuaꞌ, Apraan pochin cancantarihuaꞌ. Ina pochin cancantohuatëhuaꞌ, Yosë noya niꞌsarinpoaꞌ. Inantaꞌ iyaroꞌsaꞌ nitotocoꞌ.

Gálatas 3:9

Apraan Yosëri shaꞌhuitërinsoꞌ topinan natëcharinso marëꞌ Yosëri naꞌcon catahuarin. Inapochachin canpoantaꞌ Quisocristo nanamën topinan natëcharëhuaso marëꞌ catahuarinpoaꞌ.

Efesios 3:6

Naꞌa piꞌipi cotioroꞌsaráchin Yosë chinotopi. “Nichaꞌësaranquëmaꞌ,” itaton, Yosëri naꞌcon catahuarin. Iporaso nipirinhuëꞌ nisha piyapiꞌsanquëmantaꞌ catahuarinquëmaꞌ. Noya nanan natanatomaꞌ, Quisocristo imaramaꞌ niꞌton, canpitantaꞌ nichaꞌësarinquëmaꞌ. Napoaton aꞌna huëntoínchin pochin ninëhuaꞌ.

Filipenses 2:17

Iráca maꞌsha Yosë marëꞌ tëpahuachinaꞌ, huinontaꞌ opotopi. Inapochachin cantaꞌ canpita noya noya imacamaso marëꞌ tëpahuachinacontaꞌ, noya nisarin, co sëtarahuëꞌ. Aꞌchintëranquëmaꞌ niꞌton, noya imaramaꞌ. Napoaton noya cancantërahuë.

Filipenses 2:25

Iporaso nipirinhuëꞌ Iya Ipapirotito aꞌpatantaranquëmaꞌ. Iꞌhua chachin aꞌpatiramaco catahuaincoso marëꞌ. Canquihuachina, nóya catahuarinco. Achinicancaninco. Naporahuaton, inantaꞌ Quisocristo nanamën aꞌchinin. Ina marëꞌ parisitaponahuëꞌ, noya ahuantërin. Iporaso nipirinhuëꞌ canpitataquë panantaꞌin, tënahuë.

2 Tesalonicenses 1:7

Quisocristo oꞌmantahuachin, co huachi parisitaramahuëꞌ. Noya yaꞌhuaramaꞌ. Quiyantaꞌ ipora aparisitapirinacoihuëꞌ, naporoꞌ yaꞌipi imarëhuasopita nóya cancantarihuaꞌ. Sinioro Quisocristo chachin inápa quëran oꞌmantararin. Pën huënaratërinso huáncana yaꞌnoarin. Anquëniroꞌsantaꞌ chiníquën nanantatonaꞌ, oꞌmantararin. Inapitarë chachin oꞌmantararin.

Tito 3:7

Napoaton iporasoꞌ Yosë noya niꞌninpoaꞌ. Iráca oshahuanpirëhuahuëꞌ, inaora nohuanton, nosoroatonpoaꞌ, nanan anoyatërinpoaꞌ. “Huëntonënquë ayaꞌconinpoaꞌ niꞌton, aꞌna tahuëri yaꞌhuërinꞌpaꞌ yaꞌhuëcontarihuaꞌ,” taꞌtëhuaꞌ, ninarëhuaꞌ. Inatohuaꞌ nanpimiatarihuaꞌ.

Hebreos 10:11

Nani tahuëri corto huaꞌanoꞌsaꞌ sacatápi. Naquëranchin naquëranchin maꞌsharoꞌsaꞌ tëpapirinahuëꞌ, co oshanënaꞌ inquipihuëꞌ.

Hebreos 2:3

Iporaso nipirinhuëꞌ, Quisocristo aꞌpaimarin noya nanan shaꞌhuitiinpoaso marëꞌ. Naꞌcon nosoroatonpoaꞌ, yanichaꞌërinpoaꞌ. Huiꞌnin chachin niꞌton, co ina natëhuatëhuahuëꞌ, naꞌcon naꞌcon anaꞌintinpoasoꞌ yaꞌhuërin. Quisocristo chachin noya nanan shaꞌhuirin. Ina quëran caꞌtanoꞌsanënpitari natanahuatonaꞌ, inachachin shaꞌhuitaantarinënpoaꞌ.

Hebreos 5:9

Noꞌtëquën natëton, canpoa marëꞌ chiminin. Napoaton nanitërin anoyacancantinpoasoꞌ. Ina natëhuatëhuaꞌ, noya nichaꞌësarinpoaꞌ nanpimiatacaso marëꞌ.

Hebreos 6:12

Ama amitomarahuëꞌ, naꞌcon Yosë yonquicoꞌ. Noya natëpisopita nonancoꞌ. Inapitasoꞌ imamiatapi. “Yosë noꞌtëquën nontërinpoaꞌ,” taꞌtonaꞌ, noya natëapi. Maꞌsha onpoaponaraihuëꞌ, noya ahuantapi. Iráca Yosëri shaꞌhuitërinso chachin ninapi.

Hebreos 6:17

Yosë co onporontaꞌ nonpintërinpoahuëꞌ. Shaꞌhuitërinpoasoꞌ co onporontaꞌ nishatërinhuëꞌ. Napoaton noya nanan shaꞌhuitohuachinpoaꞌ: “Casoꞌ Yosëco niꞌto, noꞌtëquën nontëranquëmaꞌ. Nichaꞌësaranquëmaꞌ,” itërinpoaꞌ.

Hebreos 8:6

Quisocristoso nipirinhuëꞌ, Yosë yaꞌhuërinquë chachin panantarahuaton, nanan anoyatërinpoaꞌ. Cotioroꞌsasoꞌ iráca anoyatërinso imapirinahuëꞌ, Quisocristosoꞌ nasha quëran anoyatërinso shaꞌhuitërinpoaꞌ. “Oshanëmaꞌ inquitatënquëmaꞌ, anoyacancantaranquëmaꞌ,” itërinpoaꞌ niꞌton, inaso noya noya, tënahuë.

Hebreos 9:28

Quisocristontaꞌ aꞌnaroíchin chiminin oshanënpoaꞌ inquitinpoaso marëꞌ. Ina quëran inápaquë panantarin. Nani oshanënpoaꞌ inquitohuachinpoaꞌ, aꞌna tahuëri oꞌmantararin. “¡Ma noyacha Quisocristosoꞌ niꞌton, nichaꞌërinpoa paya!” taꞌtëhuaꞌ, ina ninarëhuaꞌ. Oꞌmantahuachin, imarëhuasopita maquimarinpoa huachi.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

1 Pedro 1:12

Ina quëran Yosëri anitotërin. “Pahuanarin nanicasoꞌ. Aꞌna tahuëri yaꞌhuëpisopita nitotacaiso marëꞌ ca nohuanton, ninoramaꞌ,” itërin Yosëri. Canpita iyaroꞌsaꞌ nitotacamaso marëꞌ ninopi. Iporasoꞌ ina noya nanan chachin aꞌchintërainquëmaꞌ. Inápa quëran oꞌmaton, Ispirito Santo catahuarincoi noya aꞌchinaꞌhuaiso marëꞌ. Anquëniroꞌsa quëran huarëꞌ yanitotopirinahuëꞌ, co yaꞌipiya nitotopihuëꞌ.

1 Pedro 1:4

Yosëꞌpaꞌ nani tapatërinpoaꞌ noya noya yaꞌhuëcontacaso marëꞌ. Inatohuaꞌ co mantaꞌ taꞌhuantarihuahuëꞌ. Co mantaꞌ nitapiarinhuëꞌ. Inaquësoꞌ co yanco pochin ahuirinhuëꞌ. Noya noya nisarin. Canpoa marëꞌ Yosëri acorin. Inari chachin niꞌsarin.

1 Pedro 3:7

Canpitantaꞌ iyaroꞌsaꞌ, saꞌamaꞌ nosoroatomaꞌ noya ichiyaꞌhuëcoꞌ. Co canpita pochin chinipihuëꞌ niꞌton, noya nicatomaꞌ, sanoanan quëran nontocoꞌ. Inapitantaꞌ Quisocristo imapi niꞌton, canpitarëꞌquëma chachin Yosë huëntonënquë yaꞌconpi antaꞌ. Inapitantaꞌ nanpimiatapi. Ina yonquiatomaꞌ, saꞌamaꞌ noya nosorocoꞌ. Inapotohuatamaꞌ, Yosë nontohuatamaꞌ, catahuarinquëmaꞌ.

Judas 1:14

Iráca Inocori chachin inapita ninorin. Atan shiin inasoꞌ. Atan quëran saota shinpita yaꞌhuërin piquëran Inoco yaꞌhuërin. Ninoton, naporin: “Sinioro chachin oꞌmararin huachi. Huaꞌhuayatërahuëꞌ anquëniroꞌsarë chachin oꞌmararin.

Apocalipsis 5:6

Itohuachincora, Quisoso quënanahuë. Huancanachin Yosë huënsërinso yaꞌcariya huaniarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Quisoso chachin niponahuëꞌ, carniroaꞌhua nani tëpapiso pochin yaꞌnorin. Canchisë pomohuan nisahuaton, canchisë yaꞌpirin yaꞌhuëtërin. Chiníquën nanantaton, canchisë ispiritoroꞌsaꞌ aꞌparin yaꞌipiroꞌpaquë nicainpoaso marëꞌ.