Hebreos 1:11 - Chayahuita (Shahui)

¹¹ Aꞌna tahuëri yaꞌipi inapitasoꞌ taꞌhuantarin. Aꞌmorëso mocarinso pochin nisapi. Quëmaso nipirinhuëꞌ yaꞌhuëmiataran.

Hebreos 1:11 ပူးပေါင်းရင်းမြစ်များ

Salmos 90:2

Coꞌhuara isoroꞌpaꞌ, motopiroꞌsaꞌ, inapita yaꞌhuëyátërasohuëꞌ, quëmasoꞌ yaꞌhuëran. Iráca quëran huarëꞌ yaꞌhuëran. Tahuëri nitiquipirinhuë tërantaꞌ, quëmaso yaꞌhuëápon. Quëmasáchin Yosënquën.

Isaías 41:4

Casáchin Yosëco niꞌto, inapita acorahuë. Ca nohuanton nani maꞌsha isoroꞌpaquë onpopi. Ca Sinioroco naporahuë. Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo.

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Isaías 50:9

Sinioro chachin catahuarinco niꞌton, ¡co insonta anaꞌintiincoso shaꞌhuiponhuëꞌ! Aꞌmorësoꞌ, aꞌshini pëꞌyarinso pochin, inimicotërinacosopitasoꞌ, taꞌhuantaponaꞌ,” tënin.

Isaías 65:17

Ina quëran Sinioro taantarin: “Niꞌquëꞌ. Aꞌna tahuëri nasha piꞌiroꞌtë acoarahuë. Isoroꞌpantaꞌ, nasha acoarahuë. Ipora yaꞌhuërinsopitasoꞌ, co huachi insonta yonquiaponhuëꞌ.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Marcos 13:31

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nonahuëso nipirinhuëꞌ, co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Lucas 21:33

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipiya shaꞌhuitëranquëmaso chachin naniarin.

Hebreos 12:27

Aꞌna tahuëri mini yaꞌipi maꞌsha isoroꞌpaquë yaꞌhuërinsopita taꞌhuantarin. Maꞌsha yaꞌhuëmiatërinsoꞌ acohuachinasoꞌ, yaꞌhuëmiatarin.

Hebreos 8:13

Nasha quëran anoyatërinso quëtërinpoa. Inasoꞌ iráca yaꞌhuërinsoꞌ yaꞌhuërëtërin. Napoaton iráca anoyatërinsosoꞌ naniantacasoꞌ yaꞌhuërin. Co huachi ina imacasoꞌ yaꞌhuërinhuëꞌ.

Apocalipsis 1:11

Nontatonco, shaꞌhuitërinco: —Apira nani maꞌsha aꞌnotaranquën, quiricaquë ninshitëquëꞌ. Ina quëran canchisë ninanoroꞌsaquë aꞌpatëquëꞌ imarinacosopita nonchinaꞌ. Ipisoquë, Ismirinaquë, Pircamoquë, Tiatiraquë, Sartisiquë, Piratiripiaquë, Naotisiaquë inaquëpita yaꞌhuëpisopita aꞌpatëquëꞌ nitochinaꞌ, itërinco.

Apocalipsis 2:8

Ina quëran shaꞌhuitaantarinco: —Ansiano Ismirinaquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Iráca quëran huarëꞌ yaꞌhuërahuë. Co onporontaꞌ taꞌhuantarahuëꞌ. Chiminaporahuëꞌ, nanpiantarahuë.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 21:1

Ina quëran huaꞌnarëso pochin niantarahuë. Nasharoꞌpaꞌ, nasha piꞌiroꞌtëꞌ, inapita quënanahuë. Yosë nohuanton, isoroꞌpaꞌ taꞌhuantapon. Piꞌiroꞌtëntaꞌ taꞌhuantapon. Marëntaꞌ co huachi yaꞌhuaponhuëꞌ. Yaꞌipiya nasha nisarin.