Hebreos 1:10 - Chayahuita (Shahui)

¹⁰ Ina quëran itantarin: “Quëma Sinioro iráca isoroꞌpaꞌ acoran. Piꞌiroꞌtëꞌ, tayora, yoqui, inapitantaꞌ acoran.

Hebreos 1:10 ပူးပေါင်းရင်းမြစ်များ

Génesis 1:1

Yosë nani maꞌsha acorinso shaꞌhuichinquëmaꞌ: Iráca co manta yaꞌhuërinhuëꞌ. Yosëíchin yaꞌhuërin. Caniaritapon, piꞌiroꞌtëꞌton acorin. Ina quëran isoroꞌpantaꞌ, acorin.

Salmos 19:1

Piꞌiroꞌtë nëꞌpëhuatëhuara, nani maꞌsha Yosëri acorinsopita niꞌnëhuaꞌ. Inapita yaꞌhuërin niꞌton, Yosë noya noya nininsoꞌ anitotërinpoaꞌ.

Proverbios 8:29

marënta ama yaꞌhuërin quëran chaꞌhuëaton pipicaso marëhuëꞌ camaiasoꞌ, isoroꞌpanta simintonën pochin nininsoꞌ acoasoꞌ,

Isaías 40:12

Siniorosoꞌ chini chiníquën nanantaton, marë pancaiꞌ nipirinhuëꞌ, aꞌna imiraquëáchin aꞌnirin. Piꞌiroꞌtënta cara cuartaíchin pochin aꞌnirin. Yaꞌipi isoroꞌpaquë amocan yaꞌhuërinsontaꞌ, pëꞌtënacaso marëꞌ aꞌnitiinanquë poꞌmorin. Motopiroꞌsaꞌ, motopiaꞌhuaroꞌsaꞌ, inapitanta pëꞌtënanquë pëꞌtënin.

Isaías 42:5

Siniorosoꞌ Yosë niꞌton, piꞌiroꞌtë acorin. Ina acoaton nëꞌmëtë pëi ótënëso pochin nitërin. Isoroꞌpantaꞌ, nani maꞌsha yaꞌhuërinsopitarë chachin acorin. Ina nohuanton piyapiꞌsa inaquë nanpipi. Inari chachin niinta acotërin.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Deuteronomio 4:19

Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.

Hebreos 12:27

Aꞌna tahuëri mini yaꞌipi maꞌsha isoroꞌpaquë yaꞌhuërinsopita taꞌhuantarin. Maꞌsha yaꞌhuëmiatërinsoꞌ acohuachinasoꞌ, yaꞌhuëmiatarin.

Apocalipsis 3:14

—Ina quëran ansiano Naotisiaquë yaꞌhuërinsoꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Noꞌtëquën nonato, noꞌtën nanan aꞌchintëranquëmaꞌ. Co onporontaꞌ nonpintëranquëmahuëꞌ. Yosë nohuanton, yaꞌipi maꞌsha ninahuë. Napoaton, yaꞌipi piyapiꞌsaꞌ natëinacosoꞌ yaꞌhuërin.