Habacuc 3:8 - Chayahuita (Shahui)

⁸ ¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!

Habacuc 3:8 ပူးပေါင်းရင်းမြစ်များ

Salmos 104:3

Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 7:19

Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

Éxodo 7:20

Moisësë, Aaron, inapita Yosëri camairinso chachin yaꞌipi nipi. Copirno, ina catahuapisopita huaꞌanoꞌsaꞌ, inapita niꞌtonënquë Aaronsoꞌ, huaranën ihuëto ihuëtotarin quëran, Niroiꞌ ahuëirin. Naporo chachin yaꞌipi iꞌ huënaiꞌ taranin huachi.

Habacuc 3:15

Chitoroso cahuarionën pochin niꞌton, inaquë marë aipi paꞌnan. Inaquësoꞌ, iꞌsha paꞌpi anpotërin.

Marcos 4:39

Huanintarahuaton, ihuan aꞌparin. Sonontaꞌ camaiton: —¡Sanoquëꞌ! ¡Copi tëquë huachi! itërin. Itohuachina, ihuan copitënin. Aꞌnaroáchin sanoirin.

Apocalipsis 16:12

Ina quëran aꞌna anquënintaꞌ paꞌsahuaton, minëquë yaꞌhuërinsoꞌ panca iꞌquë tëꞌyaitërin, Iyopiratisiiꞌ itopiquë. Inaquë tëꞌyaitohuachina, pancaiꞌ niponahuëꞌ, huinquintomaton, yaniromarin. Copirnoroꞌsaꞌ noya pëntonacaiso marëꞌ yaniromarin. Piꞌi pipirin parti quëran huëꞌsapi quira nicacaiso marëꞌ.

Apocalipsis 19:11

Ina quëran Yosë nohuanton, huaꞌnarëso pochin niantarahuë. Piꞌiroꞌtëꞌ niꞌsoatohuachina, huiri cahuario quënantarahuë. Ina aipi quëmapi huënsëarin. Noꞌtëquën nonaꞌpi itërëhuasoꞌ. Maꞌsona tërantaꞌ shaꞌhuitohuachinpoaꞌ, co onporontaꞌ nonpintarinpoahuëꞌ. Noꞌtëquën huaꞌanëntarin. Quira nicaton, inimicoroꞌsaꞌ minsëarin.

Apocalipsis 19:14

Notohuaroꞌ inápaquë yaꞌhuërinsopitari imasapi, huiríchin aꞌmopisoꞌ. Inapitantaꞌ huiri cahuarioroꞌsaꞌ aipi huënsëatonaꞌ, sontaroꞌsa pochin paꞌsapi.

Apocalipsis 6:2

Itohuachina, cahuario yaꞌnorin, niꞌnahuë, huiríchin nininsoꞌ. Ina aipi quëmapi huënsëarin. Pëꞌchinan quëparin. Piyapiꞌsaꞌ yaminsërin niꞌton, huaꞌan pochin yancotëtaton, paꞌsarin minsëcaso marëꞌ.