Habacuc 3:6 - Chayahuita (Shahui)

⁶ Huëꞌsarin quëran chiniꞌ topachina, isoroꞌpaꞌ nacontërin. Isoroꞌpaꞌ nocohuachina, piyapiroꞌsa ropatopi. Iráca motopiroꞌsa yaꞌhuërinsoꞌ, nohuatapi. Soquirinso pochin nicatonaꞌ, taꞌhuantapi. Yosë pënënatonpoa ira aꞌnotërëso pochin nitërinpoasoso nipirinhuëꞌ, yaꞌhuëmiatarin.

Habacuc 3:6 ပူးပေါင်းရင်းမြစ်များ

Génesis 49:26

Tata mashocoroꞌsa iráca, noya yaꞌhuëcaꞌhuaso marëꞌ shaꞌhuitërinaco. Carinquënsoꞌ, ipora noya noya shaꞌhuitaranquën. Motopiroꞌsa yaꞌhuërárinso taꞌhuantaquë huarëꞌ, Yosë catahuaráponquën. Aꞌnapita iyanpita quëran, noya noya nicatënquën huayonanquën. Napoaton sëꞌhuamotorahuatënquën quëma marëꞌ Yosë nontërahuë,’ itërin.

Salmos 103:17

Napoaponahuëꞌ, Sinioro noya nicatëhua natëhuatëhuasoꞌ, nosoromiatarinpoaꞌ. Noꞌtëquënáchin yonquiaton, shinpoapitanta catahuarápon.

Salmos 104:32

Siniorori nocohuachina, isoroꞌpaꞌ nacontërin. Motopiroꞌsanta carihuachina, conai tomontërin.

Salmos 90:2

Coꞌhuara isoroꞌpaꞌ, motopiroꞌsaꞌ, inapita yaꞌhuëyátërasohuëꞌ, quëmasoꞌ yaꞌhuëran. Iráca quëran huarëꞌ yaꞌhuëran. Tahuëri nitiquipirinhuë tërantaꞌ, quëmaso yaꞌhuëápon. Quëmasáchin Yosënquën.

Éxodo 15:14

Nisha nisha nacionquë yaꞌhuëpisopita, paꞌyanaponaꞌ. Naporanso natantohuachina napoaponaꞌ. Huiristinoꞌsa huaꞌhua iquitopiso pochin, cancantaponaꞌ.

Éxodo 15:15

Itomo capitanoꞌsantaꞌ, paꞌyanënaquë niiri iꞌco iꞌcopitapon. Moapo huaꞌanoꞌsasoꞌ, ropa ropataponaꞌ. Cananoꞌsanta co huachi chiníquën cancantaponahuëꞌ.

Éxodo 15:17

Sinioro quëmasoꞌ noyasáchin ninan. Huaꞌanëntëranquë chachin quëpacoi. Yaꞌhuëmiatamaso marëꞌ motopi nani huayonan. Chinotiinënquënso pëi quëmari chachin ninan, inaquë quëpacoi yaꞌhuëmiachi.

Éxodo 19:18

Pën huáncana Yosë oꞌmarin. Conainta panca orno pochin tomontárin. Panca ocohua paꞌninso pochachin, yaꞌipi motopi nacon nacóntarin.

Miqueas 5:8

Naporoꞌ aꞌnapitanta nisha nisha nacionquë yacapatapirinahuëꞌ, paꞌpiniꞌ pochin nicaponaꞌ. Yaꞌipi maꞌsharoꞌsa quëran paꞌpinisoꞌ, chini chiníquën ninin. Inapochachin inapitanta nicaponaꞌ. Paꞌpiniri ohuicaroꞌsa yaꞌcontaton, tiquirinso pochin co aꞌnaya tëranta nichaꞌëponahuëꞌ.

Habacuc 1:12

Napotohuachincora, carinta itaantapo: “Sinioro quëmaso Yosënquën niꞌton, chinotëranquën. Noyasáchin nicaton yaꞌhuëmiatëran. Quëmari inapita quëran anaꞌintancoiso marëꞌ papironiaroꞌsa huayonan. Quëmasoꞌ paꞌpoyarápirancoihuëꞌ, anaꞌintancoiso marëꞌ inapita achiniran.

Habacuc 3:10

Motopiroꞌsanta nicatënën, piyapi pochin ropatopi. Oꞌnantaꞌ, paꞌpi chiníquën anotërin. Marënta panca coꞌsacaitaton, paꞌpi huëhuëpiro tënëntërin.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Lucas 1:50

Iráca chinotopisopitantaꞌ nosororin. Ipora huantaꞌ ina chinotohuatëhuaꞌ, nosoroarinpoaꞌ.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.

Deuteronomio 32:8

Chini chiníquën nanantërinsoari, iráca piyapiꞌsa niquë niquë acorin. Nisha nisha nacionoꞌsaquë yaꞌhuëcaiso marëꞌ, acorin. Noꞌpaꞌ mapisoꞌ nanirinsoꞌ, acotëraꞌpiarin. Israiroꞌsanpoaso nipirinhuëꞌ, noya noya noꞌpaꞌ acotërinpoaꞌ. Cacopo shinpitanpoasoꞌ, huaꞌanëntiinpoaso marëꞌ huayoninpoaꞌ.

Deuteronomio 33:15

Huaꞌhuayátërahuë nitërinsoꞌ mainaꞌ. Iráca motopiroꞌsaꞌ notohuaroꞌ yaꞌhuërinso pochin shaꞌpisopitantaꞌ, notohuaroꞌ mainaꞌ. Ina mapisopitasoꞌ, yaꞌhuëmiachin. Motopiroꞌsaꞌ, motopiaꞌhuaroꞌsaꞌ, inapita yaꞌhuërárinso pochin niin.

Hebreos 13:8

Quisocristo co onporontaꞌ nishataponhuëꞌ. Iráca nosororinpoaꞌ. Ipora huantaꞌ catahuarinpoaꞌ. Co onporontaꞌ naniantarinpoahuëꞌ. Inasáchin imahuaꞌ.

Jueces 5:5

Quëma notënanquë Sinioro, motopiroꞌsa nacontërin. Sinai motopinta nacontërin. Israiroꞌsacoi Yosë chinotëraiso notënanquë, naporin.