Habacuc 3:10 - Chayahuita (Shahui)

¹⁰ Motopiroꞌsanta nicatënën, piyapi pochin ropatopi. Oꞌnantaꞌ, paꞌpi chiníquën anotërin. Marënta panca coꞌsacaitaton, paꞌpi huëhuëpiro tënëntërin.

Habacuc 3:10 ပူးပေါင်းရင်းမြစ်များ

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Salmos 104:32

Siniorori nocohuachina, isoroꞌpaꞌ nacontërin. Motopiroꞌsanta carihuachina, conai tomontërin.

Salmos 148:7

Isoroꞌpaquë yaꞌhuëramasopitantaꞌ, Sinioro chinotocoꞌ. Yaꞌipi marë anpotërinsopita, inaquë panca maꞌsharoꞌsa yaꞌhuërinsoꞌ,

Salmos 65:13

Canonamatëroꞌsaquë pëꞌtahua huëntonoꞌsa naꞌarin. Motopianaroꞌsantaꞌ, tricororoꞌsari imotërin. Capa cancantatona noncaropiso pochin nipi. Yaꞌipi inapita cantapiso pochin nipi.

Salmos 66:6

Marë pancaiꞌ nipirinhuëꞌ, ayanirin. Iinta ayanipachina, noꞌpaꞌ paꞌtatonaꞌ, shimashonënpoapita pëntonpi. Inaquëpita Yosë yonquiatona capa cancantopi.

Salmos 93:3

Quëmasoꞌ Sinioronquën. Iroꞌsasoꞌ, panca coꞌsacaitatona tënëntopi.

Isaías 43:20

Tanan maꞌsharoꞌsa noya niꞌsarinaco. Asaniroꞌsaꞌ, apistroroꞌsaꞌ, inapitanta noya niꞌsarinaco. Co manta maꞌsha noyatërinquëhuëꞌ, iroꞌsa acoarahuë. Piyapinëhuëpita huayonahuëso oꞌocaiso marëꞌ inapoarahuë niꞌton, noya niꞌsarinaco.

Isaías 55:12

Canpitaso quëparinëma quëran, noya cancantatoma huënantaramaꞌ. Yaꞌhuëramaso noꞌpaquë chachin sano cancan quëran huënantaramaꞌ. Motopiroꞌsaꞌ, motopiaꞌhuaroꞌsaꞌ, inapitanta piyapi pochin capa cancantatona cantaponaꞌ. Yaꞌipi nararoꞌsanta piyapi pochin pincaroponaꞌ.

Miqueas 1:4

Huëcasoꞌ, motopiroꞌsa soquiapon. Paꞌnan pëni apoirinso pochin nitapon. Pama paquiitahuaton casharinso pochin motopianaroꞌsa nochataponaꞌ.

Habacuc 3:6

Huëꞌsarin quëran chiniꞌ topachina, isoroꞌpaꞌ nacontërin. Isoroꞌpaꞌ nocohuachina, piyapiroꞌsa ropatopi. Iráca motopiroꞌsa yaꞌhuërinsoꞌ, nohuatapi. Soquirinso pochin nicatonaꞌ, taꞌhuantapi. Yosë pënënatonpoa ira aꞌnotërëso pochin nitërinpoasoso nipirinhuëꞌ, yaꞌhuëmiatarin.

Mateo 27:51

Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin. Naporahuaton, panca ocohua paꞌnin. Naꞌpiroꞌsaꞌ inaora nopaatërin.

Mateo 8:24

Paaquëyaꞌ, aꞌnanaya panca ihuani manin. Panca sonoꞌ niꞌton, coꞌsacairi poti opoto opototahuaton, yamëntaitapirinhuëꞌ. Yaꞌhuërë Quisososoꞌ huëꞌë́rarin.

Hebreos 11:29

Ina quëran yaꞌipi israiroꞌsaꞌ Yosë natëtonaꞌ, noya pipipi. “Yosë catahuarinpoaꞌ,” taꞌtonaꞌ, Quëhuai marë aquëtëran paꞌpi. Pancaiꞌ niponahuëꞌ, Yosë nohuanton, aꞌnaroáchin nipatomairin niꞌton, panca ira pochin yaniro yaꞌnorin. Ina paꞌtatona pëntonpi. Iquipito sontaroꞌsaso nipirinhuëꞌ co nanitopihuëꞌ pëntonacaisoꞌ. Imatapirinahuëꞌ, iiri imotërin niꞌton, chimiitopi.

Josué 4:18

Corto huaꞌanoꞌsa pipihuachinara, naquëranchin Cortaniisoꞌ, inachachin niantarin. Coꞌhuara yaniyátëraponhuëꞌ paquiitërinso pochachin niantarin.

Apocalipsis 16:12

Ina quëran aꞌna anquënintaꞌ paꞌsahuaton, minëquë yaꞌhuërinsoꞌ panca iꞌquë tëꞌyaitërin, Iyopiratisiiꞌ itopiquë. Inaquë tëꞌyaitohuachina, pancaiꞌ niponahuëꞌ, huinquintomaton, yaniromarin. Copirnoroꞌsaꞌ noya pëntonacaiso marëꞌ yaniromarin. Piꞌi pipirin parti quëran huëꞌsapi quira nicacaiso marëꞌ.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.

Apocalipsis 6:14

Piꞌiroꞌtëntaꞌ capa nisarin. Quirica soꞌnanëso pochin co huachi yaꞌnoarinhuëꞌ. Naporahuaton, motopiroꞌsaꞌ, soꞌtonoꞌsaꞌ, inapitantaꞌ nacon nacontatonaꞌ, itopa itopa nichiꞌhuincapi.