Habacuc 2:6 - Chayahuita (Shahui)

⁶ Ina quëran Siniorosoꞌ papironiaroꞌsa yonquiaton naporin: “Piyapiꞌsa minsërápiramahuëꞌ, ca nohuanton inapitaso nocanatënënquëmaꞌ, iso pochin cantarapiaponënquëmaꞌ: ‘Canpitaso papironiaroꞌsanquëmaꞌ, aꞌnapita maꞌshanëna matatomaꞌ, maꞌhuanamaꞌ. Coriqui aꞌnanpachinëmantaꞌ, naꞌcon naꞌcon maꞌpataantatoma maꞌhuanpiramahuëꞌ, ¡co ina pochin nisápamaso yaꞌhuërinhuëꞌ! Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!’

Habacuc 2:6 ပူးပေါင်းရင်းမြစ်များ

Isaías 44:20

Napoatonaꞌ, inapitaso huariano caꞌpiso pochin nisapi. Nonpi nanan imatona napopi. Inapitasoꞌ co onporonta chaꞌësapihuëꞌ. Co nanitapihuëꞌ: “Iso mamanshisoꞌ, topinan quëran mosharahuë,” taꞌcaisoꞌ.

Isaías 5:8

(-)

Isaías 55:2

Noya natanpatamaco, noya coshatërëso pochin acoaranquëmaꞌ. Cosharomia co achinimiatërinquëmahuëꞌ. ¡Co topinan quëran pahuërëtatë maꞌpatacaso yaꞌhuërinhuëꞌ!

Miqueas 2:4

Ina tahuëri nanihuachin, sëtatona oshaapiso pochin tëhuacaiso marëꞌ cantarapiaponënquëmaꞌ: ‘Noyá ataꞌhuantërinënpoachi paya. Sinioro piyapinënpitanpoa nipirëhuahuëꞌ, iporasoꞌ aꞌnapita huaꞌanëntërinënpoaꞌ. Inapotiinënpoaso marëꞌ co incari tëranta yaꞌcopirinhuëꞌ. Noꞌpanënpoapitantaꞌ, canarinënpoasopitari nipatomatatonaꞌ, huaꞌanëntopi huachi,’ itaponëmaꞌ,” tënin Sinioro.

Habacuc 1:15

Papironiaroꞌsasoꞌ, sami camayoroꞌsa pochin nipi. Yoꞌnanaquë sami ohuarapiso pochin, ritiquënta amotahuatonaꞌ, yaꞌipi mapiso pochin, co oshatapihuëꞌ nisha nisha piyapiꞌsa minsëcaisoꞌ. Inapohuachinara capa cancantopi.

Habacuc 2:12

Canpitaso ninanonëma tapamaso marëꞌ piyapiꞌsa ihuaramaꞌ, notohuaroꞌ tëparamaꞌ, naporamaꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Habacuc 2:13

Natanco shaꞌhuichinquëmaꞌ: Caso Sinioroco yaꞌipi nanitaparahuë. Ca nohuanton sacatatoma canotëramasoꞌ, topinan quëran nisarin. Pëni yaꞌipi ahuiquitapon.

Números 23:18

Itohuachina, Paramosoꞌ Yosëri anitotërinsoꞌ, shaꞌhuiaantarin: “Paraco, quëmasoꞌ Sipor huiꞌninquën. Noya natanquë shaꞌhuichinquën:

Números 23:7

Naporoꞌ Paramosoꞌ, Yosëri anitotërinso shaꞌhuirin: “Moapo copirno Paraco itopisoꞌ, piꞌi pipirinso parti quëran amatërinco niꞌton, huëꞌnahuë. Aran motopiroꞌsa parti yaꞌhuëpirahuëꞌ: ‘Huëcaton israiroꞌsa ama huachi noya yaꞌhuëcaiso marëhuëꞌ shaꞌhuitiiquëꞌ. Cacopo shinpita co noyahuëꞌ yonquirapiton napotëquëꞌ,’ tënin, itërinaco.

Lucas 12:20

Napopirinhuëꞌ, Yosëri itërin: ‘Quëmasoꞌ co mantaꞌ yonquiranhuëꞌ. Ipora tashi chachin ca nohuanto, chiminaran. Nani maꞌsha canapiranhuëꞌ, yaꞌipiya pataran niꞌton, aꞌnapitari mapon,’ itërin.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.