Habacuc 2:4 - Chayahuita (Shahui)

⁴ Iso nanan inaquë ninshitëquëꞌ: ‘Papironiaroꞌsasoꞌ paꞌpi nocantopi. Canpitaso nipirinhuëꞌ sano piyapinquëma niꞌtomaꞌ: “Caora co nanitërahuëꞌ. Sinioroíchin catahuarinco chaꞌëcaꞌhuasoꞌ,” tënamaso marëꞌ nichaꞌësaranquëma nanpiaramaꞌ,’ tëquë ninshitaton.

Habacuc 2:4 ပူးပေါင်းရင်းမြစ်များ

Ezequiel 18:9

Pënëntërahuëso chachin nisarin. Yaꞌipi camaitërahuësopita noꞌtëquënáchin natërin. Naporin. Naponaꞌpisoꞌ, noya quëmapi. Naporinso marëꞌ inaso nanpipon. Ca Sinioroco shaꞌhuitaranquëmaꞌ.

Daniel 4:37

Iporaso ca Napocotonoco, Yosë inápaquë huaꞌanëntërinso chinotërahuë. Inasáchin noya nicato natërahuë. Inasoꞌ maꞌsha nipachina, noꞌtëquënáchin nisahuaton, noyasáchin ninin. “Caso noya noyaco,” topachina, inari nanitërin atapanacasoꞌ, tënahuë.

Lucas 18:14

Ina oshanën inquitaton, Yosëri noya niꞌnin. Parisioso nipirinhuëꞌ, co noyahuëꞌ niꞌnin. Aꞌnapita nocanpatamaꞌ, aꞌna tahuëri Yosë atapanarinquëmaꞌ. Nipirinhuëꞌ: ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, noya acoarinquëmaꞌ,” tënin Quisoso.

Juan 3:36

Huiꞌnin natëpisopitasoꞌ, Yosë nohuitatonaꞌ nanpimiatapi. Co natëpisopitasohuëꞌ, co ina pochin nanpimiatapihuëꞌ. Nani Yosëri yonquirin anaꞌintacaso marëꞌ. Aꞌna tahuëri anaꞌintomiatarin, parisitopiquë aꞌpararin huachi.

Romanos 1:17

“Yosëíchin anoyacancantërinpoaꞌ,” topatëhuaꞌ, Yosë noya niꞌsarinpoaꞌ. Oshanënpoaꞌ inquitatonpoaꞌ, co huachi inapita yonquiarinhuëꞌ. Quiricanën quëran ina anitotërinpoaꞌ. “Cancanënpoa quëran huarëꞌ Yosë natëhuatëhuaꞌ, noya niꞌsarinpoaꞌ niꞌton, noya nanpimiatarihuaꞌ,” tënin Yosë quiricanënquë. Co canpoara nanitërëhuahuëꞌ noya cancantacasoꞌ.

Gálatas 2:16

Napopirëhuahuëꞌ, Moisësë pënëntërinsoꞌ natëhuatëhuaꞌ, co ina marëꞌ Yosë noya niꞌsarinpoahuëꞌ. Quisocristoíchin imapatëhuaꞌ, noya niꞌsarinpoaꞌ. Napoaton canpoantaꞌ Quisocristo natërëhuaꞌ oshanënpoaꞌ inquitinpoaso marëꞌ. Co inso tërantaꞌ pënëntërinsoꞌ natërinso marëꞌ Yosëꞌpaꞌ paꞌsarinhuëꞌ. Quisocristoráchin nichaꞌërinpoaꞌ.

2 Tesalonicenses 2:4

Inasoꞌ Yosë inimicotërin. “Ama Yosë chinotocosohuëꞌ. Ama mantaꞌ moshacosohuëꞌ. Casáchin natëco. Yosë yaꞌhuërëtarahuë,” tosarin. Yosë chinotopiso pëiquë chachin huënsëapon piyapiꞌsari chinotacaiso marëꞌ. Paꞌpi co noyahuëꞌ nisarin. Chiníquën nanantaton, yaꞌipi piyapiꞌsaꞌ yacamaiapon.

Hebreos 10:38

Cancanëma quëran huarëꞌ natëhuatamaco, noya niꞌsaranquëmaꞌ niꞌton, noya nanpimiataramaꞌ. Nipirinhuëꞌ aꞌpohuatamaco, paꞌpi co noyahuëꞌ niꞌsaranquëmaꞌ,” tënin.

1 Pedro 5:5

Huiꞌnapiꞌsanquëmantaꞌ ansianoꞌsaꞌ natëcoꞌ. Yaꞌipinquëmaꞌ noya yonquiatomaꞌ, nicatahuacoꞌ. Quiricanën quëran itërinpoaꞌ: “Caora noya nisarahuë, taꞌtomaꞌ, nocantohuatamaꞌ, Yosë co noya niꞌsarinquëmahuëꞌ. Nipirinhuëꞌ, ‘Caora co nanitërahuëꞌ noya nicaꞌhuasoꞌ. Catahuaco,’ topatamaꞌ, inaora nohuanton, Yosë nóya catahuarinquëmaꞌ,” tënin.