Habacuc 2:3 - Chayahuita (Shahui)

³ Shaꞌhuitaranquënsopitasoꞌ, co apiramiachin naniarinhuëꞌ. Napoaponahuë onpopionta nanipon. Huaꞌquiarin pochin nipirinhuëntaꞌ, ninaquëꞌ. Tahuërinën nanihuachin, nanipon.

Habacuc 2:3 ပူးပေါင်းရင်းမြစ်များ

2 Reyes 6:33

Itaso chachin comisionꞌton, canquirin. Ina piquëran copirno chachinta canquirahuaton Irisio itapon: —Sinioro nohuanton poꞌsarëhua niꞌquëhuarëꞌ, co huachi catahuainpoaso ninacaso yaꞌhuërinhuëꞌ, itiirin.

Salmos 27:14

Napoaton chiníquën cancantato: “¡Siniorosoꞌ onpopionta catahuararinco! Chiníquën cancantato inasáchin ninarahuë. ¡Tëhuënchachin Sinioro catahuarinco!” tënahuë.

Isaías 30:18

Inapotiimaso shaꞌhuitopirinquëmahuëꞌ, iporaso nosoroinquëmaso marëꞌ ninarinquëmaꞌ. Inasoꞌ, nosororinquëmasoꞌ paꞌpi yaaꞌnotërinquëmaꞌ. Siniorosoꞌ noyasáchin ninaꞌpi. Inaso Yosë niꞌton, inasáchin ninahuatëhuaꞌ, tëhuënchachin capa cancantarihuaꞌ.

Isaías 7:4

Quënaontarahuaton shaꞌhuitëquëꞌ: “Niyátainpichin yaꞌhuëquëꞌ. Napoaponahuëꞌ, ama paꞌyanquësohuëꞌ. Cato copirnoroꞌsa paꞌpi noꞌhuitënquën huëcapaiarinquënso yonquiaton, ama tëꞌhuatëquësohuëꞌ. Inahuasoꞌ, cato pënamocha yatacopirinso pochin tomontapi. Nisin siriaroꞌsarë chachin huëꞌsarin. Nimariasë huiꞌnionta israiroꞌsarë chachin huëcapaiarinënquën. Inapitasoꞌ nani anoyatopi nicatahuatonaꞌ, maꞌsha onpotiinënquënso marëꞌ. Inapoatonaꞌ:

Isaías 8:17

Cacopo quëran pipipisopita, Siniorori co huachi yacatahuarinhuëꞌ. Cariso napoaporahuëꞌ, inasáchin ninarahuë: ‘Catahuarinco mini,’ tënahuë.

Daniel 9:24

Quirosarin ninanoꞌ, israiroꞌsaꞌ, inapita Yosëri anaꞌintërinsoꞌ, canchisë shonca simana pahuanarin nanicasoꞌ. Ina nápo simana nanihuachin, nichaꞌësarinquëmaꞌ. Co noyahuëꞌ nicatoma Yosë tëhuëtëramaꞌ, co natantochináchinhuëꞌ cancantatoma oshahuanamaꞌ. Inapopiramahuëꞌ, nichaꞌësarinquëmaꞌ. Ina piquëranso huachi noyasáchin nicatoma yaꞌhuapomaꞌ. Naporo huachi huaꞌnaton niꞌnansopita naniarin. Pënëntonaꞌpiroꞌsanta Yosë nohuanton anitotërinëmasoꞌ, nanipon. Naporo huachi Noya Noya nininsoꞌ, Yosë marëꞌ acoaponaꞌ.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Hechos 1:7

—Tata Yosëíchin chini chiníquën nanantërin. Inaora nohuanton, maꞌsha acorin. Ma tahuërisoꞌ acoamara. Onporosona napoarinsoꞌ, co Yosë nohuantërinhuëꞌ canpita nitotacamasoꞌ.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.

Gálatas 4:2

Huiꞌnapitaquë huarëꞌ aꞌnapitari aꞌpairin. Huaꞌhuasha niꞌton, natëcasoꞌ yaꞌhuërin. Ina quëran huiꞌnapitohuachina, yaꞌipi huaꞌanëntarin. Paꞌpin shaꞌhuirinso tahuëri chachin nanihuachin, huaꞌanëntarin.

2 Pedro 2:3

Nisha aꞌchinaꞌpiroꞌsasoꞌ co nosororinënquëmahuëꞌ. Canacaiso marëꞌ nonpin nananoꞌsaꞌ aꞌchintarinënquëmaꞌ. Inaso nipirinhuëꞌ, iráca quëra huarëꞌ Yosëri yonquirin anaꞌintacasoꞌ. Aꞌna tahuëri noꞌtëquën anaꞌintarin. Co naniantarinhuëꞌ anaꞌintacasoꞌ.

2 Pedro 3:9

Aꞌnaquën napopi: “Yosë huaꞌquiarin. Naniantërinpoaꞌ,” topirinahuëꞌ, co huaꞌquirinhuëꞌ. Co topinan quëran shaꞌhuitërinpoahuëꞌ. Nosoroatonpoaꞌ, ninarárin. Co nohuantërinhuëꞌ aꞌna piyapi tërantaꞌ parisitopiquë pacacasoꞌ. Naꞌcon naꞌcon piyapiꞌsaꞌ co noyahuëꞌ yonquipisopita naniantacaiso marëꞌ ninarárin.