Habacuc 2:15 - Chayahuita (Shahui)

¹⁵ Canpitaso canatëramaso noꞌparoꞌsaquë, piyapiroꞌsa noniatë pochin huino naꞌcon naꞌcon oꞌshitatomaꞌ, tëpaitëramaꞌ. Inapotahuatoma taparonëna nitëramaꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Habacuc 2:15 ပူးပေါင်းရင်းမြစ်များ

Génesis 9:22

Camosoꞌ, inaquë yaꞌconahuaton niꞌpirinhuëꞌ, paꞌpin noꞌpiton huëꞌësárin quënanconin. Quënanahuaton iinpita shaꞌhuitapon paꞌnin: “Tata noꞌpiton iꞌnanpirashitë quëhuëánin niꞌconahuë,” itërin. (Nani shaꞌhuirahuëso chachin Camosoꞌ, Canaan paꞌpin.)

2 Samuel 11:13

Naporo tahuëri copirnori aꞌcarin, oꞌshitërin, napotërin. Naporahuaton naꞌcon naꞌcon oꞌshitaton anoꞌpirin. Nani tashi nipachina, Oriasësoꞌ copirno pëinën quëran pipirin. Pipirahuaton, aꞌpaito sontaroꞌsa pëiquë chinotaantarin. Co pëinënquë paantarinhuëꞌ.

Éxodo 32:25

Moisësëri niꞌpirinhuëꞌ, israiroꞌsaso noꞌpitonaꞌ, aꞌnaratipita paꞌpi co noyahuëꞌ nisapi. Aaroni atëhuërin niꞌton, inimiconënpitari tëhuayatochináchin nisapi.

Isaías 28:7

Samariaroꞌsa huino oꞌotona pisan pisan toconpi. Máin paꞌyatatonaꞌ, inpan inpan toconpi. Inapita pochachin corto huaꞌanoꞌsaꞌ, pënëntonaꞌpiroꞌsaꞌ, inapitanta ina pochin oꞌotona noꞌpirápi. Huino oꞌosápatona naponin yonquipi. Inapitasoꞌ huaꞌnarëso pochin quënantacaiso nipirinhuëꞌ, maꞌsona nicacasoꞌ shaꞌhuicaiso nipirinhuëꞌ, noꞌpirahuëroꞌsa niꞌton, co Siniorori anitotërinhuëꞌ.

Isaías 28:8

Oꞌopiquë, imopisoꞌ saianahuanin. Co insëquë tëranta imopiso pahuaninhuëꞌ.

Habacuc 2:14

Inapotohuatënquëmaꞌ, Iꞌshari marë mëntatërinso pochin yaꞌipi isoroꞌpaquë yaꞌhuëpisopita chini chiníquën nanantërahuëso nitotapi.

Habacuc 2:16

Naporamaso marëꞌ co huachi piyapiꞌsa noya nicainëmasoꞌ yaꞌhuëaponhuëꞌ. Aꞌnapita niꞌtonënquë canpitanta taparo nisaramaꞌ. Sinioro chachin canpitanta noniatë pochin nitohuachinquëmaꞌ, co marcahuanhuëꞌ ninamasoꞌ, aꞌnapita aꞌnotarin: ‘Quiyasoꞌ chini chiníquën nanantërai,’ topiramahuëꞌ, paꞌpi taparo nitarinquëmaꞌ.

Apocalipsis 17:2

Yaꞌipi copirnoroꞌsaꞌ ina natëtonaꞌ, co noyahuëꞌ nisapi. Monshihuaninso pochin cancantatonaꞌ, Yosë naniantapi. Piyapinënpitantaꞌ ina imatonaꞌ, co noyahuëꞌ nicacaisoáchin yonquiapi,” itërinco.

Apocalipsis 17:6

Tëhuënchachin ina sanapi paꞌpi co noyahuëꞌ cancantërin. Quisoso imapisopita co quëꞌyarinhuëꞌ. “Quisoso imarai,” topachinara, atëpatërin. Notohuaroꞌ atëpatahuaton, noꞌpirinso pochin paꞌyatërin. Ina nicato, panca paꞌyanahuë. Ina quëran anquëni itërinco:

Apocalipsis 18:3

Papironiaroꞌsari notohuaroꞌ piyapiꞌsaꞌ anishacancantopi. Ina pochin cancantatonaꞌ, copirnoroꞌsaꞌ, piyapinënpita, inapita co noyahuëꞌ nisapi. Monshihuaninso pochin nicatonaꞌ, Yosë naniantopi. Maꞌhuanoꞌsantaꞌ inaquë paꞌanatonaꞌ, nani maꞌsha canapirinahuëꞌ,” tënin anquëni.