Habacuc 2:10 - Chayahuita (Shahui)

¹⁰ Aꞌnapita nacionoꞌsa ataꞌhuantatomaꞌ, canpitaora chachin Yosë ataꞌhuantatënquëma atapanainquëmasoꞌ, yonitë pochin ninamaꞌ.

Habacuc 2:10 ပူးပေါင်းရင်းမြစ်များ

Proverbios 1:18

Inapochachin tëpatoroꞌsasoꞌ, inahuara chachin pison acopiquë yaꞌconpiso pochin nicatonaꞌ, maꞌsha onpotochinaichin nisapi.

Proverbios 20:2

Copirno noꞌhuitohuachinasoꞌ, paꞌpiniꞌ përarinso pochin ninin. Insoariso anoꞌhuitohuachin, chimirin yonitë pochin nisarin.

Proverbios 8:36

Aꞌpohuachinacoso napoaponahuëꞌ, huëhuëpiro nisapi. Insosona co quëꞌyahuachincohuëꞌ, inaora chachin chimirin yonisarin,” tënin yonqui pënëntaton.

Isaías 33:11

Canpitaso maꞌsha nicacaso yonquipiramahuëꞌ, yonquiramasopitasoꞌ, shinpitë yanimë pochin niꞌton, co manta chiniarinhuëꞌ. Pihuitë pochin nitatënquëmaꞌ, anaꞌintaranquëmaꞌ. Pëni ataꞌhuantërinso pochin nitarinquëmaꞌ.

Jeremías 26:19

Miquiasëso napopirinhuëꞌ, yaꞌipi Cota huënton israiroꞌsaꞌ, Isiquiasë copirno, inapitariso co tëpapihuëꞌ. Copirno quëran huarëꞌ Sinioro tëꞌhuataton nosorocaiso marëꞌ nontërin. Napohuachina ataꞌhuantacaso shaꞌhuitaponahuëꞌ, co huachi inapotërinhuëꞌ. Irimiasë tëpahuatëhuasoꞌ, ¡naꞌcon naꞌcon naꞌinarihuaꞌ!” itopi.

Jeremías 36:31

Quëmá quëran pipipisopita, catahuarinënquënsopita huaꞌanoꞌsaꞌ, yaꞌipinquëma oshanëma marëꞌ anaꞌintaponquëmaꞌ. Ca nohuanton Quirosarinquë yaꞌhuëpisopita, Cota huëntonquë yaꞌhuëpisopita, inapita huëhuëpiro shaꞌhuitërahuësoꞌ, nanipon. Nani shaꞌhuitopiranquëmahuëꞌ, co natëramacohuë niꞌton, napoarin,’ tënin, itëquëꞌ,” itërinco.

Habacuc 2:16

Naporamaso marëꞌ co huachi piyapiꞌsa noya nicainëmasoꞌ yaꞌhuëaponhuëꞌ. Aꞌnapita niꞌtonënquë canpitanta taparo nisaramaꞌ. Sinioro chachin canpitanta noniatë pochin nitohuachinquëmaꞌ, co marcahuanhuëꞌ ninamasoꞌ, aꞌnapita aꞌnotarin: ‘Quiyasoꞌ chini chiníquën nanantërai,’ topiramahuëꞌ, paꞌpi taparo nitarinquëmaꞌ.

Mateo 27:25

—Tëhuënchachin quiya yonquirai tëpacaꞌhuaisoꞌ. Yosë yaanaꞌintohuachincoi, huiꞌnahuëipitarëꞌcoi chachin anaꞌinchincoi, topi.