Habacuc 1:15 - Chayahuita (Shahui)

¹⁵ Papironiaroꞌsasoꞌ, sami camayoroꞌsa pochin nipi. Yoꞌnanaquë sami ohuarapiso pochin, ritiquënta amotahuatonaꞌ, yaꞌipi mapiso pochin, co oshatapihuëꞌ nisha nisha piyapiꞌsa minsëcaisoꞌ. Inapohuachinara capa cancantopi.

Habacuc 1:15 ပူးပေါင်းရင်းမြစ်များ

Amós 4:2

Siniorosoꞌ Yosë niꞌton, shaꞌhuitatënquëma naporin: “Co huaꞌquiya quëranhuë canpitasoꞌ, arponoꞌsaquë aꞌtëntatë pochin nitatënënquëmaꞌ, inimiconëmapita quëpaponënquëmaꞌ. Huaꞌhuamapitantaꞌ, yoꞌnanaroꞌsaquë sami pochin aꞌtëntahuatonaꞌ, quëpaponaꞌ. Ninano pairanën pacoantopi quëran inimiconëma apanshinahuatënënquëmaꞌ, ocoiarinënquëmaꞌ. Irmon motopi parti inapo quëpataponënquëmaꞌ. Caso Sinioroco noyasáchin nicato inapotiinëmasoꞌ, noꞌtëquën shaꞌhuitaranquëmaꞌ,” tënin.

Habacuc 1:14

Samiroꞌsasoꞌ co naꞌcon paꞌtërinhuëꞌ. ¡Piyapicoisoꞌ co inapita pochin nitancoiso yaꞌhuërinhuëꞌ! Maꞌsharoꞌsanta co huaꞌanëhuanatonaraihuëꞌ, nosoro paꞌtopi. ¡Co inapita pochin quiyasoꞌ nitancoiso yaꞌhuërinhuëꞌ!

Habacuc 2:5

Huino camayoroꞌsasoꞌ, poꞌoana quëran maꞌsha nionpotatona niaparisitápi. ‘Quiyasoꞌ noya noyacoi,’ tëcatonaꞌ, co sano cancantopihuëꞌ. Chiníquën nanantacaisoráchin cancantatonaꞌ, onponta nacionoꞌsa minsëcaiso marëꞌ yapaꞌpi. Poꞌorosoꞌ, onponta chimipiroꞌsa miꞌtatë pochin nitërin. Inapochachin inapitantaꞌ, onponta piyapiꞌsa minsëcaisoꞌ nohuantoonpi,” itërinco.

Mateo 13:19

Tricoraya paꞌsarayarëso pochin Yosë nanamën yaꞌipi parti aꞌchintërëꞌ. ‘Yosë yahuaꞌanëntarinquëmaꞌ,’ topachina, aꞌnaquën piyapiꞌsaꞌ ira pochin nipi. Nanamën natanpirinahuëꞌ, co yonquipihuëꞌ. Inairaroꞌsari huëcapairahuatonaꞌ, pëꞌyaquipiso pochin aꞌnaroáchin sopai huëꞌnin. Huëꞌsahuaton, Yosë nanamën natanpisoꞌ osërëtiirin. Ananiantërin huachi.

Mateo 17:27

ama noꞌhuitacaiso marëhuëꞌ carintaꞌ quëchi. Sonoꞌ yonsanquë paꞌsahuaton, yoꞌnatëquëꞌ. Yaꞌnan ohuararansoꞌ sami nanamënquë niꞌquëꞌ. Inaquë coriqui quënanaran. Masahuaton, quëtonquëꞌ. Catoënpo marëꞌ naniarin, itërin. Pitro paꞌsahuaton, Quisoso ninorinso chachin quënanconin huachi.

Apocalipsis 11:10

Tëpapi niꞌton, capa cancantatonaꞌ, pita nisapi. Maꞌshanënantaꞌ topinan aꞌnaya aꞌnaya niquëtapi. “Huaꞌquiꞌ pënënatonpoaꞌ, apininpoaꞌ nipirinhuëꞌ, iporasoꞌ nani chiminpi,” taꞌtonaꞌ, capa cancantapi.