Habacuc 1:13 - Chayahuita (Shahui)

¹³ Quëmasoꞌ noyasáchin nicaton, co piꞌpian tëranta co noyahuëꞌ nipisoꞌ noya niꞌnanhuëꞌ. Paꞌpi co noyahuëꞌ nipisoꞌ co onporonta costaranhuëꞌ. ¡Tëpatoroꞌsasoꞌ, anaꞌintamaso yaꞌhuërin! Co noyahuëꞌ nipisopitari noyamiachin nisapisopita ataꞌhuantahuachinaꞌ, ¡co topinan niꞌsápamaso yaꞌhuërinhuëꞌ!

Habacuc 1:13 ပူးပေါင်းရင်းမြစ်များ

Salmos 73:3

Co noyahuëꞌ nipisopita noyaparahuë. Inapitaso nocanatonpoa co noyahuëꞌ nipirinahuëꞌ, noya noya yaꞌhuërapi. Ina yonquiato co noyahuëꞌ yonquipirahuëꞌ.

Isaías 33:1

Aꞌnaquëmasoꞌ, piyapiꞌsa ahuëatoma ataꞌhuantëramaꞌ. Aꞌnaquëmantaꞌ, nonpintatoma maꞌsha onpotëramaꞌ. Aꞌnapita inapotopiramahuëꞌ, co canpitaso inapotërinënquëmahuëꞌ. Ataꞌhuantërama piquëran, canpitanta ataꞌhuantaponënquëmaꞌ. Nonpintatoma piyapiꞌsa maꞌsha onpotërama piquëran, canpitanta inapotaponënquëmaꞌ.

Isaías 64:12

Inaporai niꞌton, ¡onpopionta catahuaantacoi! Coꞌsoꞌ inapoaton catahuaantahuatancoihuëꞌ, atapamiatarancoi huachi. Napoaton, ¡onpopionta catahuaantaponcoi! tënai.

Habacuc 1:14

Samiroꞌsasoꞌ co naꞌcon paꞌtërinhuëꞌ. ¡Piyapicoisoꞌ co inapita pochin nitancoiso yaꞌhuërinhuëꞌ! Maꞌsharoꞌsanta co huaꞌanëhuanatonaraihuëꞌ, nosoro paꞌtopi. ¡Co inapita pochin quiyasoꞌ nitancoiso yaꞌhuërinhuëꞌ!

Hechos 2:23

Napoaponahuëꞌ, canpitari atëpatëramaꞌ. Masahuatomaꞌ, nisha piyapiꞌsaꞌ quëtonamaꞌ corosëquë tëpacaiso marëꞌ. Co Yosë natëpihuëꞌ niꞌton, tëpapi. Iráca chachin Yosëri yonquirin huiꞌnin chiminacasoꞌ. Ina nohuanton, oshanënpoa marëꞌ chiminin. Co nohuantërinhuëꞌ naporini, co macacamasoꞌ nanichitomahuëꞌ. Canpitari atëpatopiramahuëꞌ,