Génesis 9:5 - Chayahuita (Shahui)

⁵ Canpita capinisoꞌ, co nitëpamaso yaꞌhuërinhuëꞌ. Tëpatohuatamaꞌ, anaꞌintaꞌhuanquëmaso yaꞌhuërin. Maꞌsharoꞌsarinta piyapi tëpahuachin, anaꞌintarahuë. Tëpatohuatamaꞌ, aꞌnaya aꞌnayanquëma tëhuënchachin anaꞌintaranquëmaꞌ.

Génesis 9:5 ပူးပေါင်းရင်းမြစ်များ

Génesis 42:22

Napohuachinara, Nopinori itapon: —Coꞌta carimaꞌ: ¡Ama napotocosohuëꞌ! itopiranquëmahuëꞌ, co natëramacohuëꞌ. Napoaton iporasoꞌ canpoantaꞌ, tëpatonaꞌpi iꞌhuërëtopiso pochin nitarinënpoaꞌ, itërin.

1 Reyes 2:6

Napoaton yonquínahuan maꞌsha niquëꞌ. Inaporinso marëꞌ ama noya chiminchinsohuëꞌ.

Éxodo 20:13

Ama piyapi tëpacosohuëꞌ.

Levítico 19:16

Ama nanan paꞌyatocosohuëꞌ. Aꞌna piyapi yatëparahuachinaꞌ, ama catahuatëquësohuëꞌ. Ca Sinioroco napotaranquëmaꞌ.

Mateo 23:35

Iráca quëran huarëꞌ noya quëmapiꞌsaꞌ pënëntopirinahuëꞌ, naꞌa tëpapi. Apiriꞌton noya quëmapi nipirinhuëꞌ, iini tëparin. Ina piquëran aꞌnaya aꞌnaya noya pënëntopirinahuëꞌ, tëparaꞌpiapi. Naꞌa piꞌipi napopi. Napoin quëran Sacariasë tëpapi antaꞌ. Piriquiasë huiꞌnin inasoꞌ. Yosë chinotopiso pëi iꞌiratëquë artaro yaꞌhuërinso aquëcha tëpapi. Canpitasoꞌ ina nitotapomarahuëꞌ, co natantochináchinhuëꞌ cancantëramaꞌ. Napoaton Yosë chiníquën anaꞌintarinquëmaꞌ.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.