Génesis 9:3 - Chayahuita (Shahui)

³ Carima yaꞌipi inapita capamaso marëꞌ quëtaranquëmaꞌ. Nisha nisha huëronoꞌsanta caꞌcoꞌ. Maꞌsona tëranta nayaramaso caꞌcoꞌ.

Génesis 9:3 ပူးပေါင်းရင်းမြစ်များ

Génesis 9:2

Yaꞌipi maꞌsharoꞌsaꞌ, anpiantëhuanoꞌsaꞌ, marëquë yaꞌhuërinsopita, inapita huaꞌanëntaramaꞌ. Inapitaso tëꞌhuatarinënquëmaꞌ.

Romanos 14:14

Yaꞌipi cosharoꞌ noya capacasoꞌ. Co mantaꞌ aꞌpocasoꞌ yaꞌhuërinhuëꞌ. Sinioro Quisoso imato, naporahuë. Napoaton nitotërahuë. Aꞌnaquënso nipirinhuëꞌ: “Co Yosë nohuantërinhuëꞌ nosha capacasoꞌ,” taponaraihuëꞌ, caꞌpachinaꞌ, tëhuënchachin oshahuanpi.

Romanos 14:17

Yosë noya huaꞌanëntërinpoaꞌ. Ina imapatëhuaꞌ, noya nisarëhuaꞌ. Asanocancanarinpoaꞌ niꞌton, co ninoꞌhuicasoꞌ yaꞌhuërinhuëꞌ. Yosësoꞌ, caꞌnëhuasoꞌ, oꞌorëhuasoꞌ, inapita co onpopinchin yonquirinhuëꞌ. Ispirito Santo catahuarinpoaꞌ noya cancantahuasoꞌ. Catahuahuachinpoaꞌ, capa cancantarihuaꞌ.

Romanos 14:20

Ama caꞌnamaso marëꞌ aꞌnapita anishacancantocosohuëꞌ. Yaꞌipi cosharoꞌ noya capacasoꞌ. Co mantaꞌ aꞌpocaso yaꞌhuërinhuëꞌ. Nipirinhuëꞌ, aꞌnaquën co ina natëtonahuëꞌ, caꞌpachinaꞌ, co noyahuëꞌ cancantapi. Napoaton co yacaꞌpachinahuëꞌ, naporoꞌ canpitantaꞌ tananpitocoꞌ nisha cancantohuachinaꞌ.

Romanos 14:3

Nosha caꞌpatamaꞌ, ama nosha aꞌporoꞌsaꞌ nocancosohuëꞌ. Nosha aꞌpohuatamantaꞌ “Nosha caꞌnamaꞌ niꞌton, co noyahuëꞌ ninamaꞌ,” ama itocosohuëꞌ. Cato chachinquëmaꞌ Yosë noya niꞌninquëmaꞌ niꞌton, ama ninapotocosohuëꞌ.

1 Corintios 10:23

“Maꞌsona tërantaꞌ yanipatëhuaꞌ, noya nicacasoꞌ,” topi. Napoaponahuëꞌ, co yaꞌipi ninëhuasopita catahuarinpoahuëꞌ noya cancantacasoꞌ. Tëhuënchachin yaꞌipi noya nicacaso nipirinhuëꞌ, co yaꞌipi catahuarinpoahuëꞌ aꞌnapita achinicancanacasoꞌ.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

Deuteronomio 12:15

Napoaponahuëꞌ, nosha capamaso marësoꞌ, nanitërama insëquë tëranta yaꞌhuëramaquë tëpamasoꞌ. Sinioro nohuanton naꞌa pëꞌtahua yaꞌhuëtohuachinquëmaꞌ, nayaramaquë tëparamaꞌ. Ina noshinënsoꞌ, yaꞌipiya quëran nanitapi capacaisoꞌ. Co oshanëna inquiaponaraihuë tëranta noya caꞌsapi. Nisha nisha yoroꞌsa noshinën pochin nitapi. Aꞌnapita tanan maꞌsharoꞌsa pochin nitapi.

Colosenses 2:16

Napoaton nisha pënënpachinënquëmaꞌ, ama natëcosohuëꞌ. “Nani maꞌsha caꞌpatëhuaꞌ, oꞌopatëhuaꞌ, oshahuanarëhuaꞌ,” topi aꞌnaquën. Nani sahuato tahuëri chinotopi. Nani yoquiaꞌhuaraiquë chinotopi. Nisha nisha niyontopiso tahuëriꞌsaꞌ naꞌhuëpi. “Co quiya pochin nipatamahuëꞌ, co noꞌtëquën imaramahuëꞌ,” itarinënquëmaꞌ. Nipirinhuëꞌ, ama inapitasoꞌ natëcosohuëꞌ.