Génesis 9:29 - Chayahuita (Shahui)

²⁹ Yaꞌipiya quëran iscon pasa aꞌnatërápo shonca piꞌi icanin. Ina piquëran chiminin huachi. Ina pochin Noi ninin.

Génesis 9:29 ပူးပေါင်းရင်းမြစ်များ

Génesis 10:1

Iporasoꞌ, Simo, Camo, Cahuito, inapita shinpita napopiso shaꞌhuichinquëmaꞌ. Pacon paꞌninso piquëran huiꞌnahuanatona naꞌantapisoꞌ, shaꞌhuichinquëmaꞌ. Simo, Camo, Cahuito, inapitaso nani shaꞌhuirahuëso chachin, Noi huiꞌninpita.

Génesis 5:20

Yaꞌipiya quëran Caritosoꞌ, iscon pasa saota shonca cato piꞌi icanin. Ina quëran chiminin huachi.

Génesis 5:27

Yaꞌipiya quëran Matosarinosoꞌ, iscon pasa saota shonca iscon piꞌi icanin. Ina quëran chiminin huachi.

Génesis 5:32

Noisoꞌ, aꞌnatërápo pasa piꞌipitaquë huarëꞌ huiꞌnin paninantërinso nasitërin. Ina quëran cato huiꞌninpita yaꞌhuëtaantarin. Huiꞌninpitasoꞌ: Simo, Camo, Cahuito, inapita itopi.

Génesis 5:5

Yaꞌipiya quëran Atansoꞌ, iscon pasa cara shonca piꞌi icanin. Ina quëran chiminin huachi.

Génesis 9:28

Pacon paꞌninso piquëran, Noisoꞌ cara pasa aꞌnatërápo shonca piꞌipi yaꞌhuaantarin.

Salmos 90:10

Canchisë shonca piꞌíchin nanpiraiso nanirin. Chiníquënoꞌsasoꞌ, posa shonca nanipi. Ina nápo piꞌipi nanpitona nipaꞌyatopi. Napopirinahuëꞌ, naꞌcon naꞌcon sacai nipi. Naporahuatonaꞌ, aꞌnapitarinta amipi. Naporápirinahuëꞌ, aꞌnaroáchin tahuëri naꞌhuëhuachina, chiminapi anta huachi.