Génesis 9:27 - Chayahuita (Shahui)

²⁷ Yosë nohuanton, Cahuito, pancana huaꞌanënchin. Simo yaꞌhuërinquë noya ninicatona yaꞌhuëꞌinaꞌ. Canaansoꞌ, Cahuito piyapinën niin,” tënin.

Génesis 9:27 ပူးပေါင်းရင်းမြစ်များ

Génesis 10:2

Cahuito huiꞌninpitasoꞌ, isopita: Comiri, Macoco, Matai, Capano, Toparo, Misico, Tirasi, inapita.

Génesis 27:29

Huaꞌhuayátërahuë piyapiꞌsa camaiquëꞌ. Nacionoꞌsanta tëꞌhuatatënën natëinënquën. Iyaparinpitanta camaiquëꞌ. Tëꞌhuatatënën inapitanta natëinënquën. Noꞌhuitënën co huachi noya yaꞌhuëcamaso marëhuëꞌ shaꞌhuitohuachinën, Yosërinta inapotarin. Inpitasona noya yaꞌhuëcaso marëꞌ shaꞌhuitohuachinën, Yosërinta inapotarin,” itërin.

Génesis 9:28

Pacon paꞌninso piquëran, Noisoꞌ cara pasa aꞌnatërápo shonca piꞌipi yaꞌhuaantarin.

Isaías 11:10

(-)

Oseas 2:14

Inapotopirinacohuëꞌ, nanon nohuantohuachinara noyasha nontopiso pochin, israiroꞌsanta nitarahuë. Inotëro parti quëparëso pochin nitarahuë. Inaquë noya nontato achinicancanarahuë.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Hechos 17:14

Napohuachinara, Quisoso imapisopitari aꞌnaroáchin Paono aꞌpapi. Aꞌnaquëni caꞌtanatonaꞌ, marë yonsanquëꞌpaꞌ quëpapi. Sirasë, Timotio, inapitaso nipirinhuëꞌ co paꞌpihuëꞌ.

Romanos 11:12

Inapita co imatonahuëꞌ tëhuëpiso marëꞌ, iporasoꞌ yaꞌipi piyapiꞌsaꞌ nanitopi Yosë huëntonënquë yaꞌconacaisoꞌ. Nisha nisha piyapiꞌsaꞌ niponaraihuëꞌ, Yosëri noya niꞌsarin. Aꞌna tahuëri naꞌa cotioroꞌsaꞌ imaantahuachinaꞌ, noya noya nisarin.

Romanos 15:12

Isaiasëntaꞌ Quisocristo ninoton, ninshitërin. “Aꞌna tahuëri Quisi shiin nasitimapon. Cotio piyapi niponahuëꞌ, mashotohuachin, yaꞌipi piyapiꞌsaꞌ huaꞌanëntarin. Nisha nisha piyapiꞌsarintaꞌ ina natëtonaꞌ, ninarapi,” tënin.

Efesios 2:19

Napoaton iporasoꞌ iyaroꞌsaꞌ, Yosë nohuitëramaꞌ. Co Yosëꞌpaꞌ paꞌshatërapomarahuëꞌ, nani huëntonënquë ayaꞌconinquëmaꞌ. Yaꞌhuëhuanoꞌsa pochin nisaramaꞌ. Co huachi nisharoꞌsa pochin niꞌninquëmahuëꞌ. Yaꞌipinpoaꞌ Quisocristo imarëhuasopita huiꞌninpita pochachin nóya niꞌninpoaꞌ.

Efesios 3:13

Aꞌchintëranquëmaꞌ niꞌton, tashinan pëiquë poꞌmorinaco. Parisitapirahuëꞌ, chiníquën cancantocoꞌ. Canpitantaꞌ Quisocristo imacamaso marëꞌ parisitërahuë. Ina marëꞌ noya cancantacasoꞌ yaꞌhuërin.

Efesios 3:6

Naꞌa piꞌipi cotioroꞌsaráchin Yosë chinotopi. “Nichaꞌësaranquëmaꞌ,” itaton, Yosëri naꞌcon catahuarin. Iporaso nipirinhuëꞌ nisha piyapiꞌsanquëmantaꞌ catahuarinquëmaꞌ. Noya nanan natanatomaꞌ, Quisocristo imaramaꞌ niꞌton, canpitantaꞌ nichaꞌësarinquëmaꞌ. Napoaton aꞌna huëntoínchin pochin ninëhuaꞌ.