Génesis 9:22 - Chayahuita (Shahui)

²² Camosoꞌ, inaquë yaꞌconahuaton niꞌpirinhuëꞌ, paꞌpin noꞌpiton huëꞌësárin quënanconin. Quënanahuaton iinpita shaꞌhuitapon paꞌnin: “Tata noꞌpiton iꞌnanpirashitë quëhuëánin niꞌconahuë,” itërin. (Nani shaꞌhuirahuëso chachin Camosoꞌ, Canaan paꞌpin.)

Génesis 9:22 ပူးပေါင်းရင်းမြစ်များ

Génesis 10:6

Camo huiꞌninpitanta isopita: Coso, Misiraimo, Oto, Canaan, inapita.

Génesis 9:23

Ina natanahuatonaꞌ, Simo, Cahuito, inapitaso aꞌnara aꞌmopiso mapi. Ina masahuatonaꞌ, niimopitopi. Niimopitopiquëranchin, pinëna quëran yaꞌconatonaꞌ, paꞌpina imotopi. Niquë notëtopi niꞌton, co paꞌpina niꞌpihuëꞌ.

Génesis 9:25

Natantahuaton, Canaan itapon: “¡Tata tëhuërin niꞌton, paꞌpi co noyahuëꞌ nicatënquën co huachi noya yaꞌhuëcamaso marëhuëꞌ shaꞌhuitaranquën! Yosë chiníquën anaꞌichinquën. Ipora quëran huarëꞌ iyaroꞌsa camaiáponquën. Shiparimapitanta inaporáponaꞌ,” itërin.

Salmos 40:15

Nocanatonaco tëhuarinacosopitantaꞌ, inapochachin taꞌananpiinaco.

Habacuc 2:15

Canpitaso canatëramaso noꞌparoꞌsaquë, piyapiroꞌsa noniatë pochin huino naꞌcon naꞌcon oꞌshitatomaꞌ, tëpaitëramaꞌ. Inapotahuatoma taparonëna nitëramaꞌ. Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!

Mateo 18:15

Ina quëran Quisosori pënëantarin. “Imapatamaco, iyaparima pochin ninicamasoꞌ yaꞌhuërin. Aꞌnaquën maꞌsha onpotohuachinquën, quëmaora paaton, nanan anoyatëquëꞌ. Ina quëran oshaquëran pënënquëꞌ noya yonquiantaꞌin. Noya natëhuachinquën, oshanën marëꞌ tëhuënchachin sëtohuachin, noya cancantaantarin. Iyaparima pochin ninosoroantarama huachi.

1 Corintios 13:6

Piyapiꞌsaꞌ co noyahuëꞌ nipachinaꞌ, tëhuënchachin sëtarihuaꞌ. Noꞌtëquën yonquihuachinaꞌ, canpoantaꞌ noya cancantarihuaꞌ.

Gálatas 6:1

Ispirito Santo natëtomaꞌ noya cancantohuatamaꞌ, aꞌnapitantaꞌ catahuacoꞌ ina pochin cancanchinaꞌ. Aꞌnasoꞌ co noyahuëꞌ nipachin, ama noꞌhuicosohuëꞌ. Sanoanan quëran pënënatomaꞌ, catahuacoꞌ co noyahuëꞌ yonquirinsopita nanianchin. Niꞌcona canpitantaꞌ sopai minsëchinquëmaꞌ.