Génesis 9:2 - Chayahuita (Shahui)

² Yaꞌipi maꞌsharoꞌsaꞌ, anpiantëhuanoꞌsaꞌ, marëquë yaꞌhuërinsopita, inapita huaꞌanëntaramaꞌ. Inapitaso tëꞌhuatarinënquëmaꞌ.

Génesis 9:2 ပူးပေါင်းရင်းမြစ်များ

Génesis 1:21

Panca maꞌsharoꞌsa nisha nisha nipisopita, marëquë yaꞌhuëcaiso marëꞌ acorin. Nisha nisha samiroꞌsantaꞌ, acorin. Anpiantëhuanoꞌsantaꞌ, acorin. Acorinsopita nicaton: “¡Ma nóyacha acorahuë paya!” tënin.

Génesis 1:26

Naporo tahuëri chachin tapon: “¡Iporaso huachi piyapi niahuaꞌ! Inaso canpoa pochachin nisarin. Chiníquën nanantaton, samiroꞌsaꞌ, anpiantëhuanoꞌsaꞌ, inapita huaꞌanëntarin. Maꞌsharoꞌsa pëꞌtahuacaiso nipisopita, tananquë yaꞌhuëcaiso nipisopita, niohuaratërinsopita, yaꞌipi inapitanta huaꞌanëntarin,” tënin.

Génesis 1:28

Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 2:19

Ina quëran yaꞌipi maꞌsharoꞌsaꞌ, anpiantëhuanoꞌsaꞌ, inapita noꞌpa quëran ninin huachi. Inapita nisahuaton, quëmapi quëshirin inari nininën acotacaso marëꞌ. Pëꞌtahuaroꞌsaꞌ, anpiantëhuanoꞌsaꞌ, maꞌsharoꞌsa tananquë yaꞌhuërinsopita, inapita nininën acotërin. Ma nininënsona acotohuachina, ina chachin ninihuanpi huachi. Napoaponahuëꞌ, co aꞌna maꞌshari tëranta nanitërinhuëꞌ, quëmapi noya catahuacasoꞌ.

Génesis 35:5

Paꞌpachinara, Yosë nohuanton, nisha nisha ninanoroꞌsaquë yaꞌhuëpisopita paꞌpi tëꞌhuapi. Napoatona co nanitopihuëꞌ Cacopo huiꞌninpita, imatona iꞌhuërëtacaisoꞌ.

Génesis 9:1

Naporoꞌ Noi, huiꞌninpitarë chachin, Yosëri nóya yonquirapiton iso pochin shaꞌhuitërin: “Naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ.

Génesis 9:3

Carima yaꞌipi inapita capamaso marëꞌ quëtaranquëmaꞌ. Nisha nisha huëronoꞌsanta caꞌcoꞌ. Maꞌsona tëranta nayaramaso caꞌcoꞌ.

Copo naporinso' 39:11

Chiníquën niꞌton, catahuainquënso marëꞌ camaihuatan, ¡co onporo catahuaponquënhuëꞌ!

Ezequiel 34:25

Noya yaꞌhuëcaiso marëꞌ inapitaroꞌco anoyatarahuë. Ca nohuanton niꞌniroꞌsa ayapon. Ama ohuicanëhuëpita apicaiso marëhuëꞌ napoapon. Inapohuato tananoꞌsaquë topinan huëꞌëponaꞌ. Co manta tëꞌhuatapihuëꞌ.

Oseas 2:18

Naporo tahuëriꞌsa nanihuachin, israiroꞌsa catahuacaꞌhuaso marëꞌ tanan maꞌsharoꞌsarëꞌco anoyatarahuë. Inairaroꞌsaꞌ, yaꞌhuanoꞌsaꞌ, inapitarëꞌconta inapoarahuë. Ama piyapinëhuëpita maꞌsha onpotacaiso marëhuëꞌ napoarahuë. Pëꞌchinan, sahuëni, inapitanta co huachi niahuëcaiso marëꞌ Israiro noꞌpaquë ohuaraponahuëꞌ. Napohuachina piyapinëhuëpitasoꞌ, sano yaꞌhuëapona huachi,” itërin.

Santiago 3:7

Nisha nisha maꞌsharoꞌsaꞌ tananquë yaꞌhuërinsopita pëꞌtahuarëꞌ. Pëꞌtahuahuatëra, co huachi maninpohuëꞌ. Anpiantëhuanoꞌsaꞌ, iꞌquë yaꞌhuërinsopita, inapita pëꞌtahuarëꞌ. Pëhuara, mayo, inapita pochin nininsontaꞌ mapatëra, pëꞌtahuarëꞌ.