Génesis 8:1 - Chayahuita (Shahui)

¹ Naporoꞌ Yosëri Noi, yaꞌipi maꞌsharoꞌsa nanchaquë yaꞌhuëapisopita, inapita yacatahuarin. Ina nohuanton pacon huinquintacaso marëꞌ ihuan paꞌnin.

Génesis 8:1 ပူးပေါင်းရင်းမြစ်များ

Génesis 19:29

Ina pochin, ina motopianaquë ninanoroꞌsa Yosëri ataꞌhuantërin. Noto yacapatërinso parti noyá ataꞌhuantërin. Notoso nipirinhuëꞌ, co ataꞌhuantërinhuëꞌ. Apraan yonquiaton, chaꞌëcaso marëꞌ ina quëran ocoirin.

Génesis 30:22

Naquiraso co huaꞌhuanaꞌpihuë niꞌton, naꞌcon Yosë nontërin. Napohuachina, napoiyan quëran nosoroaton aꞌpanirin. Ina nohuanton huaꞌhuanin huachi.

Génesis 9:10

Yaꞌipi maꞌsharoꞌsanta yonquiato napotaranquëmaꞌ: Anpiantëhuanoꞌsaꞌ, pëꞌtahuaroꞌsaꞌ, tananquë maꞌsharoꞌsa yaꞌhuërinsoꞌ, nisha nisha nipisopita nancha quëran pipipiso yonquiato, shaꞌhuitaranquëmaꞌ.

Copo naporinso' 14:13

Chimipiroꞌsa yaꞌhuërin quëran huënantacaso nanitërai naporini, chiminacaso nohuanchitohuëꞌ. Inapoasoco, noꞌhuitëranso asanorahuaton yonquiantaꞌitoncohuëꞌ.

Salmos 105:42

Piyapinën Apraan itopisoꞌ shaꞌhuitërinso yonquiaton, naporin.

Salmos 115:12

Sinioroso yonquiantarinpoa niꞌton, catahuamiatarinpoaꞌ. Yaꞌipi israiroꞌsa catahuararin. Corto huaꞌanoꞌsanta napotarin.

Salmos 137:7

Quirosarin ninano canahuachinara, itomoroꞌsa capa cancantopi: “¡Ohuatocoꞌ! ¡Pairanën paquëëmarinquë huarëꞌ inapotocoꞌ!” topi. Napopisoꞌ yonquiaton Sinioro inapitanta anaꞌintëquëꞌ.

Éxodo 14:21

Moisësë marë parti huaranën ihuërin. Ihuëpachina, Yosë nohuanton naporo tashi piꞌi pipirin parti quëran, panca ihuan huëꞌnin. Yaꞌipi tashi chiníquën ihuantohuachina, marë patomairin huachi. Patomairin niꞌton, panca ira pochin yaniro yaꞌnorin.

Éxodo 15:10

Quëmarisoꞌ chiníquën pihuihuatana, cosharo miꞌtërëso pochin marëri miꞌtërin huachi. Iꞌ nisoꞌnantërinsoꞌ huáncana nininquë promo pochin nicotaitomapi.

Éxodo 2:24

Piyapinënpita parisitopisoꞌ niꞌsahuaton, naꞌnëpisonta natanin. Naporoꞌ iráca shimashonënapitarëꞌ anoyatërinsoꞌ, yonquirin. Apraan, Isaco, Cacopo, inapitarëꞌ anoyatërinso yonquiaton, yacatahuarin huachi.

Proverbios 25:23

(-)

Isaías 44:27

Cariso marë camairahuë naporini, aꞌnaroáchin yaniitonhuëꞌ. Iroꞌsantaꞌ napoꞌitonhuëꞌ.

Amós 8:7

Inaporamaso marëꞌ Sinioro tapon: “Caso Sinioroco niꞌto, israiroꞌsanquëma chinotopiramacohuëꞌ, co onporonta naporamaso naniantarahuëꞌ.

Jonás 4:11

Aquëtë huarëꞌ mini casoꞌ, Ninihui ninanoquë yaꞌhuëpisopita nosorocaꞌhuaso yaꞌhuërin. Inasoꞌ panca ninano niꞌton, pasa cato shonca huaranca naꞌcon piyapiꞌsa yaꞌhuërin. Inapitasoꞌ, huaꞌhuaroꞌsa co manta nitotatonaraihuëꞌ tëhuëpiso pochin nipi. Naporahuaton notohuaroꞌ pëꞌtahuaroꞌsanta yaꞌhuërin, itërin.

Habacuc 3:2

Nonansopita natanahuë, acoransopitanta niꞌnahuë. Inapita yonquiato: ¡Ma noyacha Sinioroso paya! tënahuë. Iráca shimashonëhuëipita catahuaranso pochachin ipora tahuëriꞌsanta catahuacoi. Inapotatoncoi catahuacoi quiyanta nohuichinquën. Co noyahuëꞌ ninaiso marëꞌ noꞌhuiponcoirahuëꞌ, nosorochináchin cancantëransoꞌ, aꞌnotocoi.

Números 22:32

Sinioro anquëninënisoꞌ itapon: —Co cara cararo moranën huihuicasohuë nipirinhuëꞌ. Co noyahuëꞌ nicacasoꞌ yonquiran niꞌton, carinquën toꞌshitëapiranquënhuëꞌ.

Apocalipsis 16:19

Co Yosë natëpisopitahuëꞌ yaꞌhuëpiquë nocharotarin. Panca ninanoꞌ niponahuëꞌ, huëncharoaton, cararoꞌtë huarëꞌ niacoarin. Nisha nisha ninanoroꞌsaquë taꞌhuantapi. Co Yosëri naniantërinhuëꞌ anaꞌintacasoꞌ. Papironiaquë naꞌa piyapiꞌsaꞌ yaꞌhuëpirinahuëꞌ, co noyahuëꞌ nicacaisoráchin yonquipi niꞌton, anaꞌintërin. Inapochachin aꞌna tahuëri chiníquën noꞌhuiton, ataꞌhuantarin.

Apocalipsis 18:5

Naꞌcon oshahuanpi niꞌton, co Yosëri naniantarinhuëꞌ anaꞌintacasoꞌ.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.