Génesis 7:6 - Chayahuita (Shahui)

⁶ Noi saota pasa piꞌipitasoꞌ, paconi isoroꞌpaꞌ imotërin.

Génesis 7:6 ပူးပေါင်းရင်းမြစ်များ

Génesis 5:32

Noisoꞌ, aꞌnatërápo pasa piꞌipitaquë huarëꞌ huiꞌnin paninantërinso nasitërin. Ina quëran cato huiꞌninpita yaꞌhuëtaantarin. Huiꞌninpitasoꞌ: Simo, Camo, Cahuito, inapita itopi.

Génesis 7:11

Naporoꞌ Noisoꞌ, saota pasa piꞌi, cato yoqui, shonca canchisë tahuëritarin. Naporo chachin isoroꞌpaꞌ huëncharoatë pochin ninin. Marënta acoporo yaꞌhuërinsoꞌ, pipimiatërin. Naporahuaton inapaquëntaꞌ, iꞌ yaꞌcopinamën yaꞌhuërinso niiꞌsoatërin. Napohuachina, paꞌpi iꞌ isoroꞌpaquë anotimarin.

Génesis 8:13

Noi saota pasa aꞌna piꞌitapasoꞌ, yaꞌipiroꞌpaꞌ yaniromarin huachi. Caniaritërinso yoquiquë, yaꞌnatiirinso tahuëri chachin, napopinchin nancha pëirapirinso oquirin. Naporo yaꞌipiroꞌpaꞌ yaniromarinso nocorin.

Mateo 24:37

Iráca Noi nanpisoꞌ, naꞌa piyapiꞌsaꞌ co Yosë natëpihuëꞌ. Topinan yaꞌhuëcaisoráchin cancantopi. Coshatápi, oꞌosápi, saꞌasápi, huiꞌninapitantaꞌ asoꞌyarápi. Napoatonaꞌ, co Yosë yonquipihuëꞌ. Noiso nipirinhuëꞌ, Yosë natëton, panca nancha ninin. Nani tinihuachina, inaquë yaꞌconin. Aꞌnapitasoꞌ co yonquipirinahuëꞌ, aꞌnanaya panca pama paꞌsarin. Naporoꞌ yaꞌipiya chimiitopi huachi. Inapochachin cantaꞌ Yosë quëran quëmapico niꞌto, aꞌnanaya oꞌmantararahuë. Naꞌa piyapiꞌsaꞌ co yonquipirinacohuëꞌ, oꞌmantararahuë.