Génesis 7:21 - Chayahuita (Shahui)

^21-22 Naporoꞌ yaꞌipi piyapiroꞌsa isoroꞌpaquë yaꞌhuëpisopita, taquiitopi. Anpiantëhuanoꞌsaꞌ, pëꞌtahuaroꞌsaꞌ, tananquë maꞌsharoꞌsa yaꞌhuërinsoꞌ, niohuaratërinsopita, inapitanta taꞌhuantopi. Yaꞌipi nii oꞌhuatona nanpipisopita, taquiitopi huachi.

Génesis 7:21 ပူးပေါင်းရင်းမြစ်များ

Génesis 1:25

Inapita maꞌsharoꞌsaꞌ, yaꞌipi Yosëri acorin. Acorinsopita nicaton: “¡Ma nóyacha acorahuë paya!” tënin.

Génesis 6:13

Ina nicaton, Noi itapon: “Yaꞌipi piyapiroꞌsa ataꞌhuantarahuë. Paꞌpi co noyahuëꞌ nipi niꞌton, piyapiꞌsa co huachi sano cancantopihuëꞌ. Napoaton yaꞌipiroꞌpaquë yaꞌhuëpisopita ataꞌhuantarahuë huachi.

Génesis 6:17

Aꞌna tahuëri panca pacon aꞌpaarahuë, yaꞌipiroꞌpaꞌ imotarin. Yaꞌipi piyapiroꞌsaꞌ, maꞌsharoꞌsaꞌ, inapita taquiitapi.

Génesis 7:4

Canchisë tahuëri quëran ca nohuanto oꞌnanapon. Catapini shonca tahuëri, tashirë chachin oꞌnamiatapon. ¡Inapotato yaꞌipi isoroꞌpaquë acorahuësopita ataꞌhuantarahuë!” itërin.

Oseas 4:3

Napoaton yaꞌipi Israiro noꞌpaquë, sëtatona naꞌnërápi. Caniorëso pochin co manta chinipihuëꞌ. Tanan maꞌsharoꞌsa quëran huarëꞌ taquiapi. Inairaroꞌsaꞌ, marë samiroꞌsaꞌ, inapitanta inapoapi,” tënin.

Joel 2:3

Ina sontaroꞌsasoꞌ, pën aꞌnaroáchin maꞌsha ahuiquitërinso pochin yaꞌipi quënanpisoꞌ pëꞌyarapi. Coꞌhuara naꞌhuëyátërasoihuëꞌ, nani maꞌsha huiquitërantarin. Nani naꞌhuëpi piquëraontaꞌ, pën co sanoarinhuëꞌ. Coꞌhuara inapita canquiátërasoihuëꞌ, isoroꞌpaso noyápiachin nararo pochin nipirinhuëꞌ. Inapita naꞌhuëhuachina, topinan iꞌhuananárin patapi. Co maꞌshari tëranta chaꞌëtaponhuëꞌ.

Romanos 8:20

Iporaso nipirinhuëꞌ sharoꞌsaꞌ co noyatopihuëꞌ. Maꞌsharoꞌsantaꞌ chiminpi. Nipirinhuëꞌ, co inahuara nohuanton, napopihuëꞌ. Yosë nohuanton, napopi. Aꞌna tahuëri yaꞌipiya anoyatarin.

Romanos 8:22

Iráca quëran huarëꞌ maꞌsharoꞌsaꞌ parisitopi. Sharoꞌsantaꞌ papotopirinhuëꞌ, co noyatërinhuëꞌ, chiminin. Ipora huantaꞌ sanapi huaꞌhua iquitohuachina, iquitërinso pochin chiníquën parisitapi.

2 Pedro 2:5

Iráca yaꞌhuëpisopitantaꞌ co nichaꞌërinhuëꞌ. Co noyahuëꞌ nipachinara, Yosë nohuanton, panca pacon paꞌnin. Iiꞌ quëran taꞌhuantopi. Noisoꞌ Yosë imaton, noꞌtëquën pënëntopirinhuëꞌ, co yanatëpihuëꞌ niꞌton, yaꞌipiya taꞌhuantopi. Noisáchin nichaꞌërin. Yaꞌipi quëran posayaꞌpíchin chaꞌëpi.