Génesis 6:9 - Chayahuita (Shahui)

⁹ Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

Génesis 6:9 ပူးပေါင်းရင်းမြစ်များ

Génesis 10:1

Iporasoꞌ, Simo, Camo, Cahuito, inapita shinpita napopiso shaꞌhuichinquëmaꞌ. Pacon paꞌninso piquëran huiꞌnahuanatona naꞌantapisoꞌ, shaꞌhuichinquëmaꞌ. Simo, Camo, Cahuito, inapitaso nani shaꞌhuirahuëso chachin, Noi huiꞌninpita.

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 2:4

Ina pochin Yosë iráca: Isoroꞌpaꞌ, piꞌiroꞌtëꞌ, inapita acorin. Yaꞌipi noꞌtëquën shaꞌhuitaranquëmaꞌ. Sinioroso Yosë niꞌton, inapita yaꞌnan acoaponahuëꞌ,

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Génesis 5:1

Atan shinpita napopiso shaꞌhuichinquëma nitotocoꞌ. Yosëri piyapi nipachina, inaora pochachin ninin.

Génesis 5:22

Inocosoꞌ, nani tahuëri Yosë chinotaton, ina nohuantërinsoráchin ninin. Matosarino nasitërin piquëran Inocosoꞌ, cara pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Génesis 5:24

Inasoꞌ, Yosë nohuantërinsoráchin nininso marëꞌ aꞌnanaya ayarin. Yosëri inápaquë quëparin.

Génesis 6:10

Inasoꞌ, cara huiꞌninpita quëmapisáchin yaꞌhuëtërin: Simo, Camo, Cahuito, inapita.

Génesis 7:1

Ina quëran Siniorori Noi itapon: “Yaꞌipi ipora yaꞌhuëpisopita aꞌporinaco. Quëmasáchin nohuantërahuëso ninan. Napoaton iporasoꞌ, saꞌanëꞌquën chachin nanchaquë yaꞌconquë huachi. Huiꞌnanpitantaꞌ, saꞌinarë chachin yaꞌcoinaꞌ.

2 Samuel 22:24

Noyasáchin nicato imaranquën. Co noyahuëꞌ nipatëra, tëhuërëꞌ. Co caso piꞌpian tëranta inaporahuë.

1 Reyes 3:6

Natanahuaton inarisoꞌ: “Tatacosoꞌ quëma piyapinën. Inasoꞌ, noꞌtëquënáchin imamiatërinquën. Noyasáchin nicaton, co manta ihuatërinhuëꞌ. Ina marëꞌ quëmarisoꞌ noya nicaton catahuaran. Ina nosoroaton israiroꞌsa huaꞌanëntaꞌhuaso marëꞌ acoranco cantaꞌ. Quëma nohuanton huiꞌnapico niporahuëꞌ, ina yaꞌhuërënamën huaꞌanëntaꞌhuaso marëꞌ acoranco. Co manta camaitaꞌhuaso nitotopirahuëꞌ, napotëranco.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Copo naporinso' 1:8

—¿Piyapinëhuë Copo itopiso niꞌchinan to? Co insonta paso roꞌpaquë ina pochin yaꞌhuërinhuëꞌ. Inaso noꞌtëquën natëtonco, noyasáchin ninin. Napoaton co maꞌmarë tërantaꞌ, pënënacaso yaꞌhuërinhuëꞌ. Naporahuaton co inso tërantaꞌ, maꞌsha onpotërinhuëꞌ, itaantarin Yosëri.

Salmos 37:37

Noya nicaton noꞌtëquënáchin imarinsoꞌ, niꞌquëꞌ. Inasoꞌ co paꞌyan paꞌyan tëcatonhuëꞌ, sano cancantapon.

Salmos 37:39

Noya nipisopitasoꞌ Siniorori catahuararin. Maꞌsha onpoatona co napion ancantohuachinaꞌ, inari paꞌpoyapon.

Habacuc 2:4

Iso nanan inaquë ninshitëquëꞌ: ‘Papironiaroꞌsasoꞌ paꞌpi nocantopi. Canpitaso nipirinhuëꞌ sano piyapinquëma niꞌtomaꞌ: “Caora co nanitërahuëꞌ. Sinioroíchin catahuarinco chaꞌëcaꞌhuasoꞌ,” tënamaso marëꞌ nichaꞌësaranquëma nanpiaramaꞌ,’ tëquë ninshitaton.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Lucas 23:50

Aꞌna cotio huaꞌan yaꞌhuërin, Arimatiaquë yaꞌhuërinsoꞌ. Cosi itopi. Cotio huaꞌan niponahuëꞌ, noya quëmapi. Yosë noꞌtëquën chinotërin. “Aꞌna tahuëri Yosë acorinsoꞌ isoroꞌpaquë huaꞌanëntapon,” taꞌton, Yosë chinotërin. Aꞌnapitari Quisoso yatëpahuachinara, “Ama tëpacosohuëꞌ,” itopirinhuëꞌ, co yanatëpihuëꞌ.

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Romanos 1:17

“Yosëíchin anoyacancantërinpoaꞌ,” topatëhuaꞌ, Yosë noya niꞌsarinpoaꞌ. Oshanënpoaꞌ inquitatonpoaꞌ, co huachi inapita yonquiarinhuëꞌ. Quiricanën quëran ina anitotërinpoaꞌ. “Cancanënpoa quëran huarëꞌ Yosë natëhuatëhuaꞌ, noya niꞌsarinpoaꞌ niꞌton, noya nanpimiatarihuaꞌ,” tënin Yosë quiricanënquë. Co canpoara nanitërëhuahuëꞌ noya cancantacasoꞌ.

Gálatas 3:11

“Pënëntërinsoꞌ natëto chaꞌësarahuë,” co taꞌcasoꞌ yaꞌhuërinhuëꞌ. Ina pochin cancantohuatëhuaꞌ, co Yosë noya niꞌsarinpoahuëꞌ. Quiricanën quëran noꞌtëquën shaꞌhuitërinpoaꞌ: “Cancanënpoa quëran huarëꞌ natëtohuatëhuaꞌ, Yosë noya niꞌsarinpoa niꞌton, noya nanpimiatarihuaꞌ,” tënin quiricanënquë.

Hebreos 11:7

Iráca Nointaꞌ yaꞌhuëpirinhuëꞌ, aꞌna tahuëri Yosëri itapon: “Co huaꞌqui quëranhuëꞌ maꞌsha onpoaramaꞌ. Co niꞌchinamasohuëꞌ niꞌsaramaꞌ. Naporoꞌ yaꞌipi oshahuanoꞌsaꞌ iiꞌ quëran ataꞌhuantarahuë,” itërin. Coꞌhuara oꞌnayantërasohuëꞌ napotopirinhuëꞌ: “Yosë noꞌtëquën nontërinco,” taꞌton, Noi natëtërin. Shaꞌhuitohuachina, natëton, panca nancha ninin. Ina quëran saꞌin, huiꞌninpitarë chachin chaꞌëpi. Aꞌnapitasoꞌ natanaponaraihuëꞌ, co yanatëpihuëꞌ. Napoaton naꞌinpi. Noiso nipirinhuëꞌ, yaꞌipi cancanën quëran natëtërin. “Noꞌtëquën nontërinco,” topachina, Yosëri noya niꞌnin.

1 Pedro 2:5

Imaramaꞌ niꞌton, canpitantaꞌ noya naꞌpiroꞌsa pochin nisaramaꞌ. Nanpimiataramaꞌ. Yaꞌipi imarëhuasopita Yosë acorinpoaꞌ pëinën pochin nicacaso marëꞌ. Cancanënpoa quëran huarëꞌ ina naꞌcon chinotërëhuaꞌ niꞌton, corto huaꞌanoꞌsa pochin nisarëhuaꞌ. Nani tahuëri ina chinotatëhuaꞌ, “Yosparinquën Sinioro,” itahuaꞌ. Nicatahuacasontaꞌ ama naniantahuasohuëꞌ. Quisocristo catahuarinpoaꞌ ina pochin nicacasoꞌ. Ina marëꞌ Yosë noya niꞌsarinpoaꞌ.

2 Pedro 2:5

Iráca yaꞌhuëpisopitantaꞌ co nichaꞌërinhuëꞌ. Co noyahuëꞌ nipachinara, Yosë nohuanton, panca pacon paꞌnin. Iiꞌ quëran taꞌhuantopi. Noisoꞌ Yosë imaton, noꞌtëquën pënëntopirinhuëꞌ, co yanatëpihuëꞌ niꞌton, yaꞌipiya taꞌhuantopi. Noisáchin nichaꞌërin. Yaꞌipi quëran posayaꞌpíchin chaꞌëpi.