Génesis 6:2 - Chayahuita (Shahui)

² Yosë huiꞌninpitari ina nanoꞌsa niꞌsahuatonaꞌ, paꞌyatopi. Napoaton huayonatona huayonatonaꞌ, costapiso maraꞌpiapi.

Génesis 6:2 ပူးပေါင်းရင်းမြစ်များ

Génesis 12:11

Iquipito noꞌpaquë yaꞌcaritohuachina Apransoꞌ, Sarai itapon: “Niꞌquëꞌ, quëmaso tëhuënchachin noyápiroyanchinquën.

Génesis 26:35

Ina catoroꞌsa co Yosë imatonahuëꞌ, Isaco, Nipica inapita naꞌcon asëtatonaꞌ, aparisitopi.

Génesis 27:46

Ina quëran Nipicasoꞌ, Isaco nontapon paꞌnin: —Iti sanapiꞌsa Isaori maninsoꞌ co noyahuëꞌ nipi niꞌton, chiminchináchin cancantërahuë. Cacopo yaꞌhuërëꞌ ina sanapi chachin, iso Canaan roꞌtëquë yaꞌhuërinso maantahuachin, chiminaꞌhuaso noya noya nisarin, tënahuë, itërin.

Génesis 3:6

Ina natanaton, sanapiso nara nitërinso niꞌsárin: Noyápiachin nicaton caꞌchináchin cancantërin. “Ina caꞌpato, yaꞌipi nitotarahuë huachi,” tënin. Napoyan quëran, sëꞌpashorahuaton caꞌnin. Soꞌionta quëtohuachina, inanta caꞌnin.

Génesis 4:26

Sitonta huiꞌnahuanpachina, Inosë itërin. Naporo quëran huarëꞌ piyapiroꞌsa caniaritopi Yosë chinotatonaꞌ, “Sinioro” itacaisoꞌ.

Génesis 6:1

Piyapiꞌsa naꞌasahuatonaꞌ, yanquëpi huachi. Itohua itohua ninanoroꞌsa ocoiatona yaꞌhuërapi. Naꞌa huiꞌninapita nanoꞌsa yaꞌhuëtopi.

Génesis 6:3

Napoaponahuëꞌ, Siniorori co costatonhuëꞌ tapon: “Co piyapiꞌsa yaꞌhuëmiatápaiso yaꞌhuërinhuëꞌ. Piyapi niꞌton, chiminacaiso yaꞌhuërin. Napoaton pasa cato shonca piꞌipiraꞌ, nanpiponaꞌ,” tënin.

2 Samuel 11:2

Aꞌna tahuëri iꞌhuararahuasoꞌ, inaso chinotërin quëran huënsërin. Pëinën aipi nanpëontarahuaton, costatarin. Costatapon pochin nocotopirinhuëꞌ, aꞌnara sanapi quënanin. Inasoꞌ sanapi noyápiroyanchin. Iꞌiratënënquë amararin.

Copo naporinso' 1:6

Aꞌna tahuëri Yosësoꞌ, anquëninënpita ayontonin. Inapitarë chachin shaꞌhuirapirinpoasoꞌ anquëni itopisontaꞌ, paꞌnin.

Copo naporinso' 31:1

‘Yoscoarëꞌ co nanoꞌsa tëranta noyacaꞌhuaso yaꞌhuërinhuëꞌ,’ taꞌto Yosë shaꞌhuitërahuë.

Éxodo 34:16

Niꞌcona huiꞌnina canpita huiꞌnama acoantohuachinaꞌ. Inapohuachinsoꞌ, inahuaso mamanshinëna moshasoiꞌ, huiꞌnamanta moshapataponaꞌ.

Isaías 63:16

¡Quëmasoꞌ, tatahuëi pochin ninan! Apraanso co aꞌna nohuitomarincoihuëꞌ. Cacoponta co aꞌna yonquimarincoihuëꞌ. Quëmaso Sinioro tatahuëi pochin ninan. Iráca quëran huarëꞌ nichaꞌërancoi.

Malaquías 2:11

Cota huënton israiroꞌsanpoa co huachi Sinioroíchin cancantërëhuahuëꞌ. Napoaton aꞌnaquëma paꞌpi co noyahuëꞌ nininsopita Quirosarinquë ninamaꞌ. Yaꞌipi Israiro noꞌpaquë inapopi. Cota huënton noꞌpaquë chinotacaso pëi acopi niꞌton, Yosëri noya nicaton nosororin. Inapopirinhuëꞌ, noya sanapi manamasoꞌ tëꞌyatatomaꞌ, mamanshi camayo sanapiroꞌsa manamaꞌ. Inapoatoma Yosëri noya niꞌninsoꞌ, tapiramaꞌ.

Malaquías 2:15

¡Ina Yosëráchin nonënpoaꞌ, ispiritonënpoaꞌ, inapita acotërinpoaꞌ! ¡Tëhuënchachin Yosësoꞌ, ina imarëhuaso capiniráchin nimacacaso nohuantërin! Huiꞌnanpoapitantaꞌ, inanquën nicacaiso marëꞌ naporin. Napoaton ispiritonëma aꞌpaiatomaꞌ, huiꞌnapitasëma sanapi manamasoꞌ, ama nonpintocosohuëꞌ.

1 Corintios 7:39

Sanapi soꞌyahuachin, soꞌin chinpitacasoꞌ yaꞌhuërin. Napoaponahuëꞌ, soꞌini ayananpihuachin, yasoꞌyantahuachin, noya soꞌyantaꞌin. Yosë imanaꞌpi soꞌyachin.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

2 Pedro 2:14

Sanapi quënanpachinara, monshitacaisoráchin yonquipi. Co nanitopihuëꞌ naniantacaisoꞌ. Co chiníquën cancantopisopitahuëꞌ nonpintatonaꞌ, anishacancantapi. Huënsonquë maꞌsha manëso pochin nonpintapi. Maꞌsharáchin yonquiatonaꞌ, noyapatopi. Napoaton Yosëri anaꞌintarin.

1 Juan 2:16

Isoroꞌpaquë nisha nisha yaꞌhuërin aoshahuainpoaso marëꞌ: Monshihuanacasoráchin cancantërëꞌ. Maꞌsha quënanpatëra, nohuantapatërëꞌ. Maꞌhuanpatëra, yanocantërëꞌ, naporëꞌ. Inapitasoꞌ co Tata Yosë nohuanton yaꞌhuërinhuëꞌ. Sopai nohuanton, yaꞌhuërin.